Jɛrimaya 3:18 - Krio Fɔs Oli Baybul

¹⁸ Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Jɛrimaya 3:18 Referans Kwoze

Jɛrimaya 31:8

A de tɛl una, a go briŋ dɛn kam kɔmɔt na di nɔt kɔntri, ɛn gɛda dɛm kɔmɔt na di say we far pas ɔl na dis wɔl, ɛn di blɛnyay ɛn di wan dɛn we lem go de pan dɛm, togɛda wit dɛn bɛlɛuman dɛm ɛn di wan dɛn we de lebɔ; dɛn go kam bak as plɛnti plɛnti pipul.

Emɔs 9:15

A go put mi pipul na di land we a gi dɛn, ɛn nɔbɔdi nɔ go pul dɛn kɔmɔt de igen” Na mi PAPA GƆD dɔn tɔk so.

Ozie 1:11

Di pipul na Juda ɛn di wan dɛn na Izrɛl go mek wanwɔd. Dɛn go pik wan edman ɛn dɛn ɔl go bɛtɛ na di land bikɔs da de de go bi big de na Jɛzril.

Jɛrimaya 50:4

“PAPA GƆD se, dɛn tɛm dɛn de, di pipul dɛm na Izrɛl ɛn di pipul dɛm na Juda go jɔyn togɛda, de kray de kam; ɛn dɛn go luk fɔ PAPA GƆD we na dɛn Gɔd.

Jɛrimaya 23:8

bɔt go de se, ‘Wans PAPA GƆD de we pul Izrɛl in jɛnareshɔn dɛm ɛn de bifo dɛn fɔ kɔmɔt na di nɔt kɔntri, ɛn ɔl di kɔntri dɛm we i bin dɔn drɛb dɛm go.’ Da tɛm de, dɛn go tap na dɛn yon land.”

Jɛrimaya 16:15

bɔt dɛn go se, ‘Wans PAPA GƆD de, PAPA GƆD we pul di Izrɛlayt dɛn kɔmɔt na di nɔt kɔntri, ɛn ɔl dɛn difrɛn kɔntri we in bin dɔn drɛb dɛn go.’ Bikɔs a go briŋ dɛm kam bak na dɛn yon land we a bin dɔn gi dɛn fɔstɛmpapa dɛm.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Zɛkaraya 10:6

I se i go mek di pipul na Juda in fambul layn gɛt trɛnk ɛn i go sev di wan dɛn we de na Izrɛl. I se i go briŋ dɛn kam bak bikɔs i de sɔri fɔ dɛn ɛn dɛn go tan lɛk i nɔ wande lɛf dɛn to dɛnsɛf. I se in na PAPA GƆD so i go ansa dɛn.

Ozie 11:12

PAPA GƆD se Ifrem dɔn de lay pan am gbay ɛn Izrɛl in jɛs de mek am ful; bɔt Juda in de du wetin PAPA GƆD we Oli want ɛn so PAPA GƆD stil de wit dɛn.

Jɛrimaya 50:20

PAPA GƆD se, dɛn dez dɛn de ɛn da tɛm de, dɛn go luk fɔ sin na Izrɛl, bɔt dɛn no go fɛn natin; dɛn go luk fɔ sin na Juda bɔt dɛn nɔ go fɛn natin; bikɔs a go fɔgiv di wan dɛm we a nɔ go kil.

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 7:7

a go mek una tap na ya, dis land we a bin dɔn gi una fɔstɛm-papa dɛm sote go.

Jɛrimaya 50:5

Dɛn go aks fɔ di rod fɔ go Zayɔn, ɛn dɛn go tɔn dɛn fes de, de se, “Una kam lɛ wi jɔn wisɛf to PAPA GƆD wit wan Kɔvinant we go de sote go we nɔbɔdi nɔ go ɛva fɔgɛt.’

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’

Zɛkaraya 2:6

PAPA GƆD se i fɔ rɔnawe go na di nɔth bikɔs in PAPA GƆD dɔn mek i de ɔlsay lɛkɛ di fo kayn briz we de blo na ɛvin.

Jɛnɛsis 12:7

PAPA GƆD apia to Ebram, dɔn i tɛl am se, “Na dis kɔntri a go gi yu ɛn yu jɛnareshɔn dɛn.” So Ebram bil ɔlta fɔ wɔship PAPA GƆD na da ples de usay i bin apia to am.

Ayzaya 43:5

Nɔ fred, bikɔs a de wit yu A go briŋ yu pikin dɛm kɔmɔt na di ist ɛn a go gɛda yu kɔmɔt na di wɛst;

Ayzaya 43:6

A go tɛl di nɔt se, Sɔrɛnda, ɛn di sawt se, nɔ ol dɛm; briŋ mi bɔypikin dɛn kɔmɔt fawe kam ɛn mi gyal pikin dɛm kɔmɔt usay di wɔl tap,

Ozie 2:2

“Beg una mama fɔ mi duya bikɔs in nɔto mi wɛf, ɛn mi nɔto in man– mek i lɛf fɔ rare, ɛn fɔgɛt bɔt di man dɛn we i dɔn kip.