Jɛrimaya 3:23 - Krio Fɔs Oli Baybul

²³ Fɔ tru, di tin dɛn we de apin na di il dɛn de mek pɔsin tink tin we nɔ bi, dat na di kayn wɔship we de na di mawnten dɛm. Fɔ tru, na PAPA GƆD we na wi Gɔd nɔmɔ go sev Izrɛl.

Jɛrimaya 3:23 Referans Kwoze

Di Sam Dɛm 3:8

Na PAPA GƆD nɔmɔ de pul pɔsin pan trɔbul. Lɛ PAPA GƆD blɛs in pipul.

Ayzaya 12:2

“Na yu PAPA GƆD gi mi nyu layf; A go biliv yu ɛn nɔ go fred; bikɔs na PAPA GƆD we na mi Gɔd na mi trɛnk, ɛn nain a de siŋ bɔt, ɛn i dɔn bi di wan we gi mi nyu layf.”

Jɔn 4:22

Una di Sameria pipul dɛn nɔ no di wan we una de nil dɔŋ fɔ pre to, una nɔ no am gud, bɔt wi di Ju pipul dɛn no di wan we wi de nil dɔŋ fɔ pre to, wi no am gud bikɔs na bay di Ju pipul dɛn Gɔd de sev pipul.

Ozie 1:7

I se in go sɔri fɔ di wan dɛn na Juda ɛn in PAPA GƆD, we na dɛn Gɔd go pul dɛn pan trɔbul bɔt i nɔ go yus aro ɔ sɔd ɔ wa ɔ ɔs dɛn ɔ di man dɛn we de rayd ɔs.

Izikɛl 20:28

Bikɔs we a bin dɔn briŋ dɛm kam na di land we a bin dɔn swɛ se a go gi dɛm, ɛnisay we dɛn si ay il ɔ tik we gɛt bɔku lif, na de dɛn kin go mek dɛn sakrifays dɛn, ɛn kin gi wetin go mek mi at wam. Na de dɛn swit sɛnt kin kɔmɔt kam ɔp, ɛn na de dɛn kin tɔn dɛn drink ɔfrin dɛm.

Jɛrimaya 17:14

Mɛn mi, duya PAPA GƆD ɛn a go wɛl; sev mi ɛn a go sev; bikɔs na yu a de prez

Jɛrimaya 14:8

E ya, yu we na yu Izrɛl abop pan, yu we kin sev am we i gɛt trɔbul, wetin mek yu fɔ tan lɛkɛ trenja na di land, lɛkɛ pɔsin we de travul we kan beg fɔ slip fɔ di nɛt?

Jɛrimaya 3:6

PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Ayzaya 63:16

Na yu na wi Papa ɔlwe Ebram nɔ no wi ɛn Izrɛl nɔ gri se wi ɔl na wan; PAPA GƆD, na yu na wi Papa, Na Wi Lɔntɛm Ridima na yu nem

Ayzaya 63:1

Udat dis we kɔmɔt Bozra Siti na Idɔm, wit rɛd klos, yu we fayn fɔ luk na yu klos, we de mach wit pawa? “Na Mi we pawaful fɔ sev pipul de anawns se pɔsin dɔn fri.

Ayzaya 45:20

Una gɛda unasɛf kam, una kam togɛda, una we lɛf pan di neshɔn dɛn! Dɛn nɔ no natin, dɛn wan we de waka waka wit dɛn bod laylay gɔd dɛn, ɛn fasin fɔ de pre to gɔd we nɔ ebul sev dɛm.

Ayzaya 45:17

Bɔt PAPA GƆD sev Izrɛl wit salveshɔn we de so te go, dɛn nɔ go mek una shem ɔ kɔnfyus una fɔ ɛva ɛn ɛva.

Ayzaya 45:15

Fɔ tru tru, yu na Gɔd we de ayd yusɛf, Yu Izrɛl dɛn Gɔd we na di Seviɔ.

Ayzaya 44:9

Ɔl di wan dɛn we de mek dɛn laylay gɔd, na natin, ɛn di tin dɛm we dɛn de gladi fɔ, nɔ de prɔfit; dɛn witnɛs dɛn nɔ de si se ɛn nɔ no se, dɛn go mek dɛn shem.

Ayzaya 43:11

Mi, na Mi na PAPA GƆD, ɛn apat frɔm mi, nɔn ɔda seviɔ nɔ de.

Di Sam Dɛm 62:7

PAPA GƆD na di wan we de sev mi ɛn mek a bi sɔmbɔdi; nain na mi sikyɔriti.

Prɔvabs 21:31

I lɛk ɔmɔs ɔs ɛn sojaman dɛn yu gɛt fɔ fɛt wa, na PAPA GƆD de gi viktri.

Jɛrimaya 17:2

wɛn dɛn pikin dɛn de mɛmba dɛn ɔlta dɛm ɛn dɛn Asherim, we liŋ pan ɔl dɛn grin tik, ɛn de pantap di ay il dɛm,

Jɛrimaya 31:7

Bikɔs na dis PAPA GƆD se: “Siŋ lawd lawd wan wit gladi gladi fɔ Jekob ɛn pul siŋ fɔ di chif fɔ ɔl dɛn neshɔn; anawns am, prez am, ɛn tɔk se, ‘PAPA GƆD dɔn sev in pipul, di balans pan di Izrɛlayt dɛn we lɛf.’

Ayzaya 10:20

Da tɛm de, di pipul dɛn we lɛf pan Jekɔb in os nɔ go ɛva abop pan di wan dɛn we bin de pɔnish dɛn igen, bɔt dɛn go abop pan PAPA GƆD we na Izrɛl in Oli Wan, wit ɔl dɛn at.