Jɛrimaya 30:5 - Krio Fɔs Oli Baybul

⁵ “Na dis PAPA GƆD se: Wi dɔn yɛri di fred fred ala, bad bad fred fred, ɛn nɔn kolat nɔ de.

Jɛrimaya 30:5 Referans Kwoze

Emɔs 8:10

A go tɔn ɔl una gladi-gladi to bɛrin ɛn chenj una gladi siŋ to bɛrin siŋ. A go mek una krep una ed ɛn wɛr saklɔth, una go tan lɛk we man ɛn uman de kray fɔ dɛn waŋren pikin. Da de de go bita fɔ una sote go.”

Ayzaya 5:30

Dɛn go ala ala fɔ am da de de, lɛk we si rɔf. Ɛn as yu si di land so, na daknɛs ɛn brok at yu go si, ɛn klawd dɛn mek di layt dak.

Jɛrimaya 46:5

Wetin mek a dɔn si am? Dɛn at pwɛl ɛn dɔn tɔn bak. Dɛn dɔn bit dɛn sojaman dɛm ɛn dɛn dɔn rɔnawe kwik kwik wan; dɛn nɔ luk biɛn sɛf– fred fred de ɔlɔbɔt! Na so PAPA GƆD se.

Jɛrimaya 25:36

Una lisin we dɛn shɛpad dɛn de kray, ɛn we di wan dɛm we na di masta dɛn de ala! Bikɔs PAPA GƆD de pwɛl dɛn ples we plɛnti gras de gro fɔ fid animal,

Jɛrimaya 9:19

Bikɔs, wi de yɛri pipul dɛn de kray na Zayɔn se: “Wetin mek wi dɔn alaki so! Dɛn dɔn disgres wi bad bad wan,, bikɔs wi dɔn kɔmɔt na di land, bikɔs dɛn dɔn brok brok wi os dɛm.”

Jɛrimaya 8:19

Yɛri, mi pipul dɛn gyal pikin dɛn kray, ɔlɔbɔt na di land; “PAPA GƆD nɔ de na Zayɔn? In kiŋ nɔ de de? “Wetindu dɛn provok mi te a vɛks wit dɛn lay lay gɔd dɛn, ɛn wit fɔrin lay lay gɔd dɛm?”

Ayzaya 59:11

Wi ɔl de grɔmbul lɛk dɛn dɔg, wi de pini, ɛn pini lɛk dɔv; we de luk fɔ jɔstis, bɔt i nɔ de; fɔ salveshɔn sɛf, bɔt i de fa frɔm wi.

Jɛrimaya 8:16

Dɛn yɛri dɛn ɔs dɛn we dɛn de sniz ɔl di we na Dan; we dɛn man ɔs dɛn de ala, di wanol land de shek. Dɛn kam kam it ɔltin na di land ɛn wetin fulɔp de, dat na di siti ɛn dɛn wan dɛn we tap de.

Jɛrimaya 12:12

Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 30:4

Na so PAPA GƆD se bɔt Izrɛl ɛn Juda:

Jɛrimaya 6:22

Na dis PAPA GƆD se, “A de tɛl una, saten pipul dɛn de kɔmɔt di kɔntri we de na di nɔt, wan big big neshɔn we de usay di wɔl ɛnd, de rɛdi fɔ fɛt wa.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Abakɔk 1:6

I se in go mek di Babilonian dɛn we rɔf lɛk wetin, tek ova bɔku siti dɛn we nɔto dɛn yon.

Abakɔk 1:10

Dɛn nɔ bisin sɛf udat yu bi. Dɛn de provok di bigman dɛn ɛn trit di kiŋ dɛn bad. I lɛk aw di wɔl we de rawnd di siti ay, dɛn de brok am kam dɔŋ ɛn siz am.