Jɛrimaya 30:17 - Krio Fɔs Oli Baybul

¹⁷ PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’

Jɛrimaya 30:17 Referans Kwoze

Di Sam Dɛm 107:20

I tɔk nɔmɔ, nain dɛn wɛl; i nɔ mek dɛn day.

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Di Sam Dɛm 103:3

In na PAPA GƆD we de fɔgiv ɔl yu sin dɛn ɛn i de mɛn yu wɛn yu sik.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Di Sam Dɛm 23:3

I de mek a luk yɔŋ ɛn frɛsh ɛvride. I de sho mi aw fɔ waka tret na layf, bikɔs i gud ɛn want mek ɔlman no se i gud.

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

Malakay 4:2

Bɔt fɔ di wan dɛn we de fred am, i go tinap fɔ mek dɛn wɛl lɛkɛ aw san de waka tret. I se dɛn go tan lɛk aw kaw-pikin kin gladi ɛn jomp kɔmɔt nain os.

Izikɛl 34:16

A go luk fɔ di wan dɛn we lɔs, ɛn a go briŋ kam bak di wan we stre, ɛn a go mɛn dɛn wan we kripul, ɛn a go mek di wik dɛn gɛt trɛnk, ɛn a go wach gud gud wan di wan dɛm we fat ɛn di wan dɛm we gɛt trɛnk; ɛn a go fid dɛn di rayt we.

Rɛvɛleshɔn 22:2

Di riva bin de rɔn midul di trit na di tɔŋ. Di tik we de gi layf bin de gro klos di riva, wan pat na wansay, di ɔda pat na di ɔda say. Na twɛlv tɛm fɔ ia da tik de, de bia; nain lif dɛn de mɛn ɔl dɛn pipul ɔlɔbɔt na wɔl.

Ayzaya 30:26

Pantap dat, di mun in layt go tan lɛk di san in layt, ɛn di san in layt go brayt sɛvin tɛm mɔ, lɛk sɛvin de layt, di de we PAPA GƆD go tay usay de at in pipul dɛn ɛn mɛn di wund dɛn we dɛn bin wund we i bin pɔnish dɛm.

Jɛrimaya 30:13

Nɔbɔdi nɔ de fɔ fɛt una kes, mɛrɛsin nɔ de fɔ mɛn una wund, una nɔ go tek mɛn.

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Ayzaya 11:12

I go gi di neshɔn dɛm sayn, ɛn i go gɛda di Izrɛlayt dɛn we bin de na ɔda neshɔn dɛn, ɛn gɛda Juda in pipul dɛn we skata, kɔmɔt ɔlsay na di wɔl.

Jɛrimaya 33:24

“Yu nɔ yɛri we dɛn pipul dɛn ya de tɔk se, ‘PAPA GƆD dɔn drɛb di tu fambul dɛm we i bin dɔn pik’? Dɛn dɔn so luk mi pipul dɛm wit fɔni yay dat dɛn nɔ tan lɛk neshɔn to dɛm igin.

Izikɛl 35:12

Ɛn una go no se na mi PAPA GƆD, bin dɔn yɛri ɔl di kɔs we yu bin kɔs di Izrɛl mawnten dɛn se, ‘dɛn dɔn lɛf ɛmti natin ɛn nɔbɔdi nɔ de de, so dɛn dɔn gi wi fɔ lɛ wi it am awaŋɔt we.

Izikɛl 36:20

Bɔt wɛn dɛn bin kam to di neshɔn dɛm, ɛnisay dɛn go, dɛn nɔ bin rɛspɛkt mi oli nem; ɛn we pipul de tɔk bɔt dɛn, dɛn de se, ‘dɛn wan ya, na PAPA GƆD in pipul, bɔt stil dɛn bin gɛt fɔ kɔmɔt nain kɔntri.

Lamɛnteshɔn 2:15

Ɔlman we de pas kin shɔk we dɛn si yu; dɛn de sɔktit ɛn shek dɛn ed we dɛn si Jerusɛlɛm in gyal pikin; “Na di siti dis we dɛn bin de kɔl di wan we fayn pas ɔl, di gladi gladi na di wɔl?”

Di Sam Dɛm 142:4

If yu luk gud, yu go si se nɔbɔdi nɔ bisin bɔt mi a nɔ gɛt nɔbɔdi we a go rɔn to nɔbɔdi nɔ wan no if a liv ɔ a day.

Ayzaya 33:24

Ɛn nɔbɔdi we tap de nɔ go se “A nɔ wɛl”; dɛn go fɔgiv di pipul dɛn we tap de, dɛn sin.

Ayzaya 56:8

Na dis PAPA GƆD Ɔlmayti se, we de gɛda di Izrɛlayt dɛn we bin de ɛgzayl kam, A go stil gɛda ɔda wan dɛm kam to am apat frɔm dɛn wan dɛn we i dɔn gɛda.”

Ayzaya 58:8

Na datɛnde yu layt go shayn lɛk ali mɔnin layt, ɛn yu wɛlbɔdi go kam wit spid; na di waka we yu de waka tret na PAPA GƆD in yay, ɔlman go no yu fɔ, ɛn na PAPA GƆD in glori go de gyad yu bak.

Ayzaya 60:15

Pan ɔl we dɛn bin dɔn fɔsek yu, ɛn nɔbɔdi nɔ de pas insay yu, A go mek yu lɛk kiŋ sote go, ples fɔ gladi fɔ, insay ɔl di jɛnareshɔn dɛn.

Jɛrimaya 17:14

Mɛn mi, duya PAPA GƆD ɛn a go wɛl; sev mi ɛn a go sev; bikɔs na yu a de prez

Ozie 11:3

I se nain sem wan tich Ifrem fɔ waka. I tot am nain an lɛk bebi bɔt i nɔ bisin fɔ no if na PAPA GƆD mek i tinap so.

Job 5:18

We PAPA GƆD wund yu, i go mɛn di wund; we i mek yu sik, i go mek yu wɛl.

Ayzaya 54:6

Bikɔs PAPA GƆD dɔn kɔl yu lɛk wɛf we dɛn lɛf to insɛf, ɛn in at pwɛl, lɛk wɛf we mared yɔŋ, dɔn in man ib am na do, na so una Gɔd se.

Ayzaya 57:18

A dɔn no aw i de biev, bɔt a go mɛn am; a go lid am ɛn pe am bak wit kɔnfɔt, de mek di wan dɛn we de sɔri fɔ am gɛt di pemɛnt fɔ wetin de kɔmɔt na mɔt.

Ayzaya 57:19

PAPA GƆD se, pis, yɛs, lɛ di wan we de fa ɛn di wan we de nia gɛt pis; ɛn a go mɛn am.

Jɛrimaya 10:20

Mi tɛnt dɔn pwɛl, ɛn ɔl di rop dɛn dɔn kɔt kɔt; mi pikin dɛn dɔn lɛf mi go; ɛn wan nɔ lɛf; nɔbɔdi nɔ de fɔ bil mi tɛnt bak, ɛn ɛŋ mi kɔtin dɛm.