Jɛrimaya 32:18 - Krio Fɔs Oli Baybul

¹⁸ yu de sho lɛknɛs we nɔ de shek to tawzin tawzin pipul, bɔt yu de tɔn di papa dɛm gilt pan dɛn pikin dɛm, Yu big ɛn mayti Gɔd we in nem na PAPA GƆD Ɔlmayti,

Jɛrimaya 32:18 Referans Kwoze

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Ɛksodɔs 34:7

A de sho lɔv to tawzin pan tawzin pipul dɛn ɛn de fɔgiv udat du bad, udat brok lɔ ɛn udat kɔmit sin; bɔt a nɔ de fɔgɛt fɔ pɔnish dɛn wan we de du bad. A de mek pikin, grampikin, gret grampikin ɛn gret, gret grampikin dɛn sɔfa fɔ dɛn mami ɛn dadi dɛn sin.”

Matyu 27:25

Ɔl di pipul dɛn se, “Mek di lod de pan wi ɛn wi pikin dɛn fɔ di day we dis man fɔ day!”

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 10:21

Di wan dɛn we lɛf go kam bak; di wan dɛn we lɛf pan Jekɔb in pikin dɛn, go kam bak to di mayti Gɔd.

Ayzaya 9:6

Bikɔs dɛn dɔn bɔn wan pikin gi wi, dɛn dɔn gi wi bɔypikin ɛn nain ed di gɔvmɛnt go de, ɛn in nem we dɛn go kɔl am, na, “Wɔndaful Kanselɔ, Mayti Gɔd, Ɛvalastin Papa, Prins ɔf pis.”

Ditarɔnɔmi 10:17

PAPA GƆD we na dɛn PAPA GƆD, na di PAPA GƆD fɔ ɔl ɔda gɔd dɛn, ɛn Lɔd fɔ ɔl dɛn Lɔd dɛn. Na big ɛn wɔndaful PAPA GƆD. I nɔ de tek sayd ɛn nɔbɔdi nɔ ebul brayb am.

Di Nɔmba Dɛm 14:18

yu PAPA GƆD nɔ de vɛks kwik, yu gɛt beberebe lɔv ɛn yu rɛdi fɔ fɔgiv sin ɛn ɔda kayn rebɛl wok. Yu se yu PAPA GƆD nɔ de lɛf di pɔsin we du bad fɔ go skɔchfri, yu de pɔnish pikin dɛnsɛf fɔ dɛn papa dɛn sin te rich di gret gret grampikin dɛn.

Abakɔk 1:12

Abakɔk aks PAPA GƆD se if nɔto in na PAPA GƆD frɔm tɛm. Di PAPA GƆD we oli. I se in no se dɛn nɔ go day as na PAPA GƆD pik di Babilonian dɛn fɔ pɔnish dɛn.

Nɛimaya 1:5

A se, “E PAPA GƆD we de na ɛvin! Yu big ɛn du fɔ fred. Yu de kip yu wɔd na yu Kɔvinant to ɔl udat lɛk yu ɛn de du wetin yu want.

2 Kiŋ 9:26

wans in si Nebɔth ɛn in bɔypikin dɛn blɔd da de de, na so in papa go mek Eab pe fɔ dat na di vɛri grɔn. I tɛl Baka fɔ tek Joram in dedebɔdi ib am na di grɔn de bikɔs na so PAPA GƆD bin se.

Jɛrimaya 31:35

Na dis PAPA GƆD se, udat gi di san fɔ bi layt santɛm ɛn fiks di mun ɛn di sta dɛm ɔdali fɔ gi layt na nɛt, udat de shek shek di si so dat di swɛlin dɛn go ala– na PAPA GƆD Ɔlmayti nain nem;

Di Sam Dɛm 50:1

PAPA GƆD, di PAPA GƆD we gɛt pawa pas ɔl na di wanol wɔl, de kɔl ɔlman we de na wɔl,

Ditarɔnɔmi 7:21

So dɛn nɔ fɔ fred nɔbɔdi bikɔs PAPA GƆD we na dɛn PAPA GƆD, na di PAPA GƆD we gɛt pawa pas ɔl ɔda gɔd dɛn ɛn i de wit dɛn ɔltɛm.

Jɛnɛsis 49:24

Bɔt in yon bo tinap stɛdi wan. I tan lɛkɛ se in yon an dɛn traŋa pasmak, bikɔs na Jekɔb in GƆD, di GƆD Ɔlmayti de gi am di trɛnk we na lɛkɛ di man we de mɛn ship ɛn nain de kɔba Izrɛl.

Lyuk 6:38

Una gi ɛn Gɔd insɛf go gi una, ɛn dɛn tin we i gi una, go so plɛnti, i go jɛs tan lɛkɛ wɛn dɛn ful kitul wit sɔntin, dɛn prɛs am, dɛn shek am ɛn i rɔnoba. If una gi plɛnti, Gɔd go gi una plɛnti; if una nɔ gi plɛnti, Gɔd nɔ go gi una plɛnti.”

Ɛksodɔs 34:6

PAPA GƆD pas bifo Mozis ɛn bigin tɔk se, “Mi, GƆD, di PAPA GƆD we gud ɛn de sho masi, we nɔ gɛt shɔtat, we in lɔv nɔ de fel, ɛn PAPA GƆD we pɔsin kin put in op ɛn trɔs pan.

Jɛrimaya 10:6

Nɔn gɔd nɔ de we tan lɛkɛ yu, PAPA GƆD; yu wɔndaful, ɛn yu nem gret ɛn pawaful.

Jɛrimaya 20:11

Bɔt PAPA GƆD de wit mi, ɛn na sojaman we dɛn de fred bad bad wan; so di wan dɛn we de aras mi go bɔk dɛn fut, dɛn nɔ go ovakɔm mi. Dɛn go shem bad bad wan, bikɔs dɛn nɔ go sɔksid. Dɛn nɔ go fɔgɛt dɛn ɛvalastin disgres.

Jɛrimaya 50:34

Di wan we kin pe fɔ fri dɛm, traŋa; na PAPA GƆD Ɔlmayti nain nem. I go mɔs tɔk fɔ dɛm, so dat di wanol wɔl go blo, bɔt Babilɔn nɔ go gɛt kolat.

Daniɛl 2:45

Jɛs lɛk we yu bin si wan ston kɔt kɔmɔt pan wan mawnten, we nɔto mɔtalman an bin kɔt am, we bin brok di ayɛn, di bras, di kle, di silva ɛn di gold pyɛt pyɛt. Na di pawaful PAPA GƆD dɔn mek di kiŋ no bɔt ɔl dis tin ya we go bi bambay. Di drim na tru ɛn di minin go mɔs bi.

Di Sam Dɛm 89:9

Na yu na masta fɔ di si, wɛn di wata rɔf, yu mek i kwayɛt.

Jɛrimaya 33:2

Na dis PAPA GƆD we mek di wɔl se, di GƆD we mol am mek i de aw i de so – na PAPA GƆD na In nem: