Jɛrimaya 3:8 - Krio Fɔs Oli Baybul

⁸ I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Jɛrimaya 3:8 Referans Kwoze

Ditarɔnɔmi 24:1

Mozis tɛl di Izrɛlayt dɛn se if man mared uman, leta, in at nɔ tek am igen, bikɔs i nɔ de biev lɛkɛ mared uman, dɔn di man rayt pepa se i nɔ want di uman fɔ bi in wɛf igen, ɛn sɛn di uman go bak to in pipul dɛn,

Ozie 3:4

Di Izrɛlayt dɛn go de fɔ lɔŋ ɛn nɔ go gɛt kiŋ ɔ prins, dɛn nɔ go ivin mek sakrifays; ples ɔ pɔsin fɔ mek sakrifays nɔ go de, ɛn dɛn nɔ go ebul no wetin PAPA GƆD se.

Ayzaya 50:1

Na dis PAPA GƆD se; “We yu mama in dayvɔs pepa, we a tek dayvɔs am? Ɔ uswan pan di wan dɛn we a o, we a sɛl una gi? No se, na fɔ yu sin dɛn mek dɛn sɛl yu ɛn na fɔ di bad bad tin dɛn we yu de du, mek a drɛb yu mami.

Izikɛl 23:9

So fɔseka dat, a bin put am nain switat dɛn, dat na di Asirian dɛm we i bin de sho bɔku lɔv.

Izikɛl 16:47

Pan ɔl dat, una nɔ bin satisfay fɔ du lɛk aw dɛn bin de du, ɔ du di kayn bad tin dɛn we dɛn bin de du we PAPA GƆD nɔ lɛk; bɔt insay smɔl tɛm nɔmɔ, una dɔn kɔrɔpt pas dɛn pan ɔl tin we dɛn de du.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Ditarɔnɔmi 24:3

dɔn dis nyu man sɛf rayt pepa se i nɔ want am igen, ɔ di man day,

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 33:24

“Yu nɔ yɛri we dɛn pipul dɛn ya de tɔk se, ‘PAPA GƆD dɔn drɛb di tu fambul dɛm we i bin dɔn pik’? Dɛn dɔn so luk mi pipul dɛm wit fɔni yay dat dɛn nɔ tan lɛk neshɔn to dɛm igin.

Izikɛl 16:46

Ɛn Sameria na yu big sista, we bin tap wit in gyal pikin dɛn, na di nɔt pat to una, ɛn Sɔdɔm na yu smɔl sista, we in ɛn in gyal pikin dɛn de na di sawt pat to una.

Izikɛl 16:51

Sameria nɔ kɔmit af di sin dɛn we yu kɔmit; yu dɔn du mɔ bad bad tin dɛn we a nɔ lɛk, pas dɛm, ɛn yu dɔn mek yu sista luk lɛk udat de waka tret wit mi fɔseka ɔl di bad bad tin dɛn we yu du we a nɔ lɛk.

2 Kronikuls 21:11

Pantap dat, i mek ay ples dɛn na di il kɔntri we de na Juda, ɛn mek di pipul dɛn we tap na Jerusɛlɛm, nɔ waka tret wit PAPA GƆD, we mek Juda nɔ waka na PAPA GƆD in rod igen.

Jɛrimaya 5:7

“Aw a go sɔri fɔ yu? Yu pikin dɛm dɔn fɔsek mi, ɛn dɛn dɔn tek dɛn wan dɛn we nɔto gɔd, dɛn nem swɛ. We a bin fid dɛm te dɛn bɛlful, dɛn bin kɔmit adɔltri ɛn gɛda go na dɛn rare gyal dɛn os.

Izikɛl 23:44

Bikɔs dɛn dɔn lidɔm wit am, lɛk we man dɛn de go fɛn rare gyal, na so dɛn de go fɛn Oola ɛn Ooliba fɔ go du rudnɛs.