Jɛrimaya 3:25 - Krio Fɔs Oli Baybul

²⁵ Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Jɛrimaya 3:25 Referans Kwoze

Jɛrimaya 22:21

A bin tɔk to yu wɛn yu bin jɛntri, bɔt yu bin se, ‘A nɔ go lisin.’ Na so yu tan frɔm we yu yɔŋ, yu nɔ du wetin a se.

Jɛrimaya 2:26

“Lɛkɛ we dɛn kin jankonico tifman wɛn dɛn kech, na so dɛn go jankonoco Izrɛl: dɛm, dɛn kiŋ dɛm, dɛn bigman dɛm, dɛn man dɛm we de mek sakrifays fɔ pipul sin ɛn dɛn prɔfɛt dɛm,

Lɛta Fɔ Rom 6:21

Wetin una bin gen wɛn una bin de du dɛn tin we una de shem fɔ du naw? Na day dɛn kayn tin de, de briŋ.

Daniɛl 12:2

Bɔku pan di wan dɛn we dɔn day go wek. Sɔm go gɛt layf sote go ɛn sɔm go gɛt shem ɛn disgres sote go.

Izikɛl 36:32

Bɔt nɔto fɔ una sek a go akt, PAPA GƆD se; ɛn mek una no dat O Izrɛl pipul, una fɔ shem ɛn wɔri bɔt una bievyɔ dɛn.

Izikɛl 7:18

Dɛn tay rɛsbag rawnd dɛn wes, ɛn bad bad fred fred kɔba dɛm; shem de pan dɛn ɔl fes ɛn dɛn ɔl gɛt bɔl ed.

Lamɛnteshɔn 5:16

Ɔl wi blɔf dɔn dɔn; wi dɔn gɛt wahala bikɔs wi dɔn kɔmit sin.

Lamɛnteshɔn 5:7

Wi papa dɛn we kɔmit di sin dɔn day; na wi de gɛt di pɔnishmɛnt.

Jɛrimaya 6:26

Yu mi pipul dɛn gyal pikin, go wɛr saklɔth, ɛn rol rolpan ashis; mek sɔri lɛk na fɔ yu wangren bɔypikin yu de munin fɔ, kray bita bita wan pas ɔl; bikɔs i nɔ go te igen, di wan we de kil pipul dɔn kam fɔ kil wi.

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 2:17

Nɔto unasɛf dɔn mek dis apin to una, we una fɔsek PAPA GƆD, we na una Gɔd, we i de bifo una na rod?

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Ayzaya 50:11

Bɔt una ɔl na pipul dɛn we de mek faya, pipul dɛn we de layt wud. Una waka wit una faya in flem, ɛn wit di wud dɛn we una dɔn layt faya pan! Na dis una go gɛt na mi an: una go lidɔm insay tɔmɛnt.

Ayzaya 48:8

Yu nɔ ɛva yɛri, yu nɔ ɛva no, frɔm mɔnin, yu yes nɔ bin opin. Bikɔs a bin no se, na rikishi we, yu go du tin, ɛn frɔm we yu bɔn, na rebɛl dɛn bin de kɔl yu.

Prɔvabs 5:13

A nɔ bin de pe atɛnshɔn to wetin mi ticha dɛn bin de tɛl mi mayn, a nɔ bin de yɛri wɔd.

Di Sam Dɛm 109:29

Mi ɛnimi dɛn go wɛr shem ɛn disgres lɛkɛ klos.

Di Sam Dɛm 106:7

Wɛn wi pipul bin de Ijipt, dɛn nɔ bin de tink sɛf bɔt yu mirekul dɛn; dɛn nɔ mɛmba ɔl di gud tin dɛn we yu dɔn du, ɛn dɛn barɔf we dɛn rich, di Rɛd Si.

Di Jɔj Dɛm 2:2

I se dɛn nɔ fɔ mek wanwɔd wit di pipul dɛn we dɛn mit na di land; bifo dat, dɛn fɔ brok di pipul dɛn ɔlta dɛn. I se bɔt dɛn nɔ du wetin i se. Nain i aks dɛn se uskayn tin dɛn dɔn du so.

Di Sam Dɛm 106:6

Wi, lɛkɛ wi fɔstɛm pipul dɔn du bad; wi riali dɔn rɔŋ yu ɛn wi gilti.

Jɛrimaya 3:13

Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 8:14

Wetin mek wi de sidɔm ɛn nɔ de du natin? Una gɛda wan ples, lɛ wi go na di siti dɛm we gɛt wɔl rawnd go day de; bikɔs PAPA GƆD we na wi Gɔd dɔn swɛ wi fɔ day, ɛn i dɔn gi wi pɔyzin wata fɔ drink, bikɔs wi dɔn kɔmit sin to PAPA GƆD.

Jɛrimaya 14:7

“Ɔldo wi sin dɛm de sho se wi dɔti na Gɔd yay, bɔt duya PAPA GƆD, du sɔntin fɔseka yu nem; bikɔs wi bakslayd bɔku bɔku tɛm, wi dɔn kɔmit sin to yu.

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Jɛrimaya 20:18

Wetin mek a kɔmɔt na mi mama in bɛlɛ fɔ kam si trɔbul ɛn sɔri layf, ɛn spɛnd mi wanol layf pan shem?

Jɛrimaya 31:19

Bikɔs, afta a bin dɔn tɔn mi bak pan yu, a bin ripɛnt; ɛn we a ɔndastand, a bit misef; a bin shem, ɛn a bin kɔnfyus, bikɔs a bin gɛt mi disgres we a yɔŋ.’

Izikɛl 2:3

I tɛl mi se, “mɔtalman, a de sɛn yu to di pipul dɛn na Izrɛl, we na neshɔn we dɛn ɔl traŋayes, ɛn dɛn dɔn tɔn dɛn bak pan mi; dɛn ɛn dɛn fɔstɛmpapa dɛm dɔn du bad bad tin dɛm to mi frɔm datɛnde, te tide.

Prɔvabs 13:18

Udat nɔ de yɛri wɔd, na po ɛn disgres go mit am, bɔt yu de yɛri wɔd go gɛt rɛspɛkt.

Jɛrimaya 7:19

PAPA GƆD se, “Na mi dɛn de provok? Nɔto dɛnsɛf, fɔ kɔnfyus dɛnsɛf?

Jɛrimaya 9:18

lɛ dɛn mekes kam ɛn kam bigin kray fɔ wi, so dat wata go rɔn wi yay, ɛn wi yay in kɔba go bɔs wata.

Jɛrimaya 11:13

Bikɔs una gɔd dɛm dɔn bɔku lɛkɛ aw una siti dɛm dɛn bɔku, Yu Juda; ɛn lɛkɛ aw di trit dɛm bɔku na Jerusɛlɛm, na semweso di ɔlta dɛm we una dɔn bil we shemful, dɛnsɛf bɔku; ɔlta dɛn fɔ bɔn insɛns to Beal.

Jɛrimaya 12:13

Dɛn dɔn plant wit, ɛn dɛn avɛst chuk chuk, dɛn dɔn yagba dɛnsɛf te dɛn dɔn taya, bɔt nɔ prɔfit natin. Dɛn go shem fɔseka dɛn avɛst fɔseka PAPA GƆD in bad bad vɛksteshɔn.”

Izikɛl 44:13

Dɛn nɔ go kam nia mi, fɔ sav mi as man we de mek sakrifays fɔ pipul sin, ɛn dɛn nɔ go kam nia ɛni pan mi sekred tin dɛn ɛn di tin dɛn we sekred pas ɔl, bɔt dɛn go bia dɛn shem fɔseka ɔl di tin dɛn dɔn du we de briŋ etrɛd ɛn bad bad fred fred

Ozie 9:10

PAPA GƆD se lɛk aw greps go gro na di ɛmti land we pɔsin nɔ go ebul tap, na so Izrɛl bin tan we i fɛn am. Ɛn lɛk aw di fɔs frut na fig tik kin rɔtin di fɔs tɛm we i bɔn, na so i bin si dɛn fɔstɛm-papa dɛn. Bɔt na so dɛnsɛf bin go na Mawnt Peɔ, go nɔnsɛns dɛnsɛf ɛn gi dɛnsɛf to Beal we mek PAPA GƆD et dɛn bad bad wan

Zɛfinaya 1:17

PAPA GƆD se in go mek di man dɛn at pwɛl, dɔn dɛn go bigin du tiŋs lɛk udat blɛn bikɔs dɛn ɔl dɔn sin; dɛn blɔd nɔ go min natin igen ɛn dɛn dedebɔdi ɔl go skata na grɔn we nɔbɔdi nɔ go bisin.