Jɛrimaya 3:9 - Krio Fɔs Oli Baybul

⁹ Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Jɛrimaya 3:9 Referans Kwoze

Jɛrimaya 2:27

we de tɔk to tik se, ‘Yu na mi papa,’ ɛn to ston se, ‘Na yu mek a de bɔn.’ Bikɔs dɛn dɔn tɔn dɛm bak pan mi, nɔto dɛn fes. Bɔt we dɛn kin gɛt trɔbul, dɛn kin de se, ‘Duya sev wi!’

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Ayzaya 57:6

Na usay dɛn smut ston dɛn de na dɛn vali, una blant, na dɛm, yɛs na dɛm, na una lɔt; na to dɛn una dɔn mek drink ɔfrin to; una dɔn briŋ sid ɔfrin. Mi at go kol fɔ dɛn kayn tin dɛn ya?

Jɛrimaya 10:8

Dɛn styupid ɛn fulish; wetin dɛn lay lay gɔd dɛn we na ɛmti bod go ebul tich dɛm ɔ tɛl dɛm!

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Abakɔk 2:19

Di pɔsin we de go tinap frɔnt wud ɔ ston de tɛl am fɔ grap du sɔntin, alaki. We na lɛk dayman, wetin i gɛt fɔ du? I lɛk sɛf dɛn put ɔlkayn gold ɔ silva pantap am fɔ mek i fayn, i nɔ min natin bikɔs i nɔ gɛt layf.

Ozie 4:12

I se in pipul go aks tik bɔt tin we dɛn wan no, ɛn fil se waka tik fɔ tɛl dɛn wetin fɔ du. Na waka waka spirit dɔn pul dɛn kɔmɔt to PAPA GƆD ɛn dɛn lɛf dɛn Gɔd go wɔship dɛn ɔda gɔd dɛn.

Izikɛl 23:10

Na dɛn kam sho in nekɛdnɛs na do; dɛn kapchɔ in bɔy ɛn gyal pikin dɛm; ɛn dɛn kil in wit sɔd; ɛn i bin kam bi wan we dɛn uman de tɔk bad bɔt, afta dɛn bin dɔn kɛri awt jɔjmɛnt pan am.

Izikɛl 16:17

Sɛf, una tek una fayn fayn gold ɛn silva trinkɛt dɛn we a bin dɔn gi una, ɛn bil mɔtalman imej dɛn fɔ unasɛf ɛn tek dɛn de rare;

Matyu 5:32

If man pat wit in wɛf fɔ ɛni ɔda tin pas if di wɛf nɔ tru to am, i dɔn mek di uman brok di mared lɔ if di uman go mared to ɔda man, ɛn dat na sin; ɛn di man we di uman mared insɛf dɔn brok di mared lɔ.

Jɛrimaya 16:18

Ɛn a go pe dɛm dɔbul fɔ di bad tin dɛn we dɛn de du ɛn fɔ dɛn sin, bikɔs dɛn dɔn dɔti mi land na mi yay wit dɛn lay lay gɔd dɛm we a et bad bad wan, ɛn dɔn fulɔp di land wit di bad bad tin dɛn we a nɔ lɛk.”

Izikɛl 23:3

Dɛn bin de rare na Ijipt; dɛn bin de rare wɛn dɛn yɔŋ; na de dɛn bin kwis dɛn bɔbi dɛm ɛn ple wit dɛn vajin buzɔm dɛm.

Izikɛl 23:21

Na dat mek yu de mɛmba di rud we yu bin de biev we yu bin yɔŋ wɛn di Ijipshian dɛn de andul una buzɔm ɛn kwis una yɔŋ bɔbi dɛm.”

Ozie 2:2

“Beg una mama fɔ mi duya bikɔs in nɔto mi wɛf, ɛn mi nɔto in man– mek i lɛf fɔ rare, ɛn fɔgɛt bɔt di man dɛn we i dɔn kip.

Ayzaya 57:3

Bɔt una kam nia ya, una da wichuman in bɔypikin dɛn, una we bambot man ɛn rare gyal bɔn.

Joɛl 1:19

PAPA GƆD, na to yu a de kray o! Faya dɔn pwɛl ɔl usay di animal dɛn fɔ it we de na di ɛmti land we pɔsin nɔ go ebul tap, ɛn di faya dɔn bɔn ɔl di tik dɛn na di fil.