Jɛrimaya 30:6 - Krio Fɔs Oli Baybul

⁶ Aks naw, ɛn no, if man go ebul bɔn pikin? Wɛl wetindu a de si ɔl dɛn man dɛn de put dɛn an na dɛn wes lɛkɛ uman we de in lebɔ? Wetindu ɔlman fes pel so?

Jɛrimaya 30:6 Referans Kwoze

Neum 2:10

Ninivɛ pwɛl kpatakpata, ɔlman at kɔmɔt nain atkes dɛn ɔlman bɔdi brok ɛn nɔ no wetin fɔ du; na so fred rayt na dɛn ɔl fes.

Joɛl 2:6

Bifo dɛn, ɔl di pipul bin de pan pen, dɛn ɔl fes bin wayt so.

Jɛrimaya 4:31

Bikɔs a yɛri pɔsin de kray lɛkɛ we uman de lebɔ, lɛkɛ we uman kin de bɔn in fɔs pikin, dat na Zayɔn in gyal pikin dɛn de kray ɛn de fɛt fɔ blo, dɛn opin dɛn an dɛn wayd wayd wande se, “Swɛ dɔn kech mi! A de fent bifo di wan dɛn we de kil mi.”

Ayzaya 21:3

Dat mek na so so wes pen a de gɛt; pen dɔn ol mi, lɛk di pen we uman de fil we i de pan pen fɔ bɔn; A dɔn so bɛn dat a nɔ de yɛri, mi at so pwɛl dat a nɔ ebul si.

Fɔs Lɛta Fɔ Tɛsalonayka 5:3

Wɛn pipul se, “Ɔltin rayt, natin nɔ de fɔ fred,” da tɛm de kwik, kwik wan so, nain trɔbul go fɔdɔm pan dɛn. I go jɛs tan lɛkɛ we pen kin krɔs uman we wan bɔn pikin, tɛm we i nɔ mɛmba. Ɔlman go sɔfa.

Ozie 13:13

I de biev lɛk fulman. In mama de fil pen fɔ bɔn bɔt i nɔ de gri kɔmɔt na do.

Jɛrimaya 22:23

Yu, una we tap na Libanɔn midul dɛn sida tik dɛm, wɛn di pen kam pan una, una go ala nɔto kɔmɔn, i go tan lɛk da pen we uman kin fil we i de bɔn!”

Jɛrimaya 6:24

Wi dɔn yɛri bɔt dat, wi an dɛm dɔn wik; pen dɔn ol wi da pen we uman de fil we i de bɔn.

Di Sam Dɛm 48:6

Na so dɛn kin de trimbul wit fred dɛn kin de mek lɛk we uman de pan pen fɔ bɔn.

Daniɛl 5:6

Di kiŋ in fes chenj kɔla, ɛn di tin dɛn we bin de kam nain maynd, bin mek i fred; in fut dɛn bigin trimbul ɛn in ni dɛn bigin jam dɛnsɛf.

Jɛrimaya 50:43

“Di kiŋ na Babilɔn dɔn yɛri bɔt dɛm, ɛn i nɔ ebul du natin; pen ol am, da pen we uman de fil we i de bɔn.

Jɛrimaya 49:24

Damaskɔs dɔn wik, i dɔn tɔn fɔ rɔnawe, i nɔ no wetin fɔ du, pen ɛn brok at dɔn ol am lɛkɛ uman we de pan lebɔ.

Ayzaya 29:22

Na dat mek PAPA GƆD we ridim Ebram, tɔk bɔt Jekɔb in os, se: “Jekɔb nɔ go shem igen, pwɛl at nɔ go sho nain fes igen

Jɛrimaya 13:21

Wetin una go se, wɛn dɛn put dɛn wan dɛn we na una sɛf tich fɔ bi una padi dɛn, oba una? Pen nɔ go ol una lɛk uman we de lebɔ?

Jɛrimaya 48:41

Dɛn go kapchɔ di siti, ɛn siz ɔl dɛn ples dɛn fɔ ayd. Da de de, di sojaman dɛn na Moab dɛn at, go tan lɛkɛ uman we de bɔn, in at;

Jɛrimaya 49:22

A de tɛl una, wan pɔsin go grap ɛn flay lɛk igul, ɛn prɛd in wiŋ dɛm oba Bozra, ɛn di sojaman dɛn na Idɔm, dɛn at dɛn go tan da de de lɛkɛ uman we de lebɔ, in at.”