Jɛrimaya 30:22 - Krio Fɔs Oli Baybul

²² Ɛn una go bi mi pipul, ɛn mi go bi una Gɔd.”

Jɛrimaya 30:22 Referans Kwoze

Rɛvɛleshɔn 21:3

A yɛri lawd vɔys we kɔmɔt na di say we di chia we kiŋ kin sidɔm fɔ rul, bin de; i bin de tɔk se, “Gɔd dɔn kam fɔ tap to mɔtalman, i go tap wit dɛn ɛn dɛn go bi in pipul. Gɔd insɛf go de wit dɛn ɔltɛm.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Izikɛl 36:28

Una go tap na di kɔntri we a bin dɔn gi una dadi dɛm, ɛn una go bi mi pipul, ɛn a go bi una PAPA GƆD.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Jɛrimaya 24:7

A go gi dɛm di at fɔ no se na mi na di PAPA GƆD; ɛn dɛn go bi mi pipul ɛn mi go bi dɛn Gɔd, bikɔs dɛn go kam bak to mi wit ɔl dɛn at.

Jɛrimaya 31:1

“PAPA GƆD se, Da tɛm de, a go bi ɔl di famili dɛn na Izrɛl dɛn Gɔd, ɛn dɛn go bi mi pipul.”

Di Ibru Pipul Dɛn 8:10

Wɛn di tɛm rich, na di agrimɛnt dis we a go mek wit di pipul dɛn na Izrɛl: A go mek dɛn no mi lɔ dɛn ɛn mek dɛn nɔ fɔgɛt dɛn. A go bi dɛn Gɔd, ɛn dɛn go bi mi pipul.

Ozie 2:23

A go sho am wetin i min fɔ mek a lɛk di land. A go sɔri fɔ “a nɔ de sɔri fɔ am”; ɛn lɛ “nɔto mi pɔsin” no se in na mi pɔsin, dɔn insɛf go se, “Yu na mi Gɔd.”

Izikɛl 37:27

Mi os we a tap go de wit dɛm; ɛn mi go bi dɛm PAPA GƆD, ɛn dɛn go bi mi pipul.

Jɛrimaya 32:38

Ɛn dɛn go bi mi pipul ɛn a go bi dɛn Gɔd.

Matyu 22:32

‘Mi na Gɔd fɔ Ebraam, Ayzak ɛn Jekɔb.’ If Gɔd na Gɔd fɔ wan pɔsin dat min se da pɔsin de nɔto pɔsin we day, bɔt na pɔsin we gɛt layf.”

Izikɛl 11:20

so dat dɛn go de du wetin mi lɔ dɛn se, ɛn obe mi ɔda dɛm; ɛn dɛn go bi mi pipul, ɛn mi go bi dɛn Gɔd.

Sɔlɔmɔn In Siŋ Dɛm 2:16

Mi man we a lɛk na mi yon, ɛn mi nain yon, i de fid in ship usay dɛn Lili flawa de.

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Jɛrimaya 11:4

we a bin kɔmand una fɔstɛmpapa dɛn fɔ du, we a bin briŋ dɛm kɔmɔt Ijipt, kɔmɔt na di ayɛn fayasay, de tɛl dɛn se, Una lisin mi ɛn du ɔl wetin a kɔmand una fɔ du. Na dat go mek una bi mi pipul dɛn ɛn mi go bi una Gɔd,

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.