Jɛrimaya 31:1 - Krio Fɔs Oli Baybul

¹ “PAPA GƆD se, Da tɛm de, a go bi ɔl di famili dɛn na Izrɛl dɛn Gɔd, ɛn dɛn go bi mi pipul.”

Jɛrimaya 31:1 Referans Kwoze

Jɛrimaya 30:22

Ɛn una go bi mi pipul, ɛn mi go bi una Gɔd.”

Ayzaya 41:10

Nɔ fred, bikɔs a de wit yu, nɔ pwɛl at, bikɔs mi na yu Gɔd; a go gi yu trɛnk, a go ɛp yu, a go ol yu ɔp wit mi raytan we de win ɔltɛm.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Jɛrimaya 30:24

PAPA GƆD in bad bad vɛksteshɔn nɔ go tɔn bak sote i dɔn du ɛn kɔmplit wetin i plan fɔ du. Leta, una go ɔndastand dis.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Di Ibru Pipul Dɛn 12:16

Una tek tɛm, mek una nɔ liv fri layf, ɛn una nɔ tek dɛn tin we blant Gɔd lɛkɛ se dɛn nɔ min natin, lɛkɛ aw Isɔ bin du we i sɛl in rayt gi in smɔl brɔda fɔseka wan plet it.

Jɔn 20:17

Jizɔs se, “Nɔ tɔch mi, bikɔs a nɔ go bak to mi Papa yet. Bɔt go tɛl mi lanin bɔy dɛn se, a de tɔn bak go ɔp to mi Papa we na unasɛf yon Papa. Na mi Gɔd ɛn na unasɛf yon Gɔd.”

Izikɛl 39:22

Frɔm da de de te go, di Izrɛl pipul dɛn go no se na mi di PAPA GƆD nain na dɛn PAPA GƆD.

Izikɛl 36:28

Una go tap na di kɔntri we a bin dɔn gi una dadi dɛm, ɛn una go bi mi pipul, ɛn a go bi una PAPA GƆD.

Izikɛl 34:31

Ɛn una na mi ship, di ship we de na mi ples we gɛt rich gras, ɛn na mi na una PAPA GƆD, PAPA GƆD tɔk se.

Izikɛl 11:20

so dat dɛn go de du wetin mi lɔ dɛn se, ɛn obe mi ɔda dɛm; ɛn dɛn go bi mi pipul, ɛn mi go bi dɛn Gɔd.

Jɛrimaya 50:4

“PAPA GƆD se, dɛn tɛm dɛn de, di pipul dɛm na Izrɛl ɛn di pipul dɛm na Juda go jɔyn togɛda, de kray de kam; ɛn dɛn go luk fɔ PAPA GƆD we na dɛn Gɔd.

Jɛrimaya 33:14

PAPA GƆD se, ‘Di tɛm de kam we a go du ɔl wetin a prɔmis Izrɛl ɛn Juda.

Jɛrimaya 33:7

A go gi Juda dɛn jɛntri bak, ɛn gi Izrɛl dɛn jɛntri bak, ɛn bil dɛm bak lɛkɛ aw dɛm bin de fɔstɛm.

Jɛrimaya 32:38

Ɛn dɛn go bi mi pipul ɛn a go bi dɛn Gɔd.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Di Sam Dɛm 144:15

Di pipul we go gɛt dɛn blɛsin ya go gladi; dɛn go gladi mɔ we na yu na PAPA GƆD, di PAPA GƆD we dɛn de wɔship.

Di Sam Dɛm 48:14

Bikɔs PAPA GƆD na PAPA GƆD we go de sote go ɛn nain go bi wi sikyɔriti te wi day.

Lɛvitikɔs 26:12

I se in go de midul dɛn ɔltɛm ɛn i go kɔntinyu fɔ bi dɛn PAPA GƆD, ɛn dɛn go bi in pipul.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

2 Kɔrint 6:16

Aw dɛn tin we mɔtalman de mek fɔ pre to go de na Gɔd in Os? Wi na Gɔd we gɛt layf sote go ɛn we de gi layf, in os! Lɛkɛ aw Gɔd insɛf se, “A go tap to mi pipul dɛn ɛn a go liv wit dɛn; a go bi dɛn Gɔd, ɛn dɛn go bi mi pipul.”

Ayzaya 20:6

Da de de, di pipul dɛn we tap na di land dɛn nia wata, go se, “Na dis kayn tin dɔn bi to di wan dɛn we wi bin abop pan, ɛn di wan dɛn we wi bin de rɔn go to fɔ ɛp wi, ɛn fɔ pul wi kɔmɔt na di Asirian kiŋ in an! E wi, aw wi go ebul ɛskep?”

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

2 Samiɛl 7:24

Yu dɔn tek di Izrɛlayt dɛn fɔ bi yu yon pipul sote go ɛn PAPA GƆD, dɛnsɛf dɔn tek yu fɔ bi dɛn PAPA GƆD.

Izikɛl 34:24

Ɛn mi PAPA GƆD, go bi dɛn PAPA GƆD, ɛn mi savant Devid go bi kiŋ midul dɛm; na mi, PAPA GƆD dɔn tɔk am.