Jɛrimaya 31:3 - Krio Fɔs Oli Baybul

³ PAPA GƆD apia to am frɔm fawe. A lɔv yu wit da lɔv we de sote go; fɔseka dat a kɔntinyu fɔ waka tret wit una.

Jɛrimaya 31:3 Referans Kwoze

Di Sam Dɛm 103:17

PAPA GƆD go lɛk ɔl udat gɛt fred ɛn rɛspɛkt fɔ am, dɔn i go du gud to dɛn ɛn dɛn jɛnareshɔn sote go,

Ozie 11:4

I bin de waka wit dɛn wit sɔri at rop, wit lɛknɛs ankɔf, ɛn na mi bin dɔn bi di pɔsin we mek di ston na dɛn jabon nɔ de at, ɛn a bin butu fɔ fid dɛn.

Ditarɔnɔmi 33:3

I lɛk in pipul dɛn, ɛn i de kɔba di wan dɛn we de fɔ am ɛn de tek wetin i se,

Jɔn In Fɔs Lɛta 4:19

Wi lɛk Gɔd ɛn wi kɔmpin bikɔs na Gɔd fɔs lɛk wi.

Sɛkɛn Lɛta To Timoti 1:9

Gɔd nɔ sev wi ɛn kɔl wi fɔ bi in yon pipul fɔseka ɛnitin we wi dɔn du, bɔt na fɔseka wetin in bin dɔn mekɔp fɔ du bifo di wɔl bigin ɛn bikɔs i gud. Na tru Jizɔs Krays i mek wi no di gud we i du.

Lɛta Fɔ Rom 8:30

So Gɔd kɔl dɛn pipul we i bin dɔn pik; dɛn pipul we i kɔl, i mek ɔltin rayt bitwin dɛn ɛn insɛf; wɛn i dɔn mek ɔltin rayt bitwin dɛn ɛn insɛf, i mek sɔm pan di wɔndaful layf we Krays gɛt bi dɛn yon.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Malakay 1:2

PAPA GƆD se in bin lɛk Izrɛl. Bɔt dɛn de aks am se aw i lɛk dɛn. I se i wan mek dɛn no se pan ɔl we Isɔ ɛn Jekɔb na brɔda, na Jekɔb in lɛk,

Ditarɔnɔmi 10:15

Mozis se pan ɔl dat PAPA GƆD put in at to Izrɛl dɛn fɔstɛm-papa dɛn ɛn pik dɛn jɛnareshɔn fɔ bi in yon pipul, ɛn tek dɛn pas ɔl ɔda pipul dɛn, frɔm da de de.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Sɔlɔmɔn In Siŋ Dɛm 1:4

Drɔ mi biɛn yu, lɛ wi mekes Di kiŋ dɔn briŋ mi kam insay in rum. Wi go gladi ɛn gladi pan yu wi go prez yu lɔv pas wayn dɛn nɔ mis we dɛn lɛk yu.

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.

Ditarɔnɔmi 33:26

Nɔn gɔd nɔ de we gɛt pawa lɛkɛ Izrɛl dɛn PAPA GƆD, di klawd dɛn nain chariɔt ɛn i de rayd ɔp na di klawd.

Ditarɔnɔmi 4:37

I tɛl dɛn se na bikɔs PAPA GƆD bin lɛk dɛn fɔstɛm-papa dɛn ɛn bin dɔn pik dɛn pikin dɛn fɔ bi in pipul dɛn, nain mek insɛf sɛf bin go pul dɛn kɔmɔt slev na Ijipt wit pawa,

Jems 1:18

Gɔd mek in wɔd we tru gi wi dis nyu layf lɛkɛ aw i want, so dat wi kin pas ɔl dɛn ɔda pipul we i mek we wi dɔn bi in yon pikin dɛn.

Lɛta Fɔ Rom 9:13

Lɛkɛ aw dɛn rayt na Gɔd in Buk, we dɛn se, “A pik Jekɔb, bɔt a nɔ pik Isɔ.”

Di Sam Dɛm 25:6

Nɔ fɔgɛt aw yu bin dɔn de sho se yu gud, ɛn yu lɛk wi pipul we bin de lɔntɛm.

1 Kiŋ 10:9

I prez PAPA GƆD se, “Lɛ wi Prez PAPA GƆD, we na yu PAPA GƆD we sho yu se i lɛk yu ɛn dɔn mek yu kiŋ fɔ Izrɛl. Bikɔs PAPA GƆD in lɔv nɔ de dɔn fɔ Izrɛl, na dat mek i mek yu bi kiŋ fɔ lɛ jɔstis, fia ple ɛn tret biznɛs go de.”

Ayzaya 43:4

Bikɔs yu spɛshal na mi yay, ɛn yu gɛt ɔna, ɛn a lɛk yu, A giwe mɔtalman dɛn fɔ gɛt yu, ɛn ɛkschenj pipul dɛm fɔ yu layf.

Ayzaya 49:14

Bɔt Zayɔn se, “PAPA GƆD dɔn fɔsek mi, Mi Gɔd dɔn fɔgɛt mi.”