Jɛrimaya 30:2 - Krio Fɔs Oli Baybul

² “Na dis PAPA GƆD we na Izrɛl dɛn Gɔd se: Rayt ɔltin we a dɔn tɛl yu na buk.

Jɛrimaya 30:2 Referans Kwoze

Jɛrimaya 36:32

So Jɛrimaya tek ɔda skrol gi Baruch we na di sɛktri, dat na Nɛraya in bɔypikin, we bin rayt ɔl wetin Jɛrimaya bin tɛl am fɔ rayt na da skrol we Jɛoiakim we na kiŋ na Juda, bin bɔn na faya; i rayt ɔl wetin bin rayt na di fɔs skrol ɛn ɔda mɛsej dɛm we fiba dawande.

Ayzaya 30:8

So, go, rayt am na tablɛt bifo dɛn, ɛn rayt am na buk, so i go de fɔ bambay as witnɛs sote go.

Rɛvɛleshɔn 1:19

Rayt ɔl dɛn tin ya we yu dɔn si na buk dɛn tin we de bi naw ɛn dɛn tin we go bi bambay.

Rɛvɛleshɔn 1:11

Di vɔys se, “Rayt wetin yu go si na buk ɛn sɛn di buk go to dɛn Kristiɛn na: Ɛfisɔs, Smana, Pagamɔm, Tayatira, Sadis, Filadɛlfia, ɛn Laodisya.”

Pita In Sɛkɛn Lɛta 1:21

bikɔs nɔto di prɔfɛt dɛnsɛf bin jɛs sidɔm tink ɛn tɔk wetin dɛn want, bɔt na Gɔd in Spirit bin tɛl dɛn di wɔd dɛn we Gɔd want dɛn fɔ tɔk.

1 Kɔrint 10:11

Ɔl dɛn tin ya bi fɔ mek ɔda pipul si wetin go bi to dɛn, if dɛnsɛf du dɛn sem tin ya; ɛn dɛn rayt dɛn dɔŋ fɔ wi fɔ mek wi tek tɛm. Dis tɛm ya we wi dɔn liv fɔ si nɔ fa frɔm di tɛm we ɔltin na wɔl go dɔn.

Lɛta Fɔ Rom 15:4

Ɔltin we rayt na Gɔd in Buk na fɔ lan wi sɔntin, so dat, we di tin we rayt de, de mek wi ebul bia ɛn mek wi gɛt kɔrej, wi go no se Gɔd nɔ go lɛf wi.

Daniɛl 12:4

Bɔt yu Daniɛl, nɔ tɔk natin ɛn lɔk di buk, te di tɛm we di ɛnd go kam. Bɔku go de rɔn ɔp ɛn dɔŋ ɛn pipul go gɛt plɛnti sɛns.

Ayzaya 8:1

Nain PAPA GƆD tɛl mi se, “Tek wan tablɛt ɛn rayt di laŋwej we ɔlman no. “Dis blant, Maa-shalal-ashbaz.”

Ditarɔnɔmi 31:19

I se so, Mozis ɛn Jɔshwa fɔ rayt wan siŋ we i de gi dɛn, ɛn dɛn fɔ tich di Izrɛlayt dɛn lɛ dɛn go lan an bay at, so dat dɛn go mɛmba se, in PAPA GƆD bin tɛl dɛn wetin ɛn wetin dɛn fɔ de du, ɛn dɛn nɔ gɛt nɔn rizin nɔ fɔ obe an.

Ɛksodɔs 17:14

Dɛn, PAPA GƆD tɛl Mozis mek i rayt ɔl wetin apin na skrol we dɛn go de mɛmba, ɛn mek shɔ se Jɔshwa yɛri wetin i se, bikɔs i go pul di Amalɛkayt dɛn kpatakpata kɔmɔt na di wɔl.

Jɛrimaya 25:13

A go mek ɔltin we a bin dɔn se go bi to da land de, mit dɛm; ɔltin we rayt na dis buk, we Jɛrimaya bin dɔn prɔfisay se go bi to ɔl dɛn neshɔn.

Jɛrimaya 30:1

Di wɔd we PAPA GƆD sɛn to Jɛrimaya.

Jɛrimaya 36:28

“Tek ɔda skrol ɛn rayt ɔl wetin yu bin rayt pan di fɔs wan we Jɛoiakim we na kiŋ na Juda, bin bɔn na faya.