Jɛrimaya 30:13 - Krio Fɔs Oli Baybul

¹³ Nɔbɔdi nɔ de fɔ fɛt una kes, mɛrɛsin nɔ de fɔ mɛn una wund, una nɔ go tek mɛn.

Jɛrimaya 30:13 Referans Kwoze

Jɛrimaya 46:11

Go ɔp na Giliad, go tek mɛrisin, Yu Ijipt in gyal pikin we na vajin! Una dɔn yuz bɔku mɛrɛsin fɔ natin; yu nɔ go wɛl igen.

Jɛrimaya 8:22

Mɛrɛsin nɔ de na Giliad? Dɔkta nɔ de de? So wetindu mi pipul dɛn gyal pikin nɔ wɛl te tide?

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Jɛrimaya 30:17

PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’

Jɔn In Fɔs Lɛta 2:1

Mi pikin dɛn, a de rayt una dis lɛta ya fɔ mek una tap fɔ sin; bɔt if ɛni wan pan una sin, Jizɔs Krays we nɔ gɛt sin, de tɔk to in Papa fɔ wi.

Pita In Fɔs Lɛta 2:24

Krays insɛf kɛr wi sin go na di krɔs go day de fɔ dɛn, so dat wi go want du wetin rayt ɔltɛm. Di wund we dɛn bin wund Krays nain dɔn mek una wɛl.

Neum 3:19

Natin nɔ de fɔ pul dɛn kɔmɔt pan di kayn trɔbul we dɛn fɛn fɔ dɛnsɛf. Ɔl udat yɛri bɔt wetin mit dɛn go dans wit gladi bikɔs nɔbɔdi nɔ de we nɔ tes dɛn bad wan.

Ozie 14:4

PAPA GƆD se, In go mek di pipul dɛn biliv am; in go lɛk dɛn wit ɔl in at, bikɔs i nɔ vɛks pan dɛn igen

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

Izikɛl 22:30

Ɛn a bin luk fɔ wan man pan dɛn, we go bil di wɔl ɛn tinap na di gap bifo mi fɔ di land, so a nɔ go nyakanyaka am; bɔt a nɔ fɛn nɔbɔdi.

Ayzaya 59:16

I si se pɔsin nɔ bin de, ɛn i wɔnda se nɔbɔdi nɔ de fɔ put mɔt de, na datɛnde, in yon an mek i gɛt viktri, ɛn in raychɔsnɛs mek i ebul tinap.

Ayzaya 1:6

Frɔm bɔtɔm di fut te rich di ed, nɔn say nɔ de we bɛtɛ, pas so so brus brus ɛn sofut ɛn wund dɛn we de blid; dɛn nɔ kwis di tɔf kɔmɔt ɛn dɛn nɔ tay dɛn, ɔ ivin put mɛrɛsin de.

Di Sam Dɛm 142:4

If yu luk gud, yu go si se nɔbɔdi nɔ bisin bɔt mi a nɔ gɛt nɔbɔdi we a go rɔn to nɔbɔdi nɔ wan no if a liv ɔ a day.

Di Sam Dɛm 106:23

So i se if nɔto we Mozis, di man we i bin dɔn pik, beg fɔ dɛn, lɛk i de dɔnawe wit dɛn. Na Mozis tap am nɔ fɔ kil dɛn ɔl we i vɛks.

Job 34:29

We in nɔ kɔndɛm, udat fɔ kɔndɛm? We i ayd in fes, udat go si am, i lɛk na wanol neshɔn ɔ na wangren pɔsin?

Job 5:18

We PAPA GƆD wund yu, i go mɛn di wund; we i mek yu sik, i go mek yu wɛl.

Ditarɔnɔmi 32:39

Una dɔn si naw se na Mi, yɛs Mi, na im, ɛn nɔn ɔda gɔd nɔ de apat frɔm mi; A de kil ɛn mek pipul dɛn gɛt layf; a de wund ɛn a de mɛn; ɛn nɔbɔdi nɔ de we ebul sev una kɔmɔt na mi an.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Jɛrimaya 17:14

Mɛn mi, duya PAPA GƆD ɛn a go wɛl; sev mi ɛn a go sev; bikɔs na yu a de prez

Jɛrimaya 14:19

Yu nɔ want Juda igen igen? Yu dɔn et Zayɔn? Wetin mek yu put siknɛs pan wi so dat mɛrɛsin nɔ de fɔ mɛn am? Wi luk fɔ pis, bɔt nɔn gud nɔ kam; we wet se tɛm go kam we wi go wɛl, bɔt na bad bad tritmɛnt wi gɛt.

Jɛrimaya 6:7

Lɛkɛ aw i de mek shɔ se in wata frɛsh, na semweso in de mek shɔ se in wikɛdnɛs frɛsh; na fɛtfɛt ɛn nyakanyaka, yu go yɛri de; ɔltɛm na siknɛs ɛn wund a de si.

Izikɛl 30:21

“mɔtalman, a dɔn brok Fero, Ijipt in kiŋ, in an. Ɛn fɔ tru tru, dɛn nɔ tay am yet wit bandej we nain go mek i wɛl, so dat i go gɛt trɛnk fɔ andul di sɔd.

Lamɛnteshɔn 2:13

Wetin a go se bɔt yu, wetin a go tek kɔmpia yu yu Jerusɛlɛm in gyal pikin? Wetin a go tek se una fiba, so yu at go kol, yu vajingyal na Zayɔn? Di nyakanyaka we dɛn nyakanyaka yu, big lɛk di si; udat go ebul mek yu lɛk aw yu bin de?