Jɛrimaya 3:21 - Krio Fɔs Oli Baybul

²¹ Yu yɛri wan vɔys na ɛmti il, we Izrɛl in bɔypikin dɛn de kray ɛn beg, bikɔs dɛn kɔrɔpt, dɛn dɔn fɔgɛt PAPA GƆD we na dɛn Gɔd.

Jɛrimaya 3:21 Referans Kwoze

2 Kɔrint 7:10

Wɛn Gɔd mek pɔsin sɔri, dat go mek di pɔsin in at chenj ɛn di pɔsin go sev, ɛn dat nɔto tin fɔ rigrɛt. Bɔt if pɔsin fil sɔri nɔmɔ fɔseka ɛnitin we de na dis wɔl, da kayn sɔri de go mek di pɔsin day go ɛl.

Jɛrimaya 31:9

Dɛn go de kray fɔ jɔy we dɛn de kam, ɛn a go de koks dɛn we a de kɛr dɛm go bak, A go mek dɛn waka nia watasay dɛm, na stret rod we dɛn nɔ go bɔk dɛn fut; bikɔs mi na Izrɛl dɛn papa, ɛn na Ifrem na mi fɔs pikin.

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Jɛrimaya 2:32

Uman we nɔ mared yet go fɔgɛt in riŋ chen ɛn baŋuls dɛn, ɔ yawo go fɔgɛt in mared klos? Bɔt mi pipul dɛn dɔn fɔgɛt bɔt mi lɔlɔntɛm.

Ayzaya 17:10

Bikɔs una dɔn fɔgɛt di Gɔd we sev una, ɛn una nɔ de mɛmba di Big Ston we protɛkt una; so, i lɛk we una plant fayn fayn plant dɛn ɛn put put af af tik dɛn fɔ sho wan fɔrin laylay gɔd,

Ayzaya 15:2

Daybɔn in gyal pikin dɔn go ɔp na di ay ples dɛn fɔ go kray; Moab de kray fɔ Nibo ɛn Mɛdiba. Ɔlman krep in ed, ɛn ɔlman shev in bia bia;

Mayka 3:9

I se ɔl di big wan dɛn na Jekɔb in jɛnareshɔn ɛn di bigman dɛn na Izrɛl fɔ lɛf fɔ de twis di lɔ ɛn gi rayt to udat rɔŋ.

Ozie 13:6

bɔt wɛn dɛn rich usay dɛn kin it ɛn drink ɛn bɛlful aw dɛn want, dɔn dɛn at layt, dɛn fɔgɛt bɔt PAPA GƆD.

Ozie 8:14

I se Izrɛl dɔn fɔgɛt PAPA GƆD we mek dɛn bɔt dɛn bil dɛn fayn os fɔ dɛn kiŋ dɛn; dɛn dɔn bil mɔ ɛn mɔ ples wit traŋa wɔl dɛn na Juda; bɔt in go mek faya kech ɛn bɔn di ples dɛn we dɛn bil ɛn pwɛl pwɛl ɔl wetin dɛn abop pan.

Izikɛl 23:35

Fɔseka dat, na dis Papa Gɔd we na Gɔd se: Bikɔs una dɔn fɔgɛt bɔt mi ɛn dɔn trowe mi, una lisin wetin go apin to una fɔseka una rudnɛs ɛn rare layf.”

Izikɛl 7:16

If ɛnibɔdi ɛskep i nɔ bin day, dɛn go de na di mawnten dɛm, lɛk dɔv dɛm we de na di vali dɛm, dɛn ɔl de pini, dɛn ɔl, fɔ in wikɛdnɛs.

Prɔvabs 19:3

Wɛn sɔm man dɔn alaki insɛf bay in we, na PAPA GƆD in kin want fɔ blem.

Prɔvabs 10:9

Udat de si fa de tek tɛm wit wetin i de du, bɔt dɛn go kech udat de pan dabaru.

Job 33:27

mɔtalman go siŋ usay pipul dɛn de, se: a dɔn kɔmit sin ɛn dɔn du wetin nɔ rayt, bɔt PAPA GƆD nɔ du mi natin.

Di Nɔmba Dɛm 22:32

PAPA GƆD in enjɛl aks Belam wetindu i bit in dɔŋki tri tɛm. I se in kam fɔ tap Belam afwe bikɔs i nɔ fɔ go da go de, we i de go.

Ayzaya 57:11

Udat yu de fred bad bad wan so, we yu bin lay, ɛn nɔ bin mɛmba mi, we mek yu nɔ tink bɔt mi? A nɔ dɔn sɛt mi mɔt, fɔ lɔŋ tɛm naw, ɛn so yu nɔ de fred mi?

Jɛrimaya 7:29

Una kɔt una ia trowe; una kray na dɛn ɛmti mawnten dɛn bikɔs PAPA GƆD dɔn se i nɔ want ɛn pul an pan di jɛnareshɔn we kin mek i vɛks bad bad wan.’

Jɛrimaya 12:12

Pipul dɛn we de nyakanyaka dɔn kɔmɔt na ɔl dɛn mawten dɛn na di ɛmti ples we pɔsin nɔ go ebul tap, kam; bikɔs PAPA GƆD in sɔd de kil frɔm wan ɛnd na di land, to di ɔda ɛnd; nɔbɔdi nɔ gɛt kol at.

Jɛrimaya 13:25

PAPA GƆD se na so i fɔ bi to una, dis na una pɔshɔn we a dɔn mɛnshɔ fɔ una, bikɔs yu dɔn fɔgɛt bɔt mi, ɛn de biliv pan lay lay.

Jɛrimaya 18:15

Bɔt mi pipul dɛm dɔn fɔgɛt bɔt mi, dɛn de bɔn insɛns fɔ dɛn lay lay gɔd; dɛn dɔn bɔk fut na di rod dɛn we dɛn de fala we na di ol rod dɛm, ɛn dɛn dɔn lɛf di men rod, go waka na dɛn yad rod,