Jɛrimaya 31:2 - Krio Fɔs Oli Baybul

² Na dis PAPA GƆD se: “Di pipul dɛn we nɔ day na di wa bin gɛt gres na di wildanɛs; wɛn Izrɛl bin de go om,

Jɛrimaya 31:2 Referans Kwoze

Di Sam Dɛm 95:11

So pan mi vɛksteshɔn a swɛ se dɛn nɔn nɔ go ɛnjɔy fɔ de usay a de.”

Di Nɔmba Dɛm 10:33

So dɛn lɛf di mawnten usay PAPA GƆD de ɛn waka fɔ tri de. Di Kɔvinant Bɔks bin de bifo dɛn fɔ di tri de fɔ fɛn ples fɔ dɛn fɔ tap.

Matyu 11:28

“Una kam to mi, una ɔl we dɔn taya fɔ tot ebi lod, a go pul di lod kɔmɔt pan una ed, mek una go blo.

Ditarɔnɔmi 1:33

in we bin de waka wit dɛn wit faya na nɛt ɛn tik klawd santɛm de sho dɛn rod ɛn fɛn ples fɔ dɛn fɔ blo.

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Di Sam Dɛm 78:52

I pul in pipul kɔmɔt de, saful lɛk aw pɔsin we de mɛn ship de pul dɛn pan trɔbul. I pul dɛn de ɛn lid dɛn lɛk ship insay di ɛmti land we pɔsin nɔ go ebul tap.

Ditarɔnɔmi 12:9

dɛn nɔ bin go insay di land we PAPA GƆD we na dɛn PAPA GƆD dɔn gi dɛn yet.

Ditarɔnɔmi 8:16

Di GƆD we gi dɛn mana fɔ it, we dɛn fɔstɛm-papa dɛnsɛf nɔ bin no, na di ɛmti ples we pɔsin nɔ go ebul tap, jɛs fɔ no if dɛn go du ɔl wetin i se ɔltɛm, so dat i go du gud tin fɔ dɛn afta dat.

Ditarɔnɔmi 2:7

Mozis mɛmba dɛn se PAPA GƆD bin de blɛs ɔltin we dɛn bin de du ɛn ɔl di fɔti ia we dɛn de waka, dɛn nɔ slip aŋri wande; I bin de du ɔltin fɔ dɛn we dɛn bin de na di ɛmti ples we pipul nɔ go ebul tap.

Ditarɔnɔmi 1:30

I se, PAPA GƆD we na dɛn GƆD we de wit dɛn, go ɛp dɛn fɛt jɛs lɛkɛ aw i fɛt fɔ dɛn we dɛnsɛf bin si wit dɛn yon yay na Ijipt,

Di Nɔmba Dɛm 14:20

PAPA GƆD ansa se, “A dɔn fɔgiv dɛn bikɔs yu dɔn beg,

Ɛksodɔs 33:14

PAPA GƆD ansa Mozis. I se, “Misɛf sɛf go de wit yu ɛn yu go gɛt kol at.”

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛksodɔs 1:16

I se we dɛn go ɛp di Ibru uman dɛn we wan bɔn, dɛn fɔ kil ɛni bɔypikin as dɛn bɔn am, bɔt if na gyal pikin, dɛn fɔ mek i liv.

Ɛksodɔs 12:37

Di Izrɛlayt dɛn waka bay fut frɔm Ramisis sote dɛn go na Sɔkɔt. Di Izrɛlayt dɛn we waka na bɔt siks ɔndrɛd tawzin man dɛn apat frɔm di uman ɛn pikin dɛn.

Ɛksodɔs 5:21

Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Jɔshwa 1:13

da tɔk we Mozis we na bin PAPA GƆD in wokman, bin tɔk, we i bin se PAPA GƆD we na dɛn PAPA GƆD se in go gi dɛn ples we dɛn go de we nɔbɔdi nɔ go ambɔg dɛn, na di land dawande.

Ozie 11:4

I bin de waka wit dɛn wit sɔri at rop, wit lɛknɛs ankɔf, ɛn na mi bin dɔn bi di pɔsin we mek di ston na dɛn jabon nɔ de at, ɛn a bin butu fɔ fid dɛn.

Izikɛl 20:35

ɛn a go briŋ una kam na di difrɛn pipul dɛn ples we ɛmti ɛn natin nɔ de; ɛn na de a go jɔj una fes to fes.