Jɛrimaya 30:10 - Krio Fɔs Oli Baybul

¹⁰ PAPA GƆD se, so nɔ fred natin. Yu Jekob we na mi wokman, ɛn unasɛf Izrɛl nɔ pwɛlat; bikɔs a ebul sev una ivin we a de fa, ɛn a ebul sev una pikin dɛn kɔmɔt na di land we dɛn mek dɛm slev. Jekob go tɔmbak kam ɛn i go gɛt kolat ɛn alafia, ɛn nɔbɔdi nɔ go gi am kɔtat.

Jɛrimaya 30:10 Referans Kwoze

Ozie 2:18

I se da tɛm de in ɛn ɔl dɛn wayl animal na bush, dɛn bɔd we de flay ɛn dɛn tin sɛf we kin de krip na grɔn go tay bagin ɛn in go mek natin nɔ tɔch am wɛda na bo ɛn aro, ɔ sɔd ɛn if wa fɔdɔm na di kɔntri, so we go lidɔm, natin nɔ go mek i fred.

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Ayzaya 43:5

Nɔ fred, bikɔs a de wit yu A go briŋ yu pikin dɛm kɔmɔt na di ist ɛn a go gɛda yu kɔmɔt na di wɛst;

Ayzaya 44:2

Na dis PAPA GƆD we mek yu, se, we mol yu na yu mami bɛlɛ, ɛn we go ɛp yu: Nɔ fred, yu Jekɔb we na mi wokman, Jɛshurɔn we a dɔn pik.

Ayzaya 35:9

Nɔn Layɔn nɔ go de de ɛn nɔn animal we kin aŋri bad bad wan, nɔ go go ɔp de; yu nɔ go si dɛn de, na di wan dɛn we PAPA GƆD dɔn ridim nɔmɔ go waka de.

Jɔn 12:15

“Una nɔ fred, una we de na Zayɔn, una kiŋ we go rul una de na rod de kam, i de rayd pan wan dɔnki pikin.”

Jɛrimaya 33:16

Dɛn tɛm dɛn de, dɛn go sev; Juda ɛn Jerusɛlɛm go sikiɔ. Ɛn na di nem dis we dɛn go de kɔl am: Na PAPA GƆD na wi Raychɔsnɛs.’

Jɛrimaya 23:8

bɔt go de se, ‘Wans PAPA GƆD de we pul Izrɛl in jɛnareshɔn dɛm ɛn de bifo dɛn fɔ kɔmɔt na di nɔt kɔntri, ɛn ɔl di kɔntri dɛm we i bin dɔn drɛb dɛm go.’ Da tɛm de, dɛn go tap na dɛn yon land.”

Jɛrimaya 23:3

Dɔn a go gɛda di wan dɛn we lɛf pan mi ship dɛm kɔmɔt na ɔl di difrɛn kɔntri dɛm we a dɔn drɛb dɛm go, ɛn a go briŋ dɛm kam bak na dɛn os, ɛn dɛn go ebul bɔn ɛn dɛn go plɛnti.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Zɛkaraya 3:10

I se wɛn da tɛm de rich, ɔlman go kɔl in kɔmpin fɔ sidɔm wit am ɛn ɛnjɔy.

Izikɛl 38:11

ɛn se, ‘A go go fɛt agens di kɔntri we di vilej dɛn nɔ gɛt wɔl; a go atak di kwayɛt pipul we tap sef wan, dɛn ɔl nɔ gɛt wɔl dɛn, ɛn sɛf nɔ gɛt ba dɛn ɔ get’;

Izikɛl 16:52

Tot yu disgres yu sɛf sɛf, bikɔs yu dɔn mek yu sista gɛt masi na jɔjmɛnt; bikɔs ɔf di kayn sin we yu kɔmit, we pas yu sista dɛn yon fafawe, dɛn dɔn gɛt rayt pas yu. So yu fɔ shem. Yu sɛf sɛf tot yu disgres so, bikɔs yu dɔn mek yu sista dɛn luk lɛk udat de waka tret wit mi PAPA GƆD.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 23:6

Nain tɛm Juda go sav, ɛn Izrɛl go liv de wit kolat. Ɛn na dis nem dɛn go kɔl am: ‘PAPA GƆD na wi tret waka.’

Ayzaya 54:4

“Nɔ fred, bikɔs yu nɔ go shem; nɔ kɔnfyus yusɛf, bikɔs nɔbɔdi nɔ go mek yu shem; bikɔs yu go fɔgɛt di shem we mit yu we yu bin yɔŋ, ɛn yu nɔ go mɛmba di tɔk we dɛn tɔk bɔt yu we yu man bin day, igen

Ayzaya 46:13

A go briŋ mi dilivrans kam nia, I nɔ de fawe ɛn mi salveshɔn nɔ go westɛm; A go put salveshɔn na Zayɔn, fɔ Izrɛl we na mi glori.”

Ayzaya 46:11

a de kɔl dɛn bɔd we de it bif kɔmɔt na di ist, ɛn di man we a dɔn disayd fɔ kɔl kɔmɔt wan fawe kɔntri. A dɔn tɔk am, ɛn a go mek I bi; A dɔn mek ɔp am, ɛn a go du am.

Jɛnɛsis 15:1

Afta ɔl wetin bin dɔn apin, PAPA GƆD apia to Ebram na vishɔn. I tɛl am se, “Nɔ fred, Ebram. A go kɔba yu ɛn a go gi yu ɔlkayn gud tin.”

Ayzaya 49:25

Fɔ tru, na dis PAPA GƆD se; “Dɛn kin pul di wan we di trɛnk man sɛf kech kɔmɔt nain an, ɛn dɛn go sev di wan dɛn we di wikɛd rula dɔn kech, kɔmɔt nain an, bikɔs a go fɛt di wan dɛn we de fɛt yu, ɛn a go sev yu pikin dɛn.

Ayzaya 14:3

Wɛn PAPA GƆD dɔn gi una kol at ɛn mek una lɛf fɔ sɔfa ɛn fɔ wok dɛn ebi ebi wok we dɛn bin de fos una fɔ du,

Ayzaya 44:1

“Bɔt naw lisin, yu Jekɔb we na mi wokman, Izrɛl we a dɔn pik!

Jɛrimaya 23:4

A go put shɛpad dɛn oba dɛm, we go luk afta dɛm, ɛn dɛn nɔ go fred igen ɛn dɛn nɔ go pwɛlat, ɛn dɛn nɔn nɔ go lɔs, na so PAPA GƆD se.

Jɛrimaya 29:11

PAPA GƆD se, bikɔs A no de plan dɛm we A gɛt fɔ una, plan dɛm fɔ una bɛtɛ wan, fɔ mek una abop ɛn bɛtɛ bambay.

Jɛrimaya 30:7

Ey! Da de de go so big nɔn ɔda de nɔ go tan lɛk am; na tɛm fɔ Jekob fɔ sɔfa; bɔt stil, a go sev am.

Joɛl 2:21

I se di land nɔ fɔ fred; i fɔ gladi ɛn mek fil gud, bikɔs PAPA GƆD dɔn du big wok!

Ayzaya 49:12

A de tɛl una, dɛnwanya go kɔmɔt fawe, ɛn fɔ tru tru, dɛn go kɔmɔt nɔt ɛn na di wɛst, ɛn dɛnwanya we kɔmɔt Aswan na di sawt.”

Daniɛl 12:1

Da tɛm de, Maykɛl, we na di pawaful akenjɛl we de kia fɔ una pipul, go grap. Tɛm go kam we trɔbul go de we nɔ bi wande frɔm we di wɔl bigin te tide; bɔt na da tɛm de dɛn go fri una pipul dɛn, ɔl dɛn wan dɛn we dɛn nem rayt insay di buk.

Ozie 2:20

A go waka tret wit yu insay di mared am, dɔn yu go biliv se in na PAPA GƆD.

Ozie 6:11

Yu Juda, di tɛm go kam we a go pɔnish yu fɔ di bad we yu du, di tɛm we a go gi mi pipul dɛn ɔl wetin dɛn bin dɔn lɔs bak.

Mayka 4:9

I se wetin mek di pipul dɛn na Jerusɛlɛm de ala kray so. Dɛn mek nɔys lɛk we bɛlɛ uman wan bɔn. I se dɛn de mek lɛk dɛn bigman dɛn dɔn day.