Jɛrimaya 30:19 - Krio Fɔs Oli Baybul

¹⁹ Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Jɛrimaya 30:19 Referans Kwoze

Jɛrimaya 33:22

Lɛkɛ aw pɔsin nɔ go ebul kɔnt di tin dɛn we de ɔp di klawd, ɛn lɛk aw pɔsin nɔ go ebul kɔnt di sansan na di si, na so a go mɔltiplay Devid we na mi wokman, in disɛndant dɛm, ɛn di Lɛvitikal man we de mek sakrifays fɔ pipul sin dɛn we de minista to mi, dɛn disɛndant dɛn.”

Ayzaya 51:11

Ɛn PAPA GƆD in pipul we i dɔn fri go tɔn bak kam, ɛn kam na Zayɔn de siŋ; ɛn gladi we de sote go, go de na dɛn ed; dɛn go gɛt jɔy ɛn gladi gladi, ɛn sɔri ɛn pini go rɔnawe go.

Ayzaya 60:22

Di las wan go bi ɛkstɛndɛd famili, ɛn di wan we smɔl pas ɔl go bi wan big big neshɔn; Mi na PAPA GƆD; we di tɛm rich, A go mekes du am.

Ayzaya 35:10

Ɛn di wan dɛn we PAPA GƆD dɔn pe fɔ, go kam bak, ɛn dɛn go kam Zayɔn de siŋ; ɛn jɔy we go de sote go, go de na dɛn layf; dɛn go gɛt jɔy ɛn gladi gladi, ɛn sɔri ɛn pini, go rɔnawe.

Izikɛl 36:37

“Na dis PAPA GƆD se: na dis sɛf a go mek di Izrɛl pipul aks mi fɔ du fɔ dɛm: fɔ mek a ad mɔ ɛn mɔ to dɛn mɔtalman dɛn lɛk bɔku bɔku ship.

Zɛkaraya 10:8

I se, in go gi dɛn signal ɛn gɛda dɛn ɔl wan say bikɔs in bin dɔn bay dɛn bak so in go mek dɛn bɔku lɛk aw dɛn bin tan fɔs.

Jɛrimaya 31:4

A go ɛstablish una bak, ɛn yu go establish, Yu Izrɛl we na vajin! Una go mek una tamborin dɛn bak, ɛn una go de dans wit dɛn wan we de mek gladi gladi.

Zɛkaraya 12:8

Da de de, PAPA GƆD go fɛt fɔ di wan dɛn we tap na Jerusɛlɛm so dat di wan we nɔ gɛt trɛnk sɛf go tan lɛk Devid, dɔn Devid in os go tan lɛk PAPA GƆD to dɛn, lɛkɛ se in na PAPA GƆD in enjɛl.

Zɛkaraya 8:19

dɛn fast we dɛn bin fast di mɔnt we mek fo, di mɔnt we mek fayv, di mɔnt we mek sɛvin, ɛn di mɔnt we mek tɛn, go briŋ gladi fɔ Juda ɛn dɛn go mek di ladida, so dɛn fɔ lɛk tin we na tru ɛn we de mek pis de.

Izikɛl 37:26

A go mek wan pis Kɔvinant wit dɛm; i go bi Kɔvinant wit dɛn we go de so te go; ɛn a go blɛs dɛm ɛn ad mɔ ɛn mɔ pan dɛm, ɛn a go put mi ples we dɛn de pre to mi, midul dɛm, fɔ ɛva ɛn ɛva, so te go

Ayzaya 12:1

Una go tɔk da de de se: “A go tɛl yu tɛnki PAPA GƆD, ɔldo yu bin vɛks pan mi yu at dɔn kol, ɛn yu bin koks mi.

Nɛimaya 8:12

So di pipul dɛn skata go fɛn gud it fɔ it ɛn drink ɛn ivin sɛn sɔm go gi udat nɔ gɛt. Dɛn ɔl gladi ɛn sɛlibret bikɔs bay da tɛm de dɛn bin dɔn ebul fɔ ɔndastand ɔl wetin dɛn bin de tɛl dɛn.

Ɛzra 6:22

Di pipul dɛn bin sɛlibret di pasova fɛstival fɔ sɛvin de ɛn it bred we nɔ gɛt yist. Di wanol siti bin mek big big sɛlibreshɔn bikɔs PAPA GƆD chenj di Kiŋ na Asiria in atityud ɛn mek i ɛp dɛn pan di wok na PAPA GƆD, Izrɛl dɛn GƆD in os.

Pita In Fɔs Lɛta 1:7

Dɛn waala ya na fɔ tray una fɔ si if una biliv Gɔd gud wan, lɛkɛ we dɛn kin put gold na faya fɔ tray am fɔ si if i gud, ɛn gold na tin we de pwɛl. Di biliv we una biliv Gɔd bɛtɛ fawe pas gold, so Gɔd go tray una fɔ si if una biliv pan am gud, ɛn una nɔ go tap fɔ biliv pan am. If una biliv Gɔd gud gud, di de we Jizɔs go kam mek ɔlman si am, Gɔd go prez una, i go mek una gɛt rɛspɛkt ɛn i go mek una de wit am sote go.

Ayzaya 60:19

Dis san nɔ go gi yu layt igen de tɛm, fɔ mek di ples brayt di mun sɛf nɔ go sho yu layt na nɛt; bɔt na PAPA GƆD go bi yu layt we go las sote go, ɛn yu Gɔd go bi yu glori.

Ayzaya 52:9

Una ɔl bigin siŋ togɛda, una dɛn ɛmti ples dɛn na Jerusɛlɛm; bikɔs PAPA GƆD dɔn koks in pipul dɛn, I dɔn ridim Jerusɛlɛm.

Zɛkaraya 2:4

dɛn tɛl am se, i fɔ rɔn go tɛl di man we wan fɔ mɛzhɔ se, Jerusɛlɛm go ful wit bɔku pipul ɛn animal so nid nɔ go de fɔ bil wɔl rawnd am.

Jɛrimaya 31:27

PAPA GƆD se, “Di de de kam, we a go plant mɔtalman sid ɛn animal sid na Izrɛl ɛn Juda.

Ayzaya 51:3

Bikɔs PAPA GƆD go koks Zayɔn; I go kɔnfɔt ɔl in ɛmti ples dɛn we dɔn pwɛl, ɛn i go mek in dray ɛn ɛmti ples tan lɛk Idɛn, In ɛmti ples we pɔsin nɔ go ebul tap, go tan lɛk PAPA GƆD in gadin; na jɔy ɛn gladi gladi go de de, wit tanksgivin ɛn pipul dɛn we de siŋ.

Ayzaya 27:6

Tɛm go kam we Jekɔb go tinap traŋa wan, Izrɛl go pul bɔd ɛn pul flawa ɛn go ful di wanol wɔl wit frut.

Di Sam Dɛm 53:6

A de pre mek PAPA GƆD we de na Zayɔn sev di Izrɛlayt dɛn! Mek dɛn gɛt ɔl di jɛntri bak we dɛn bin dɔn tek na dɛn an, ɛn mek Jekɔb in jɛnareshɔn gladi fɔ dat.

Nɛimaya 8:17

Di wanol grup we bin kam bak mek kamp ɛn tap de. Frɔm we Jɔshwa, Nɔn in bɔypikin day. Di Izrɛlayt dɛn nɔ bin ebul fɔ sɛlibret dis fɛstival lɛkɛ so. Dɛn ɛnjɔy am bad bad wan ɛn na so dɛn gladi.

Jɔn 17:22

A dɔn mek dɛnsɛf wɔndaful lɛkɛ aw yu mek misɛf wɔndaful, so dat dɛn ɔl go gɛt wan at lɛkɛ aw mi ɛn yu gɛt wan at.

Ayzaya 60:9

Bikɔs dɛn kɔntri dɛn we de na di si, go wet fɔ mi, Tashish in ship dɛn fɔs, fɔ briŋ yu bɔypikin dɛn kɔmɔt fa, ɛn dɛn silva ɛn gold kam wit dɛn, fɔseka PAPA GƆD we na yu Gɔd, in nem; ɛn fɔ di Oli Wan na Izrɛl, bikɔs, i dɔn mek yu de shayn.

Ayzaya 55:5

A de tɛl yu, yu go sɛn kɔl neshɔn dɛn we una nɔ no, ɛn neshɔn dɛn we nɔ bin no, go rɔn kam to yu, Fɔseka PAPA GƆD we na una Gɔd, di Oli Wan na Izrɛl bikɔs I dɔn es una ɔp na wɔl.

Jɛrimaya 17:26

En pipul dɛm go kɔmɔt na di siti dɛm na Juda ɛn dɛn ples dɛm ɔlɔbɔt na Jerusɛlɛm kam. Dɛn go kɔmɔt na Bɛnjamin, Shɛfɛla, di il kɔntri ɛn di nɛgɛb. Dɛn go de briŋ sakrifays we dɛn de bɔn na faya ɛn ɔda sakrifays, sid ɔfrin dɛm ɛn insɛns, ɛn ɔfrin fɔ tɛl tɛnki fɔ kam na PAPA GƆD in os.

Izikɛl 37:10

So a bin prɔfisay lɛk aw PAPA GƆD bin ɔda mi, ɛn di blo blo kam insay dɛm ɛn dɛn gɛt layf, ɛn tinap wit dɛn fut, ɛn dɛn tɔn wan big big krawd.

Ayzaya 26:15

PAPA GƆD, yu dɔn mek di neshɔn bɔku mɔ, yu dɔn mek di neshɔn gro; yu dɔn gɛt glori; yu dɔn ad pan ɔl di bɔda dɛn na di land.

Jɛrimaya 3:16

Ɛn wɛn una dɔn mɔltiplay ɛn grow na di land, PAPA GƆD se, una nɔ go se, “PAPA GƆD in Ak ɔf di Kɔvinant” igen. I nɔ go kam na una maynd ɔ una nɔ go mɛmba am, ɔ mis am; una nɔ go mɛk am igen.