Jɛrimaya 30:3 - Krio Fɔs Oli Baybul

³ PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 30:3 Referans Kwoze

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Jɛrimaya 16:15

bɔt dɛn go se, ‘Wans PAPA GƆD de, PAPA GƆD we pul di Izrɛlayt dɛn kɔmɔt na di nɔt kɔntri, ɛn ɔl dɛn difrɛn kɔntri we in bin dɔn drɛb dɛn go.’ Bikɔs a go briŋ dɛm kam bak na dɛn yon land we a bin dɔn gi dɛn fɔstɛmpapa dɛm.

Izikɛl 20:42

Ɛn una go no se na mi na PAPA GƆD, we a briŋ una kam na Izrɛl, di land we a bin swɛ a go gi una fɔstɛmpapa dɛm.

Jɛrimaya 30:18

Na dis PAPA GƆD se: A de tɛl una, a go gi Izrɛl dɛn jɛntri bak, ɛn sɔri fɔ in pipul dɛm; a go bil di siti bak pantap in il, ɛn di kiŋ in os go tinap bak di say we i bin de.

Zɛfinaya 3:20

Wande wande go briŋ ɔlman kam bak na os, di tɛm we a go gɛda una ɔl wan say I go mek dɛn femɔs na di wanol wɔl di wanol wɔl go no una ɛn i go mek dɛn bi wetin dɛn bin bi fɔs unasɛf go si. Na so PAPA GƆD se.

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Jɛrimaya 32:44

Dɛn go bay land wit mɔni, ɛn dɛn go sayn ɛn witnɛs kɔnveans dɛm, na di land ɔf Bɛnjamin, na di ples rawnd Jerusɛlɛm, ɛn na di siti dɛn na Juda, di siti dɛn na di il kɔntri, di Shɛfɛla dɛn siti dɛn, ɛn na di siti dɛn we de na di Nɛgɛb; bikɔs a go gi dɛm dɛn jɛntri bak. Na so PAPA GƆD se.”

Di Ibru Pipul Dɛn 8:8

Bɔt Gɔd insɛf si se di pipul dɛn nɔ bin du wetin di fɔs agrimɛnt se, na dat mek i se, “Di tɛm de kam we a go mek ɔda agrimɛnt wit di pipul dɛn na Izrɛl ɛn di wan dɛn na Juda.

Joɛl 3:1

PAPA GƆD se we da tɛm de rich we i go gi Juda ɛn Jerusɛlɛm dɛn prɔpati dɛn bak,

Izikɛl 36:24

Fɔ a go tek una kɔmɔt pan di neshɔn dɛm ɛn gɛda una kɔmɔt pan ɔl di kɔntri dɛm ɛn briŋ una kam insay una yon kɔntri.

Di Sam Dɛm 53:6

A de pre mek PAPA GƆD we de na Zayɔn sev di Izrɛlayt dɛn! Mek dɛn gɛt ɔl di jɛntri bak we dɛn bin dɔn tek na dɛn an, ɛn mek Jekɔb in jɛnareshɔn gladi fɔ dat.

Lyuk 21:6

Bɔt Jizɔs tɛl dɛn se, “Tɛm de kam we ɔl dɛn tin ya we una de si ɛn tɔk bɔt so nɔ go de igen. Ɔl dɛn ston ya go skata, wan ston sɛf nɔ go lɛf pantap in kɔmpin.”

Lyuk 19:43

Tɛm de kam we dɛn wan we nɔ lɛk una go bil ston wɔl rawnd una tɔŋ, ɛn tinap rawnd am so dat una nɔ go gɛt ples fɔ pas kɔmɔt.

Lyuk 17:22

Jizɔs tɛl in lanin bɔy dɛn se, “Di tɛm go kam we una go want si Mɔtalman Pikin bad bad, wande sɛf wɛn i kam bak na wɔl, bɔt una nɔ go si am.

Izikɛl 47:14

A bin swɛ fɔ gi dis to una dadi dɛm, ɛn dis land go fɔdɔm to una fɔ una prɔpati.

Jɛrimaya 32:37

Biliv mi, a go gɛda dɛm kɔmɔt na ɔl di kɔntri dɛm we a bin drɛb dɛn go we a bin vɛks ɛn mi at bin wam bad bad wan; a go briŋ dɛn kam bak na ya, ɛn a go mek dɛn sef.

Jɛrimaya 31:38

PAPA GƆD se, “A de tɛl una, di tɛm de kam we dɛn go bil di siti bak, frɔm Ananɛl Tawa to di Kɔna Get, fɔseka PAPA GƆD.

Jɛrimaya 31:31

PAPA GƆD se, ‘Di de dɛn de kam, we a go mek nyu Kɔvinant wit Izrɛl ɛn Juda,

Jɛrimaya 31:27

PAPA GƆD se, “Di de de kam, we a go plant mɔtalman sid ɛn animal sid na Izrɛl ɛn Juda.

Jɛrimaya 30:10

PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Jɛrimaya 27:22

PAPA GƆD se, “Dɛn fɔ kɛr dɛm go Babilɔn ɛn dɛn fɔ lib de te di de we Mi go tɔn mi atɛnshɔn to dɛm. Na da tɛm de, a go briŋ dɛm kam bak, ɛn put dɛm bak na dis ples, lɛk aw dɛn bin de.”

Jɛrimaya 27:11

Bɔt ɛni neshɔn we go gri fɔ wok fɔ di kiŋ na Babilɔn ɛn sav am, A go lɛf dɛn na dɛn yon land, fɔ mek fam ɛn fɔ tap de. Na so PAPA GƆD se.” ’”

Jɛrimaya 23:5

PAPA GƆD se, “A de tɛl una se, di tɛm de kam we a go es wan branch na Devid in layn, we de waka tret na mi yay, ɛn i go ren as kiŋ ɛn go wok wit sɛns, ɛn i go trit ɔlman ikwali ɛn waka tret wit ɔlman na di land.

Ɛzra 3:12

Bɔt bɔku pan dɛn man we de mek sakrifays fɔ pipul sin we na olpa, ɛn dɛn Livayt dɛnsɛf we na opla, wit dɛn bigman dɛn we bin dɔn si di fɔs os bɔs big big kray we dɛn si dɛn le fawndeshɔn bak, bɔt di ɔda pipul dɛn bin gladi ɛn na so dɛn bin de ala.

Ɛzra 3:8

Dɛn bigin fɔ bil PAPA GƆD in os tu ia afta we dɛn bin dɔn tɔn bak na Jerusɛlɛm, ɛn nainsay di sɛkɛn mɔnt dɛn bigin fɔ bil am. Na Zɛrubabɛl, Shialtiɛl in bɔypikin, ɛn Jɛshwa, Jozadak in bɔypikin wit dɛn brɔda dɛn bigin fɔ bil PAPA GƆD in os. Di man we de mek sakrifays fɔ pipul sin ɛn di Livayt dɛnsɛf, ɛn ɔl dɛn wan we dɛn bin kapchɔ we tɔn bak na Jerusɛlɛm, dɛn ɔl put an fɔ bil PAPA GƆD in os. Dɛn mek ɔl dɛn Livayt we bin dɔn ol twɛnti ia ɛn dɛn wan we pas da ej de fɔ bi fɔman.

Ɛzra 3:1

Insay di mɔnt we mek sɛvin na di ia, ɔl di Izrɛlayt dɛn bin dɔn sɛtul dɔŋ. Dɛn ɔl go gɛda lɛkɛ wan pɔsin na Jerusɛlɛm.

Ditarɔnɔmi 30:3

datɛnde, PAPA GƆD we na dɛn PAPA GƆD go sɔri fɔ dɛn ɛn si dɛn lɛkɛ in yon pipul dɛn bak. PAPA GƆD go gɛda dɛn kɔmɔt na ɔl di kɔntri dɛn we i bin skata dɛn, ɛn mek dɛn gɛt ɔl dɛn jɛntri bak.

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’

Ditarɔnɔmi 30:5

ɛn PAPA GƆD we na dɛn PAPA GƆD go kɛr dɛn go bak na di land we na dɛn fɔstɛm-papa dɛn prɔpati, so dat dɛn go go de de. PAPA GƆD go mek dɛn jɛntri ɛn plɛnti pas dɛn fɔstɛm-papa dɛn.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Jɛrimaya 29:10

“Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Jɛrimaya 30:4

Na so PAPA GƆD se bɔt Izrɛl ɛn Juda:

Jɛrimaya 31:16

Na dis PAPA GƆD se: “nɔ yuz yu vɔys fɔ kray, ɛn nɔ yuz yu yay fɔ wata fɔ rɔn bikɔs yu go gɛt di pe fɔ yu wok, ɛn dɛn go kɔmɔt na dɛn ɛnimi in land kam bak.

Jɛrimaya 51:60

Jɛrimaya bin rayt ɔl di bad bad tin dɛm we fɔ mit Babilɔn insay wan buk, dat na ɔltin we rayt na ya bɔt Babilɔn.

Di Sam Dɛm 126:4

PAPA GƆD, gi wi di jɛntri we wi bin gɛt fɔstɛm, lɛkɛ aw yu de mek wata de na ɛmti land we pɔsin nɔ go ebul tap.

Izikɛl 34:13

Ɛn a go briŋ dɛn kɔmɔt pan di difrɛn difrɛn pipul, ɛn gɛda dɛn frɔm di difrɛn, difrɛn kɔntri ɛn a go briŋ dɛn kam na dɛn yon kɔntri; ɛn a go fid dɛm na di Izrɛl mawnten dɛm, bay di fawnten dɛm, ɛn na ɔl di say we pipul dɛn tap na di kɔntri.

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.