Jɛrimaya 32:19 - Krio Fɔs Oli Baybul

¹⁹ we sabi plan wit sɛns ɛn kin du wɔndaful tin: I de si ɔl mɔtalman in we, ɛn de pe ɔlman bay in we ɛn bay wetin dɛn mek bi.

Jɛrimaya 32:19 Referans Kwoze

Jɛrimaya 17:10

“Mi PAPA GƆD, sach mɔtalman maynd ɛn tɛst mɔtalman at, fɔ pe ɔlman bay wetin i du, di pe we i fɔ gɛt fɔ di kayn wok we i wok.”

Matyu 16:27

Mɔtalman Pikin go kam wit Gɔd in enjɛl dɛn ɛn i go kam wit in Papa in wɔndaful pawa; i go gi ɔlman dɛn pe fɔ wetin dɛn du.

Ayzaya 28:29

Na to PAPA GƆD Ɔlmayti dis wan sɛf kɔmɔt; in advays dɛn wɔndaful ɛn in sɛns pas ɔl.

Di Sam Dɛm 62:12

In lɔv fɔ wi nɔ go ɛva chenj. PAPA GƆD yu go mɔs gi ɔlman di pe we i fɔ gɛt.

Rɛvɛleshɔn 22:12

Jizɔs se, “Lisin, di tɛm we a go kam nɔ fa igen. A go kam fɔ gi ɔlman di pe we dɛn wok fɔ.

Jɛrimaya 16:17

Bikɔs mi yay de pan ɔl wetin dɛn de du; natin we dɛn de du nɔ ayd pan mi, ɛn dɛn sin dɛm nɔ ayd pan mi.

Job 34:21

“PAPA GƆD in yay de pan ɔl wetin mɔtalman de du, ɛn de si ɔl usay mɔtalman de go.

Rɛvɛleshɔn 2:23

A go mek ɔl dɛn wan we de fala am sik ɛn day. Dat go mek ɔl dɛn Kristiɛn ɔlɔbɔt no se a no wetin ɔlman na wɔl de tink ɛn a de si insay dɛn at. A go mek ɔlman gɛt di pe fɔ wetin i du.

Di Ibru Pipul Dɛn 4:13

Natin nɔ de we Gɔd mek we i nɔ de si; natin nɔ de we ayd, we Gɔd nɔ de si; Gɔd de si ɔltin, ɛn na bifo am wi ɔl gɛt fɔ tinap bambay ɛn tɔk ɔl wetin wi bin du na wɔl.

Jɔn 5:29

ɛn dɛn go rayz frɔm dɛn grev: di wan dɛn we bin du gud, go rayz frɔm dɛn grev ɛn dɛn go gɛt layf we go de sote go; bɔt dɛn wan we bin du bad, go rayz frɔm dɛn grev, ɛn a go kɔndɛm dɛn.

Jɛrimaya 23:24

PAPA GƆD se, Ɛnibɔdi go ebul ayd insɛf na ɛni sikrit ples we a nɔ go ebul si am? A nɔ de ɔlsay na wɔl?

Ayzaya 40:13

Udat dɔn dayrɛkt PAPA GƆD in spirit wande, ɔ dɔn bi in advaysa ɛn dɔn tɛl am wetin fɔ du?

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Prɔvabs 5:21

PAPA GƆD de si ɔl wetin pɔsin de du, ɛn ɛnisay we i de go, i de wach am.

Lɛta Fɔ Ɛfisɔs 1:11

Ɔltin go bi lɛkɛ aw Gɔd dɔn mak ɛn lɛkɛ aw i want dɛn fɔ bi. Gɔd dɔn pik wi fɔ mek wi bi in yon pipul we wi gɛt wanwɔd wit Krays, bikɔs na dat i want ɛn na dat i bin dɔn plan frɔm we di wɔl bigin.

2 Kɔrint 5:10

Wi ɔl gɛt fɔ tinap bifo Krays fɔ mek i jɔj wi. Ɔlman go gɛt wetin i wok fɔ wɛn i bin de na dis layf, if na gud i wok fɔ, i go gɛt gud; if na bad igen, i go gɛt bad.

Daniɛl 4:35

Ɔl udat tap na di wɔl nɔ min natin; ɛn i de du wetin i want wit ɔl di wan dɛn we de na ɛvin ɛn ɔl di wan dɛn we de na di wɔl; ɛn nɔbɔdi nɔ go ebul fɔ tap am ɔ aks am se, “Wetin yu de du?”

Ɛkliziastis 12:14

PAPA GƆD go jɔj ɔltin we pipul du, we insay de yu gɛt di sikrit tin dɛn we pipul ayd du; di gud wan dɛn ɛn di bad wan dɛn.

Di Sam Dɛm 34:15

PAPA GƆD de wach ɔl udat de du tin tret wan ɛn de yɛri we dɛn de kray;

2 Kronikuls 16:9

Bikɔs PAPA GƆD in yay de de ɔlsay na di wanol wɔl, fɔ sho in pawa fɔseka di wan dɛn we dɛn dɛn at klin fɔ am. Na fulish we yu biev so; bikɔs as frɔm tide, na so so wa yu go de fɛt.

1 Kiŋ 8:32

duya PAPA GƆD, ansa di prea na ɛvin ɛn gi jɔjmɛnt. Pɔnish di wan we rɔŋ ɛn fri di wan we nɔ gilti lɛ ɔlman no se i inosɛnt.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Job 34:11

Bikɔs na bay di wok we mɔtalman du PAPA GƆD de pe am, ɛn na bay mɔtalman in we, PAPA GƆD go trit am.

Prɔvabs 8:14

A sabi gi gud advays ɛn sabi wok mi plan, a de si fa ɛn a trɔŋ.

Jɛrimaya 21:14

PAPA GƆD se, A go pɔnish una bay wetin una du; A go layt faya insay in fɔrɛst, ɛn i go bɔn ɔl wetin de rawnd am.”

Daniɛl 2:45

Jɛs lɛk we yu bin si wan ston kɔt kɔmɔt pan wan mawnten, we nɔto mɔtalman an bin kɔt am, we bin brok di ayɛn, di bras, di kle, di silva ɛn di gold pyɛt pyɛt. Na di pawaful PAPA GƆD dɔn mek di kiŋ no bɔt ɔl dis tin ya we go bi bambay. Di drim na tru ɛn di minin go mɔs bi.

Di Sam Dɛm 92:6

Fulman nɔ go no yu ɔ ɔndastand yu pawa fɔ no

Di Sam Dɛm 111:2

PAPA GƆD in wok big ɛn ɔl udat lɛk am de wɔnda pan wetin i de du.

Ayzaya 59:18

Na akɔdin to wetin dɛn du, i go pe dɛn bak, vɛksteshɔn fɔ di wan dɛn we de agens am, ɛn i go sho lɔv to in ɛnimi dɛn; i go sho lɔv to di kɔntri dɛn we de nia di si.

Jɛrimaya 25:14

Bikɔs bɔku neshɔn dɛm ɛn big big kiŋ dɛn go tek dɛn mek slev; ɛn a go pe dɛm bay di wok we dɛn du, wetin dɛn du wit dɛn yon an.

Zɛkaraya 9:1

PAPA GƆD tɔk bad bɔt Adrak ɛn di siti we na Damaskɔs. Na PAPA GƆD gɛt ɔl dɛn siti we de na Siria ɛn nɔto dɛn nɔmɔ, bɔt nain gɛt ɔl di Izrɛl fambul.