Jɛrimaya 3:17 - Krio Fɔs Oli Baybul

¹⁷ Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Jɛrimaya 3:17 Referans Kwoze

Izikɛl 43:7

ɛn i tɛl mi se, “Mɔtalman, na ya mi tron de, ɛn na di ples we mi ɔndafut dɛn de, usay a go tap midul di Izrɛl pipul so te go. Ɛn di Izrɛl pipul nɔ go dɔti mi oli nem igen igen; dɛm o, dɛn kiŋ dɛm o, dɛn rare layf o, ɛn dɛn kiŋ dɛn dedebɔdi dɛm o, nɔ go dɔti mi nem igen

Jɛrimaya 17:12

Wan gloriɔs tron we de pantap mawnten frɔm di biginin, na di ples we wi fɔ pre to PAPA GƆD.

Zɛkaraya 2:11

PAPA GƆD se da tɛm de bɔku dɛn ɔda neshɔn go go ɔnda in rul ɛn insɛf go tap midul dɛn, dɔn dɛnsɛf go bi in pipul dɛn ɛn ɔlman go no se na PAPA GƆD sɛn am.

Jɛrimaya 11:8

Stil dɛn nɔ du am ɔ ivin lisin, bɔt dɛn ɔl du di traŋayes tin we dɛn ivul at tɛl dɛn fɔ du. Na dat mek a dɔn tɛl dɛn di kayn pɔnishmɛnt we di Kɔvinant we a bin kɔmand dɛn fɔ obe, bɔt dɛn nɔ bin obe, se dɛn fɔ gɛt

Ayzaya 66:20

Ɛn dɛn go briŋ ɔl una brɔda dɛn kɔmɔt na ɔl di neshɔn dɛm lɛk ɔfrin to PAPA GƆD, pan ɔs ɛn pan chariɔt dɛm, insay Karavan ɛn pan dɔŋki ɛn kamɛl go na mi oli mawnten Jerusɛlɛm, jɛs lɛk aw di Izrɛlayt dɛn de briŋ sid ɔfrin na klin plet na PAPA GƆD in os. Na so PAPA GƆD se.

Ayzaya 56:6

“Ɛn di fɔrina dɛn we jɔyn dɛnsɛf to PAPA GƆD, fɔ sav am, fɔ lɛk PAPA GƆD in nem, ɛn fɔ bi in wokman dɛm, ɔlman we de kip di de fɔ blo ɛn rɛst ɛn nɔ de bamfa am, ɛn ol mi Kɔvinant tayt-

Lɛta Fɔ Galeshya 4:26

Bɔt di Jerusɛlɛm we de na ɛvin fri, ɛn da Jerusɛlɛm de tan lɛkɛ wi mama.

Lɛta Fɔ Rom 1:21

Dɛn no Gɔd, bɔt dɛn nɔ de gri fɔ gi am di rɛspɛkt we i fɔ gɛt, ɛn dɛn nɔ de tɛl am tɛnki fɔ ɛnitin we i du. Dɛn ed dɔn miks ɔp ɔltogɛda, dɛn nɔ ebul ɔndastand, so dɛn nɔ no wetin rayt.

Jɛrimaya 31:23

Na dis PAPA GƆD Ɔlmayti we na Izrɛl dɛn Gɔd se: “wan tɛm mɔ, dɛn go yuz dɛn wɔd ya na Juda ɛn in siti dɛm, we a go gi dɛm dɛn jɛntri bak: “PAPA GƆD GO blɛs yu, yu we nainsay yu raychɔsnɛs tap, Yu oli il!’

Jɛrimaya 18:12

“Bɔt dɛn se, ‘Dat na fɔ natin! Wi go du wetin wi dɔn plan ɛn ɔlman go du wetin in traŋayes ɛn ivul at se.

Jɛrimaya 16:12

ɛn bikɔs una dɔn du wɔs pas una fɔstɛmpapa dɛm, bikɔs a si se una ɔl de fala inyon stɔbɔn ɛn ivul we, ɛn nɔ gri fɔ lisin to mi;

Jɛrimaya 14:21

Nɔ luk usay yu nem de bad yay, nɔ disɔna yu tron we ɔlman de prez; duya, mɛmba o ɛn nɔ brok di Kɔvinant we yu mek wit wi.

Jɛrimaya 9:14

bɔt dɔn tek traŋayes du wetin dɛn yon at se, ɛn go wɔship dɛn Beal, jɛs lɛk aw dɛn fɔstɛmapa dɛn lan dɛm.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Ayzaya 66:1

Na dis PAPA GƆD se: “Ɛvin na mi tron ɛn di ath na mi fut rɛst: uskayn os una go bil fɔ mi, ɛn uskayn ples a go tap?

Ayzaya 59:19

So dɛn go fred PAPA GƆD in nem na di wɛst, ɛn in glori kɔmɔt usay di san de rayz; bikɔs I go kam lɛk watasay we di wata de rɔn wit spid, we na PAPA GƆD in briz de push am.

Ayzaya 26:8

Na di rod fɔ yu jɔjmɛnt dɛn wi de wet fɔ yu E PAPA GƆD; wetin wi sol want bad bad wan na fɔ de mɛmba yu nem.

Ayzaya 6:1

Di ia we kiŋ Uzaya day, a si PAPA GƆD sidɔm na tron, ay wan ɛn i bin de pantap ɔltin; di lɔŋ pat pan in klos we de drɛg biɛn, fulɔp di wanol tɛmpul.

Di Sam Dɛm 87:3

Jerusɛlɛm, PAPA GƆD dɔn tɔk fayn tin bɔt yu.

Di Sam Dɛm 78:8

Dat go mek dɛn nɔ fiba dɛn lɔntɛm pipul, we bin traŋayes ɛn gɛt ambɔgin. Dɛn at nɔ bin de to PAPA GƆD, so dɛn nɔ bin bisin bɔt am.

Di Jɔj Dɛm 2:19

Ɛnitɛm we ɛni jɔj day, dɛn kin go bak to di bad tin dɛn we dɛn bin de du; dɛn kin du wɔs pas wetin di wan dɛn we bin de bifo dɛn, bin de du; de sav ɛn butu to ɔda gɔd dɛn. Dɛn nɔ chenj atɔl.

Ditarɔnɔmi 29:29

Mozis tɛl di Izrɛlayt dɛn se, tin dɛn de we PAPA GƆD kip as sikrit, bɔt di tin we i want lɛ dɛn no, i dɔn mek dɛn ɛn dɛn pikin dɛn no dɛm sote go, so dat dɛn ɔl go du wetin dis lɔ se.

Di Nɔmba Dɛm 15:39

Dɛn dɛkɔreshɔn ya fɔ de so dat ɛnitɛm we dɛn luk dɛn, dɛn go mɛmba ɔl wetin PAPA GƆD se ɛn obe dɛn. Dat go mek dɛn nɔ jɛs de fala wetin dɛn at tɛl dɛn fɔ du ɛn wetin dɛn yay sɛf si.

Jɛnɛsis 8:21

We di sakrifays bin de bɔn, in sɛnt bin so fayn dat i mek PAPA GƆD in at gladi, nain i tɔk nain at se, “A nɔ go swɛ di wɔl igen fɔseka wetin mɔtalman de du; a no se frɔm we i smɔl na soso bad tin i de tink bɔt. A nɔ go ɛva pwɛl ɔltin we gɛt layf na dis wɔl, lɛkɛ aw a jɛs du.

Lɛta Fɔ Rom 6:14

Una nɔ fɔ mek sin rul una layf igen, bikɔs una nɔ de ɔnda di lɔ naw, bɔt na di lɛk we Gɔd lɛk una ɛn di sɔri we i sɔri fɔ una de rul una layf naw, pan ɔl we wi nɔ fit fɔ mek Gɔd lɛk wi so ɔ sɔri fɔ wi so.

Izikɛl 1:26

Ɔp na di klawd oba dɛn ed, sɔntin bin de de lɛk tron we fiba dayamɔn, ɛn sɔntin we tan lɛk mɔtalman bin sidɔm na di tin we tan lɛk tron.

Ayzaya 66:18

Bikɔs a no wetin dɛn de du ɛn aw dɛn kin tink, ɛn a de kam gɛda ɔl di neshɔn ɛn difrɛn laŋwej dɛm; ɛn dɛn go kam, ɛn dɛn go si mi glori;

Jɛrimaya 3:19

A bin de tink bɔt aw a go put una wit mi bɔypikin dɛm, ɛn gi una fayn fayn land, prɔpati we fayn pas ɔl dɛn neshɔn dɛn yon. Ɛn a bin tink se una go kɔl mi, Mi Papa, ɛn nɔ go tɔn una bak pan mi.

Jɛrimaya 4:2

ɛn if una swɛ se, ‘Wans PAPA GƆD de,’ fɔseka di tru, fɔ jɔstis sek, ɛn fɔ tretwaka, na da tɛm de ɔl dɛn neshɔn dɛm go blɛs dɛnsɛf insay in nem ɛn na wit in nem dɛn go mek mɔt.”

Jɛrimaya 12:15

Ɛn afta a dɔn rut dɛm kɔmɔt, a go sɔri fɔ dɛm, ɛn a go briŋ dɛn ɔl kam bak, ich to in pipul dɛn, ɛn ich wan, to dɛn land.

Jɛrimaya 12:16

Dɔn, if dɛn go tek tɛm lan fɔ liv di we we mi pipul dɛn liv, fɔ tek mi nem swɛ se, ‘Wans PAPA GƆD de,’ lɛk aw dɛn bin lan mi pipul dɛm fɔ swɛ wit Beal in nem, na da tɛm de dɛn go ebul mek ɔp dɛnsɛf we dɛn de wit mi pipul dɛm.

Jɛrimaya 16:19

E PAPA GƆD, we de gi mi trɛnk ɛn we de protɛkt mi, yu we de kɔba mi we a gɛt trɔbul, na to yu di neshɔn dɛn go kam we go kɔmɔt ɔlsay kan tɔk se: “Dɛn nɔ lɛf natin gi wi fɔstɛmpapa dɛm pas lay lay, wɔtlɛs tin dɛm we nɔ go min natin to dɛm.

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Izikɛl 48:35

Di distans rawnd di siti go bi nayn kilomita. Ɛn di siti in nem, frɔm naw te go, go bi, PAPA GƆD de de.”

Zɛkaraya 8:8

ɛn i go mek dɛn kam tap insay Jerusɛlɛm; da tɛm de, in go lɛ dɛn no se dɛn nain pipul ɛn in na dɛn PAPA GƆD. Ɛn i go sho dɛn aw i fethful ɛn de du tin tret wan.

1 Kiŋ 8:41

“Fɔrina dɛn go de kɔmɔt na fa kɔntri kam na ya bikɔs ɔf wetin dɛn yɛri bɔt yu;

Di Sam Dɛm 102:23

Di tɛm we mi na yɔŋbɔy, PAPA GƆD mek a fiba olpa; trɛnk nɔ de dɔn i mek a go day kwik.