Jɛrimaya 3:22 - Krio Fɔs Oli Baybul

²² “Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 3:22 Referans Kwoze

Ozie 14:1

Izrɛl, una kam bak to PAPA GƆD una Gɔd bikɔs una dɔn fɔm we una sin.

Ozie 14:4

PAPA GƆD se, In go mek di pipul dɛn biliv am; in go lɛk dɛn wit ɔl in at, bikɔs i nɔ vɛks pan dɛn igen

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Ozie 3:5

Tɛm go kam we di Izrɛlayt dɛn go tɔn bak to PAPA GƆD we na dɛn Gɔd, ɛn Devid go bi dɛn kiŋ; dɔn dɛn go gɛt fred fɔ PAPA GƆD ɛn ɔl di gud we i go du fɔ dɛn bambay.

Jɛrimaya 30:17

PAPA GƆD se, Bikɔs a go gi una, una wɛlbɔdi bak ɛn a go mɛn una wund dɛm, bikɔs dɛn dɔn kɔl yu awtkast: ‘Na Zayɔn, we nɔbɔdi nɔ bisin bɔt!’

Jɛrimaya 31:18

A dɔn yɛri Ifrem in kɔmplen, we i de se, ‘Yu dɔn disiplin mi, ɛn yu disiplin mi lɛk kaw pikin we nɔ gɛt trenin; briŋ mi kam bak so dat a go de lɛk aw a bin de, bikɔs na yu na PAPA GƆD we na mi Gɔd.

Sɔlɔmɔn In Siŋ Dɛm 1:4

Drɔ mi biɛn yu, lɛ wi mekes Di kiŋ dɔn briŋ mi kam insay in rum. Wi go gladi ɛn gladi pan yu wi go prez yu lɔv pas wayn dɛn nɔ mis we dɛn lɛk yu.

Ozie 14:8

I aks Ifrem se wetin i gɛt fɔ du wit dɛn ɔda gɔd dɛn we dɛn de mek. I mɛmba dɛn se nain na di wan we de ansa dɛn prea ɛn luk afta dɛn. I se in tan lɛk tik we grin ɔltɛm so i kin bia frut ɔltɛm so dɛn fɔ abop pan am fɔ frut.

Jɛrimaya 33:6

A de tɛl yu, a go briŋ wɛlbɔdi ɛn mɛrɛsin, ɛn a go mɛn dɛm ɛn gi dɛm plɛnti plɛnti jɛntri ɛn sikiɔriti.

Ayzaya 27:8

Smɔl smɔl, na we dɛn de ɛgzayl yu de ebul sho dɛn wetin yu want; I pul dɛn kɔmɔt de wit in ebi blo di de we di briz we de kɔmɔt na di ist, de blo.

Ayzaya 1:2

Di Ɛvin dɛn, una yɛri o! Ɛn lɛ di ath sɛf opin in yes! Bikɔs na PAPA GƆD dɔn tɔk: “A dɔn men ɛn tren una mi bɔypikin dɛm, bɔt dɛn tɔn pan mi.

Ayzaya 57:17

Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Ayzaya 31:6

Una dɛn Izɛrlayt dɛn, una put at bak to di wan we una bin dɔn tɔn una bak pan ɛn nɔ gɛt natin fɔ du wit am.

Izikɛl 18:30

Papa Gɔd we na Gɔd se, “Fɔseka dat, a go jɔj una, una Izrɛl. A go jɔj una ɔl bay una we. So una ripɛnt ɛn lɛf ɔl una bad bad tin dɛn we una de du, if nɔto so, una sin dɛn go ruin una na wɔl.

Ozie 14:5

I se in go tan lɛk dyu to di pipul we go mek dɛn de frɛsh ɛn prɛd lɛk ren sizin bɔlɔgi. Dɛn rut go tan lɛk kɔtintri.

Joɛl 2:12

PAPA GƆD se, naw naw, dɛn fɔ go bak to am wit ɔl dɛn at, dɛn fɔ fast ɛn kray, ɛn sho se dɛn sɔri;