Jɛrimaya 32:22 - Krio Fɔs Oli Baybul

²² ɛn yu gi dɛm dis land, we yu bin swɛ to dɛm fɔstɛmpapa fɔ gi dɛm; land we gud fɔ plant ɛn fɔ mɛn animal;

Jɛrimaya 32:22 Referans Kwoze

Ɛksodɔs 13:5

I se dɛn fɔ sɛlibret da de de as ɔlide insay da mɔnt de wɛn PAPA GƆD go kɛr dɛn go na di ples usay dɛn Kenanayt, dɛn Itayt, dɛn Amɔrayt, dɛn Ivayt ɛn dɛn Jɛbyusayt dɛn de. I se na da land de PAPA GƆD bin swɛ se in go gi dɛn papa dɛn, ɛn da land we fayn fɔ plant ɛn fɔ mɛn animal dɛn.

Ɛksodɔs 3:8

So a dɔn disayd fɔ pul dɛn kɔmɔt na di Ijipshian dɛn an ɛn kɛr dɛn go na dɛn yon land we gud ɛn big. Dis na land we fayn fɔ plant ɛn fɔ mɛn animal dɛn. Na dis land dɛn Kenanayt, Itayt, Amɔrayt, Pɛrizayt, Ivayt ɛn Jɛbyusayt dɛn tap.

Jɛrimaya 11:5

so dat a go du wetin a bin dɔn swɛ to una fɔstɛmpapa dɛn se a go du fɔ dɛm, dat na fɔ gi dɛn wan land we gud fɔ plant ɛn fɔ mɛn animal we dɛn gɛt so.” Nain a ansa se, “PAPA GƆD, lɛ i bi so.”

Ditarɔnɔmi 1:8

I se in PAPA GƆD dɔn gi dɛn ɔl di land, so dɛn fɔ go kapchɔ am ɛn tap na di land we PAPA GƆD bin dɔn prɔmis dɛn fɔstɛm-papa dɛn, Ebraam, Ayzak ɛn Jekɔb se i go gi dɛn ɛn dɛn grampikin dɛn we nɔ bɔn yet.

Ɛksodɔs 3:17

ɛn a prɔmis fɔ pul dɛn kɔmɔt na Ijipt usay dɛn de sɔfa ɛn kɛr dɛn go na di land usay dɛn Kenanayt, dɛn Itayt, dɛn Amɔrayt, dɛn Pɛrizayt, dɛn Ivayt ɛn dɛn Jɛbyusayt dɛn de. Da land de na land we fayn fɔ plant, ɛn fɔ mɛn animal dɛn.

Izikɛl 20:15

Ɛn na so a bin swɛ na di say we ɛmti ɛn dray we natin nɔ de, se, a nɔ go briŋ dɛm kam na di land we a bin dɔn gi dɛm, we gud fɔ plant ɛn fɔ mɛn animal, di land we dɛn de kɔle pan pas ɔl ɔda land,

Izikɛl 20:6

Da de de, a bin swɛ to dɛn se a go pul dɛn kɔmɔt Ijipt, kam na wan land we a dɔn fɛn fɔ dɛm, land we gud fɔ plant ɛn fɔ mɛn animal, we na di land we fayn pas ɔl.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Jɔshwa 21:43

PAPA GƆD bin dɔn prɔmis di Izrɛlayt dɛn fɔstɛmpapa dɛm se in go gi dɛn di land ɛn ɔl wetin i bin prɔmis, I du so. Di Izrɛlayt dɛn dɔn gɛt di land to dɛnsɛf.

Jɔshwa 1:6

PAPA GƆD tɛl Jɔshwa se i fɔ tinap lɛkɛ man, bikɔs nain go gɛt fɔ de bifo di pipul dɛn fɔ go kapchɔ di land we in PAPA GƆD bin dɔn swɛ to dɛn fɔstɛm-papa dɛn se, in go gi dɛn.

Ditarɔnɔmi 8:1

Mozis tɛl di Izrɛlayt dɛn se if dɛn wan lɛ PAPA GƆD gi dɛn di land we i bin prɔmis dɛn fɔstɛm-papa dɛn se i go gi dɛn, ɛn dɛn go wande de, bɔn bɔku pikin ɛn gɛt lɔŋ layf, dɛn fɔ tek di lɔ dɛn siriɔs wan ɛn du ɔl wetin PAPA GƆD se.

Ditarɔnɔmi 7:13

I se PAPA GƆD go lɛk dɛn, i go blɛs dɛn ɛn go mek dɛn bɔn bɔku bɔku pikin dɛn ɛn i go gi dɛn plɛnti plɛnti tin fɔ it, ɛn ɔda tin dɛn lɛk sid plant, wayn ɛn ɔliv ɔyl. As fɔ dɛn ship got ɛn kaw dɛn, dɛn go jɛs de bɔn bɔku bɔku wan.

Ditarɔnɔmi 6:23

PAPA GƆD bin pul dɛn kɔmɔt de so i kɛr dɛn go na di land we i bin dɔn swɛ to dɛn fɔstɛm-papa dɛn se i go gi dɛn.

Ditarɔnɔmi 6:18

I prɔmis dɛn se if dɛn du di tin dɛn we go mek PAPA GƆD in at gladi, ɔltin go fayn fɔ dɛn ɛn dɛn go go tap na di gud land we PAPA GƆD bin dɔn prɔmis dɛn fɔstɛm-papa dɛn

Ditarɔnɔmi 6:10

Mozis tɛl di Izrɛlayt dɛn se we PAPA GƆD we na dɛn PAPA GƆD go dɔn kɛr dɛn go na di land we i bin dɔn swɛ to dɛn fɔstɛm-papa dɛn, Ebraam, Ayzak ɛn Jekɔb se i go gi dɛn, wit big big ɛn fayn fayn siti dɛn we nɔto dɛn bin bil.

Ditarɔnɔmi 1:35

bikɔs dɛn we de da tɛm de na pipul dɛn we de mɛmba fɔ du bad, dɛn nɔn nɔ go si di land we i bin dɔn prɔmis se in go gi dɛn fɔstɛm-papa dɛn;

Di Nɔmba Dɛm 14:30

Dɛn nɔn nɔ go mas fut insay di land we a bin dɔn swɛ se a go mek i bi dɛn yon pas Kelɛb we na Jɛfunɛ in bɔypikin ɛn Jɔshwa we na Nɔn in bɔypikin.

Di Nɔmba Dɛm 14:16

na we yu nɔ ebul fɔ kɛr dɛn go na di land we yu bin dɔn prɔmis se yu go kɛr dɛn, na dat mek yu kil dɛn ɔl na di ɛmti land we pɔsin nɔ go ebul tap. PAPA GƆD, na tɛm dis we yu fɔ sho aw yu pawaful.

Jɛnɛsis 50:24

I tɛl in brɔda dɛn se, in kin day ɛnitɛm da tɛm de, bɔt PAPA GƆD go luk dɛn ɛn pul dɛn kɔmɔt na Ijipt ɛn kɛr dɛn go saful wan usay i bin dɔn prɔmis Ebraam, Ayzak ɛn Jekɔb.

Jɛnɛsis 24:7

PAPA GƆD, we na PAPA GƆD na ɛvin, bin pul mi kɔmɔt na mi papa in os ɛn usay ɔl mi fambul dɛn de, ɛn prɔmis mi se, in go gi mi ɛn mi jɛnareshɔn dɛn dis land ya so. Da sem PAPA GƆD de go sɛn in enjɛl bifo yu, so dat yu go gɛt wɛf fɔ mi pikin yanda.

Jɛnɛsis 13:15

A go gi yu ɛn yu jɛnareshɔn ɔl dis land we yu si so, ɛn i go bi una yon sote go.