Jɛrimaya 3:5 - Krio Fɔs Oli Baybul

⁵ I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Jɛrimaya 3:5 Referans Kwoze

Mayka 7:3

If na fɔ bad, dɛn sabi aw fɔ du am we i nɔ go pwɛl. Ɔl di bigman dɛn de tek brayb ivin di jɔj dɛn. In ɛn di wan we gɛt pawa de du wetin dɛn lɛk ɛn natin nɔ de kɔmɔt biɛn dat.

Mayka 2:1

Eya! I go kɔmɔt bad pan dɛn wan we nɔ kin de slip na nɛt, bifo dat dɛn kin jɛs de mɛmba aw fɔ du bad. As do klin so, dɛn kin mekes fɔ go du di bad we dɛn plan wans dɛn gɛt di pawa.

Izikɛl 22:6

Biliv mi, di Izrɛl bigman dɛm we tap insay yu, bikɔs ɔf dɛn pawa, de shɛd blɔd.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Ayzaya 57:16

Bikɔs a nɔ go fɛt te go ɛn nɔ go de vɛks ɔltɛm; bikɔs na mi di spirit de kɔmɔt to; ɛn a dɔn mek di lo blo blo we gi layf.

Ayzaya 64:9

Nɔ vɛks pasmak O PAPA GƆD, ɛn nɔ mɛmba sin sote go. Duya, tink gud, wi ɔl na yu pipul dɛm.

Di Sam Dɛm 85:5

Yu go jɛs de vɛks pan wi te go? Dis vɛks nɔ go tap?

2 Kronikuls 29:10

Naw, i de na mi at fɔ mek Kɔvinant wit PAPA GƆD we na Izrɛl dɛn Gɔd, mek in bad bad wamat go kol fɔ wi.

Di Sam Dɛm 85:6

Mek wi bi wetin wi bin bi fɔs so wi go gladi bikɔs ɔf yu.

Jɛrimaya 8:5

Wetindu dɛn pipul ya dɔn tɔn dɛn bak pan mi ɛn nɔ gri tɔn bak? Dɛn biliv pan lay lay tin dɛn gud gud wan, ɛn nɔ gri tɔn bak kam to mi.

Jɛrimaya 8:6

A dɔn pe atɛnshɔn to dɛm ɛn dɔn lisin dɛm, bɔt dɛn nɔ tɔk tru; nɔn pan dɛm nɔ ripɛnt fɔseka in wikɛdnɛs, bifo dat dɛn de aks se, ‘wetin a du?’ Ɔlman de go in yon we, lɛkɛ we ɔs de rɔn go insay batul fil.