Jɛrimaya 3:6 - Krio Fɔs Oli Baybul

⁶ PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Jɛrimaya 3:6 Referans Kwoze

Izikɛl 23:11

“In sista Ooliba bin si ɔl dis, stil in bin kɔrɔpt mɔ pas in sista, bay aw in bin de sho bɔku lɔv, ɛn pan in rare, we bin wɔs pas in sista yon.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Izikɛl 16:31

una de bil una rum we nɔ gɛt winda ɔp ɔl dɛn trit, ɛn mek ay ay ples na ɔl dɛn skwaya. Bɔt una nɔ bin tan lɛk rare gyal bikɔs una nɔ bin de aks fɔ mɔni.

Jɛrimaya 17:2

wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Ayzaya 57:7

Na pantap di ay ay mawnten yu dɔn mek yu bad; 2 ɛn na de yu bin go mek yu sakrifays.

1 Kiŋ 14:23

Dɛn bil ples fɔ de wɔship lay lay gɔd, dɛn mek ɔlta fɔ de mek sakrifays to Ashɛra, dɔn dɛn mek ples fɔ de wɔship am pantap ɔl dɛn il dɛn ɔnda ɔl dɛn tik.

2 Kronikuls 34:1

Josaya ol et ia wɛn i tɔn kiŋ ɛn in rul tati wan ia na Jerusɛlɛm.

Jɛrimaya 1:2

we na to am PAPA GƆD in wɔd bin kam di ia we mek Josaya, we na Amɔn in bɔypikin, tɔtin ia as kiŋ na Juda.

Jɛrimaya 5:11

PAPA GƆD se, “Bikɔs Izrɛl ɛn Juda nɔ bin de waka tret wit mi atɔ.”

Jɛrimaya 11:10

Dɛn dɔn tɔn bak to dɛn fɔstɛmpapa dɛn we nɔ bin gri yɛri mi wɔd, dɛn sin; dɛn dɔn go fɔ go sav ɔda gɔd dɛm; Izrɛl ɛn Juda dɔn brok mi Kɔvinant we a bin mek wit dɛn fɔstɛmpapa dɛm.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Izikɛl 23:4

Di big wan bin nem Oola, ɛn in sista bin nem Ooliba. Dɛn bin kam blant mi, ɛn dɛn bɔn bɔy ɛn gyal pikin dɛm. As fɔ dɛn nem dɛm, Oola na Sameria ɛn Ooliba na Jerusɛlɛm.

Ozie 4:13

Na ɔp di mawnten dɛn de go mek dɛn sakrifays ɛn na pantap di il, dɛn kin bɔn ɔlkayn insɛns. Dɛn go ivin du wetin dɛn wan du ɔnda di kɔtin tri ɛn ɔda big big tik dɛn, bikɔs dɛn de gi gud shed. I se na dat ɔl mek dɛn yɔŋ gyal dɛn de mek lɛk rare gyal ɛn dɛn mared uman dɛn de lɛf dɛn man dɛn na os, go kip ɔda man.

Ozie 11:7

I se sins di pipul dɔn mekɔp fɔ lɛf am to insɛf, na dɛnsɛf dɔn pik se tin fɔ traŋa fɔ dɛn ɛn nɔbɔdi nɔ go ebul ɛp dɛm.

Di Jɔj Dɛm 2:17

Pan ɔl dat, di pipul dɛn nɔ gri lisin to di jɔj dɛn; dɛn jɛs de wɔship ɔda gɔd dɛn de butu to dɛn; dɛn nɔ gri waka na di rod we dɛn fɔstɛmpapa dɛn we bin de obe PAPA GƆD, bin de waka.

Di Sam Dɛm 106:39

Dɛn nɔnsɛns dɛnsɛf bay wetin dɛn du, dat mek dɛn biev lɛk rare gyal.

Ayzaya 57:3

Bɔt una kam nia ya, una da wichuman in bɔypikin dɛn, una we bambot man ɛn rare gyal bɔn.

Izikɛl 16:35

“So yu rare gyal! Yɛri PAPA GƆD in Wɔd: