Jɛrimaya 30:15 - Krio Fɔs Oli Baybul

¹⁵ Wetin du una de kray bɔt una pen? Una pen nɔ de mɛn. Na bikɔs una gilti bad bad wan, ɛn bikɔs yu sin pasmak, mek A du dɛn tin ya to una.

Jɛrimaya 30:15 Referans Kwoze

Jɛrimaya 30:14

Ɔl una lɔva dɛm dɔn fɔgɛt una; dɛn nɔ bisin bɔt una; bikɔs a dɔn trit una di we pɔsin go trit in ɛnimi, di pɔnishmɛnt we pɔsin we nɔ gɛt masi go gi in ɛnimi, bikɔs una gilti bad bad wan, bikɔs una sin pasmak.

Jɛrimaya 30:12

“Bikɔs na dis PAPA GƆD se: Di pen we una gɛt na una at, nɔ de mɛn, ɛn una wund dɛn dip.

Mayka 7:9

Na fɔ bia wetin PAPA GƆD gɛt fɔ du bikɔs dɛn dɔn sin to am. I go fɛt fɔ dɛn ɛn mek ɔl udat fɔ gɛt rayt gɛt rayt. Dɔn i go mek ɔlman si wetin i du we i go sev dɛn.

Mayka 1:9

I kɔl dɛn pɔnishmɛnt, wund we nɔ go wɛl, bikɔs natin nɔ gɛt fɔ tap dɛn fɔ gɛt PAPA GƆD in pɔnishmɛnt. I se Juda go pwɛl lɛk Sameria ɛn Jerusɛlɛm, usay PAPA GƆD in pipul dɛn tap.

Lamɛnteshɔn 4:13

Dis na fɔseka di sin we in prɔfɛt dɛn kɔmit ɛn di bad bad tin dɛn we di man dɛn we de mek sakrifays fɔ pipul sin, we kil pipul dɛn we de waka tret wit PAPA GƆD, insay Jerusɛlɛm.

Lamɛnteshɔn 3:39

Wetindu pɔsin we gɛt layf fɔ kɔmplen, yu mɔtalman, bɔt di pɔnishmɛnt we i de gɛt fɔ in sin?

Lamɛnteshɔn 1:5

In ɛnimi dɛn dɔn bi in masta, in ɛnimi dɛn de go bifo, bikɔs PAPA GƆD dɔn mek i de sɔfa fɔ di bɔku sin dɛn we i dɔn kɔmit; dɛn dɔn kapchɔ ɛn kɛr in pikin dɛn go, as prizina dɛn na wa to dɛn ɛnimi.

Jɛrimaya 46:11

Go ɔp na Giliad, go tek mɛrisin, Yu Ijipt in gyal pikin we na vajin! Una dɔn yuz bɔku mɛrɛsin fɔ natin; yu nɔ go wɛl igen.

Jɛrimaya 30:17

PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’

Jɛrimaya 15:18

Wetin mek mi pen nɔ de tap, mi wund nɔ de wɛl, i nɔ de gri wɛl? Yuwan tan lɛk watasay we de disiv pipul, lɛkɛ watasay we kin tap fɔ rɔn ɛnitɛm?

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 6:13

Bikɔs, frɔm di smɔl wan to di wan we big pas dɛn ɔl, dɛn ɔl want fɔ mek tif tif prɔfit; ɛn, frɔm prɔfɛt to man we de mek sakrifays fɔ pipul sin, dɛn ɔl de ple yuki yuki gem.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Ayzaya 5:2

I dig am ɛn i klia ɔl di ston ston kɔmɔt, ɛn plant dɛn fɔs klas greps de; i bil wachman tawa midul de, dɛn i dig usay fɔ mas di greps fɔ pul di wayn; ɛn bin luk fɔ am fɔ bia greps, bɔt na sawa greps i bia.

Job 34:29

We in nɔ kɔndɛm, udat fɔ kɔndɛm? We i ayd in fes, udat go si am, i lɛk na wanol neshɔn ɔ na wangren pɔsin?

Job 34:6

ɔl we a gɛt rayt, dɛn se na lay a de lay; dɛn dɔn wund mi wund we nɔ de wɛl, ɔl we a nɔ du natin.

Ɛzra 9:13

Naw wi de sɔfa bikɔs ɔf wi wikɛdnɛs ɛn wi dɔn sin. Di pɔnishmɛnt we wi de gɛt smɔl pas di bad we wi dɔn du, bɔt pan ɔl dat PAPA GƆD, yu mek we fɔ sɔm pan wi fɔ tɔn bak.

Di Sam Dɛm 107:17

Sɔm man dɛn tɔn fulman we dɛn mek rebɛl pan PAPA GƆD so dɛn sɔfa nɔf fɔ dɛn sin dɛn.

Jɛrimaya 30:16

Fɔseka dat, dɛn go kil ɔl di wan dɛn we kil una ɛn ɔl una ɛnimi dɛm go go tɔn slev; wan nɔ go lɛf; dɛn go tif ɔl di wan dɛn we tif una, ɛn a go sɔprɛs ɔl dɛn wan dɛn we sɔprɛs una.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?

Neum 3:19

Natin nɔ de fɔ pul dɛn kɔmɔt pan di kayn trɔbul we dɛn fɛn fɔ dɛnsɛf. Ɔl udat yɛri bɔt wetin mit dɛn go dans wit gladi bikɔs nɔbɔdi nɔ de we nɔ tes dɛn bad wan.