Jɛrimaya 32:20 - Krio Fɔs Oli Baybul

²⁰ In we dɔn sho sayn ɛn wɔnda na Ijipt, ɛn te tide i de du am na Izrɛl ɛn to ɔlman na di wɔl, ɛn dat mek dɛn no yu ɔlsay jɛs lɛk tide.

Jɛrimaya 32:20 Referans Kwoze

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

Apɔsul Dɛn Wok 7:36

Mozis du plɛnti wɔndaful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia.

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.

Di Sam Dɛm 135:9

I ple bɔku wɔndaz insay Ijipt, pan di kiŋ ɛn in ɔfisa dɛn.

2 Samiɛl 7:23

Us ɔda pipul tan lɛk di Izrɛlayt dɛn to yu? Na udat dɛn yu bay bak fɔ bi yu yon pipul? Na dɛn de mek ɔlman de fred ɛn rɛspɛkt yu naw we yu ple bɔku wɔnda ɛn pul dɛn neshɔn dɛn ɛn dɛn gɔd dɛn na dɛn an wɛn yu bin dɔn pul dɛn na Ijipt.

Ɛksodɔs 10:2

Ɔl dis na fɔ mek una tɛl una pikin dɛn ɛn grampikin dɛn aw a mek di Ijipshian dɛn to fulman di tɛm we a pafɔm dɛn mirekul dɛn ya. Una ɔl go no se mi na PAPA GƆD.”

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ayzaya 63:12

we mek in pawaful an fɔ go na Mozis in raytan, we sheb di Si bifo dɛm fɔ mek nem we go de sote go, fɔ insɛf,

1 Kronikuls 17:21

Us ɔda neshɔn na wɔl we tan lɛk Izrɛl we na yu pipul dɛn, we papa Gɔd bin go fri fɔ bi in pipul dɛn, ɛn mek nem fɔ yusɛf fɔ big ɛn fiaful tin dɛn we PAPA GƆD go fɔ sev fɔ bi in pipul, yu mek nem fɔ yusɛf fɔ pawaful ɛn fiaful tin dɛm, we yu drɛb pipul dɛn ɛn put yu yon pipul dɛn we yu fri kɔmɔt Ijipt.

Ditarɔnɔmi 7:19

di bad bad sɔfa we Ijipt dɛn bin sɔfa we dɛn di Izrɛlayt dɛnsɛf bin si wit dɛn yay, we PAPA GƆD we na dɛn PAPA GƆD bin du dɛn tin dɛn we kin mek pipul dɛn fred ɛn rɛspɛkt am, we na dat i bin tek pul dɛn de; i se na semweso PAPA GƆD we na dɛn PAPA GƆD go du ɔl dɛn neshɔn dɛn we di Izrɛlayt dɛn de fred.

Ditarɔnɔmi 6:22

I bin du mirekul dɛn fɔ pɔnish Ijipt dɛn ɛn dɛn kiŋ ɛn in fambul dɛn, we dɛn ɔl bin si wit dɛn yon yay.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ɛksodɔs 7:3

Bɔt a go mek di kiŋ mek at traŋa so dat pan ɔl we a go du ɔlkayn mirekul dɛn na Ijipt nɔ go lisin.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ayzaya 63:14

Lɛk we kaw dɛn kin de go dɔŋ dɛn vali, na so PAPA GƆD in spirit bin mek dɛn rɛst. Na so yu bin lid yu pipul dɛn fɔ mek big nem fɔ yusɛf.

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Ditarɔnɔmi 11:3

di mirekul dɛn we i bin du na Ijipt ɛn ɔl wetin i bin du di kiŋ ɛn in pipul dɛn fɔseka di Izrɛlayt dɛn,

Nɛimaya 9:11

We dɛn wan pas bay di Rɛd Si, yu sheb di wata midul so dat dɛn kin waka na dray land dɔn yu kɔba di wata bak pan dɛn Ijipshian dɛn we bin de rɔnata dɛn. Di wata swɛla dɛn lɛkɛ se dɛn na big big ston dɛn we dɛn ib midul wata.

Daniɛl 6:28

So bɛtɛ bin fala Daniɛl di tɛm we Dariɔs bin de rul ɛn we Sayrɔs we na Pashian bin de na pawa.