Jɛrimaya 32:25 - Krio Fɔs Oli Baybul

²⁵ Pan ɔl dat, yu PAPA GƆD we na mi Gɔd tɛl mi se, “Bay di land wit mɔni ɛn gɛt witnɛs dɛm” –ɔlwe di Babilonian dɛn de kapchɔ di siti.’”

Jɛrimaya 32:25 Referans Kwoze

Jɛrimaya 32:24

Di dɔti we dɛn pak rawnd fɔ klem ɛn atak, dɔn bil kam ɔp di siti fɔ kapchɔ am, ɛn fɔseka wa ɛn bad bad aŋri ɛn siknɛs, dɛn go gi di siti to di Babilonian dɛm we de fɛt dɛm. Wetin yu bin se dɔn bi, ɛn yu si am wit yu yay.

Jɔn 13:7

Jizɔs se, “Yu nɔ ɔndastand wetin a de du naw, bɔt yu go ɔndastand am bambay.”

Di Sam Dɛm 97:2

Nɔbɔdi nɔ de si am; bɔt ɔlman no se wɛn i de rul, i de rul tret wan.

Di Sam Dɛm 77:19

Yu waka wit yu pipul insay di wata yu krɔs wit dɛn bɔt nɔbɔdi nɔ ebul si yu fut in mak.

Jɛrimaya 32:8

Nain Anamɛl we na mi kɔzin kam to mi insay di pales yad, akɔdin to wetin PAPA GƆD bin se, ɛn tɛl mi se, ‘Bay mi land we de na Anatɔt, na di land ɔf Bɛnjamin, bikɔs na yu gɛt di rayt fɔ ridim am we yu bay am; bay am fɔ yusɛf.’ Na da tɛm de a no se na PAPA GƆD in wɔd.

Jɛrimaya 32:26

PAPA GƆD in wɔd rich Jɛrimaya. I se:

Jɛrimaya 32:43

Dɛn go bay grɔn na dis land we yu de tɔk bɔt se, i nɔ gud fɔ natin, witawt mɔtalman ɔ animal; i dɔn bi di Babilonian dɛn yon.

Jɛrimaya 24:10

Ɛn a go sɛn wa, bad bad aŋri ɛn siknɛs pan dɛm, sote dɛn ɔl day kpatakpata kɔmɔt na di land we a gi dɛn ɛn dɛn fɔstɛmpapa dɛm.

Jɛrimaya 32:15

Bikɔs na dis PAPA GƆD Ɔlmayti we na Izrɛl dɛn Gɔd se; Dɛn go bay os ɛn land ɛn greps bak na dis land.

Jɛrimaya 34:17

Fɔseka dat, na dis PAPA GƆD se: una nɔ obe mi we una nɔ kip to di pɔblik anawnsmɛnt fɔ fridɔm, we ɔlman fɔ fri in brɔda ɛn neba; so a de anawns se una fridɔm na to wa, siknɛs ɛn bad bad aŋri. A go so du am dat ɔl di kindɔm dɛn na di wɔl go fred bad bad wan, we dɛn go yɛri wetin apin to una. Na so PAPA GƆD se.