Jɛrimaya 32:23 - Krio Fɔs Oli Baybul

²³ ɛn dɛn bin go insay de ɛn tek am fɔ dɛnsɛf. Bɔt dɛn nɔ bin obe yu vɔys ɔ du wetin yu lɔ se; dɛn nɔ du natin pan ɔl wetin yu kɔmand dɛm fɔ du. Na fɔseka dat yu mek ɔl dɛn bad bad tin ya mit dɛm.

Jɛrimaya 32:23 Referans Kwoze

Ɛzra 9:7

Frɔm di tɛm we wi grampa dɛn de na wɔl te tide, wi we se wi na yu pipul dɛn jɛs de du bad nɔmɔ. Ɛn bikɔs ɔf wi sin, wi o, wi kiŋ dɛn o, ɛn wi man dɛn we de mek sakrifays fɔ pipul sin dɛn fɔdɔm na dɛn pegan kiŋ dɛn trap. Dɛn kil wi, dɛn tif wi, dɛn kapchɔ wi, ɛn kɛr wi go trit wi lɛkɛ jelman. Dɛn disgres wi ɛn na da disgres de de pan wi te tide.

Lamɛnteshɔn 1:18

“PAPA GƆD rayt fɔ wetin i du, bikɔs a dɔn tɔn mi bak pan in wɔd; bɔt pipul dɛn na di wanol wɔl, una ɔl lisin, ɛn si di sɔfa we a de sɔfa; mi yɔŋuman ɛn yɔŋman dɛn ɔl de na ɔda land lɛk slev.

Jems 2:10

If pɔsin de du ɔl wetin Gɔd in Lɔ se, bɔt i brok wan pan di lɔ dɛn, i dɔn brok ɔl di ɔda lɔ dɛn na Gɔd in yay.

Lɛta Fɔ Galeshya 3:10

Ɛnibɔdi we tink se na we i de du wetin di Ju Lɔ se go mek ɔltin rayt bitwin in ɛn Gɔd, da pɔsin de fɔ no se Gɔd go kɔndɛm am; bikɔs dɛn rayt na Gɔd in Buk se, “Gɔd de kɔndɛm ɛnibɔdi we nɔ de du ɔl wetin di Ju Lɔ se, ɔltɛm.”

Jɔn 15:14

Una na mi padi dɛn if una du wetin a tɛl una fɔ du.

Lyuk 17:10

Semwe so, wɛn una dɔn du ɔl wetin una masta tɛl una fɔ du, una fɔ se, ‘Wi nɔto bɛtɛ wokman; wi jɛs du wetin wi bin gɛt fɔ du nɔmɔ.’”

Izikɛl 20:21

Bɔt di pikin dɛn bin ribɛl agens mi; dɛn nɔ bin du wetin mi lɔ dɛn se, ɛn nɔ bin bisin bɔt mi kɔmand dɛm, we na we mɔtalman du dɛn, dɛn go gɛt lɔŋ layf, ɛn semwe dɛn nɔ bin rɛspɛkt mi de fɔ blo ɛn rɛst. “So a bin tink na mi at se a fɔ put mi bad bad vɛksteshɔn pan dɛm, ɛn put mi krɔs pan dɛm na di say we ɛmti ɛn natin nɔ de.

Izikɛl 20:18

“Ɛn a bin tɛl dɛm pikin dɛm na di say we ɛmti ɛn dray we natin nɔ de se, Una nɔ du wetin una fɔstɛm-papa dɛn bin de du, ɛn nɔ biliv wetin dɛn bin biliv. Una nɔ dɔti unasɛf na mi yay wit dɛn laylay gɔd dɛn.

Izikɛl 20:8

Bɔt dɛn bin tɔn dɛn bak pan mi ɛn nɔ gri lisin to mi; dɛn ɔl nɔ bin gri trowe di tin dɛn we a et bad bad wan we dɛn at bin de pan, ɛn dɛn nɔ bin gri kɔmɔt biɛn Ijipt dɛn laylay gɔd dɛn. Dɛn a bin tink se a fɔ put mi vɛksteshɔn pan dɛn ɛn put mi krɔs pan dɛn na Ijipt.

Lamɛnteshɔn 1:8

Jerusɛlɛm bin dɔn kɔmit sin bad bad wan, we mek i bin dɔn dɔti na PAPA GƆD in yay; ɔl di wan dɛn we bin rɛspɛkt am bigin luk am lɛk natin, bikɔs dɛn dɔn si aw i tan; in sɛf sɛf de kray nain at, ɛn de ayd in fes.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Jɔshwa 23:16

Jɔshwa se if dɛn lɛf di Kɔvinant we dɛn mek wit PAPA GƆD we na dɛn PAPA GƆD ɛn go wɔship ɔda gɔd dɛn, PAPA GƆD go vɛks bad bad wan ɛn mek dɛn ɔl day kɔmɔt na di gud land we i dɔn gi dɛn.

Di Sam Dɛm 78:10

Dɛn Ifremayt sojaman dɛn ya nɔ bin kip PAPA GƆD in Kɔvinant ɛn dɛn nɔ bin gri fɔ obe in lɔ.

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Jɛrimaya 26:4

Yu go tɛl dɛm se, ‘Na dis PAPA GƆD se: If una nɔ gri lisin to mi, ɛn du wetin mi lɔ dɛn we a gi una, se,

Jɛrimaya 44:10

Dɛn nɔ put dɛnsɛf dɔŋ te tide, ɛn dɛn nɔ rɛspɛkt mi, ɛn nɔ du wetin mi lɔ we a gi una ɛn una fɔstɛmpapa dɛn, se.

Jɔshwa 21:43

PAPA GƆD bin dɔn prɔmis di Izrɛlayt dɛn fɔstɛmpapa dɛm se in go gi dɛn di land ɛn ɔl wetin i bin prɔmis, I du so. Di Izrɛlayt dɛn dɔn gɛt di land to dɛnsɛf.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.