Jɛrimaya 30:7 - Krio Fɔs Oli Baybul

⁷ Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Jɛrimaya 30:7 Referans Kwoze

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Malakay 4:1

PAPA GƆD Ɔlmayti se di we de kam go tan lɛk ɔt ovin we ɔl udat de kak ɛn du bad go bɔn lɛkɛ dray gras. Nɔn pan dɛn pikin ɛn grampikin nɔ go de fɔ si da de de.

Daniɛl 9:12

PAPA GƆD dɔn du wetin i se i go du wɛn wi bigman dɛn we de oba wi, we i briŋ big big wahala kam pan wi; bikɔs wetin bi to Jerusɛlɛm, nɔ bi nɔwe na dis wɔl wande.

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Lɛta Fɔ Rom 11:26

Na di we dis we Gɔd go sev ɔl dɛn Izrɛl pipul. Lɛkɛ aw dɛn rayt na Gɔd in Buk we dɛn se, “Di pɔsin we de sev pipul go kɔmɔt na Zayɔn, ɛn i go pul bad kɔmɔt na Jekɔb in granpikin-pikin dɛn at.”

Mak 13:19

Da tɛm de pipul go sɔfa pas aw dɛn dɔn sɔfa frɔm di tɛm we Gɔd mek di wɔl sote naw; ɛn afta dat, tin lɛkɛ dat nɔ go bi igen.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Lamɛnteshɔn 1:12

“I nɔ min natin to una, una dɛn pipul dɛn we de pas? Luk mi ɛn si if yu dɔn si pɔsin sɔfa so wande lɛk di kayn sɔfa we dɛn mek a de sɔfa, we PAPA GƆD put pan mi di de we i bin vɛks bad bad wan.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Di Sam Dɛm 34:19

Pɔsin we de fala PAPA GƆD kin gɛt bɔku waala, bɔt na so PAPA GƆD de pul in ed pan dɛn ɔl;

Rɛvɛleshɔn 6:17

Di tɛm dɔn kam we dɛn de sho se dɛn vɛks pan wi, udat go ebul sev insɛf?”

Apɔsul Dɛn Wok 2:20

Bifo di big de we di Masta go kam bak, di san go dak lɛkɛ nɛt ɛn di mun go rɛd lɛkɛ blɔd.

Joɛl 2:31

San nɔ go shayn, di ples go dak ɛn di mun go rɛd lɛk blɔd. I se ɔl dis go bi di de we PAPA GƆD go kam, dat na di big de we wi fɔ fred.

Lamɛnteshɔn 4:6

Di pɔnishmɛnt we yu gi di pipul dɛn na Jerusɛlɛn fɔ di bad we dɛn du, traŋa pas di pɔnishmɛnt we yu gi Sɔdɔm, ples we nɔ bin tek wan minit fɔ tɔnoba, ɛn mɔtalman an nɔ bin de de.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Di Sam Dɛm 25:22

PAPA GƆD, sev yu pipul Izrɛl frɔm ɔl dɛn waala ya!

Jɛnɛsis 32:7

We Jekɔb yɛri dis i bin fred so i sheb di pipul dɛn we bin de wit am wit in ship, got, kaw ɛn kamɛl dɛnsɛf to tu say.

Ayzaya 20:6

Da de de, di pipul dɛn we tap na di land dɛn nia wata, go se, “Na dis kayn tin dɔn bi to di wan dɛn we wi bin abop pan, ɛn di wan dɛn we wi bin de rɔn go to fɔ ɛp wi, ɛn fɔ pul wi kɔmɔt na di Asirian kiŋ in an! E wi, aw wi go ebul ɛskep?”

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Jɛrimaya 2:28

Bɔt we una gɔd dɛm we una mek fɔ unasɛf? Le dɛn tray if dɛn go ebul sev una, we trɔbul kam; bikɔs aw una siti dɛn bɔku, na so una gɔd dɛn bɔku, Yu Juda.

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Joɛl 1:2

I se dɛn olpa fɔ yɛri dis ɛn ɔl udat tap na Juda sɛf fɔ lisin! I aks if dɛn kayn tin de dɔn bi dɛn tɛm ɔ di tɛm we dɛn fɔstɛm-papa bin de.

Joɛl 1:15

Da de de na de! Bikɔs di tɛm we PAPA GƆD go kam nɔ fa igen i go kam lɛk tin we de nyakanyaka we kɔmɔt to di Ɔlmayti

Zɛkaraya 14:7

ɛn di ples go bi de tɛm ɔl di tɛm; nɔbɔdi nɔ go de tɔk bɔt de tɛm ɔ nɛt bikɔs di ples go brayt so ivintɛm.

Mayka 4:9

I se wetin mek di pipul dɛn na Jerusɛlɛm de ala kray so. Dɛn mek nɔys lɛk we bɛlɛ uman wan bɔn. I se dɛn de mek lɛk dɛn bigman dɛn dɔn day.

Abakɔk 3:16

Wɛn a yɛri bɔt ɔl wetin yu du, mi bɔdi trimbul; a fred te a bɛt mi siti mi bɔdi ɔl brok wit fred, dat mek, a nɔ sabi waka igen a de sidɔm saful wet fɔ di de we trɔbul go mit dɛn wan we de ambɔg wi.