Jɛrimaya 3:16 - Krio Fɔs Oli Baybul

¹⁶ Ɛn wɛn una dɔn mɔltiplay ɛn grow na di land, PAPA GƆD se, una nɔ go se, “PAPA GƆD in Ak ɔf di Kɔvinant” igen. I nɔ go kam na una maynd ɔ una nɔ go mɛmba am, ɔ mis am; una nɔ go mɛk am igen.

Jɛrimaya 3:16 Referans Kwoze

Izikɛl 37:26

A go mek wan pis Kɔvinant wit dɛm; i go bi Kɔvinant wit dɛn we go de so te go; ɛn a go blɛs dɛm ɛn ad mɔ ɛn mɔ pan dɛm, ɛn a go put mi ples we dɛn de pre to mi, midul dɛm, fɔ ɛva ɛn ɛva, so te go

Ayzaya 65:17

A mek nyu skay ɛn nyu wɔl; ɛn nɔbɔdi nɔ go mɛmba di fɔstɛm tin dɛm ɔ ivin kam na dɛn maynd.

Matyu 3:9

Una nɔ fɔ fil se, we Ebraam na una grampapa papa dat go mek Gɔd nɔ pɔnish una. A de tɛl una se Gɔd kin tek dɛn ston ya sɛf tɔn dɛn to Ebraam in grampikin pikin dɛm!

Jɛrimaya 31:8

A de tɛl una, a go briŋ dɛn kam kɔmɔt na di nɔt kɔntri, ɛn gɛda dɛm kɔmɔt na di say we far pas ɔl na dis wɔl, ɛn di blɛnyay ɛn di wan dɛn we lem go de pan dɛm, togɛda wit dɛn bɛlɛuman dɛm ɛn di wan dɛn we de lebɔ; dɛn go kam bak as plɛnti plɛnti pipul.

Jɛrimaya 30:19

Nainsay dɛm, tɛl PAPA GƆD tɛnki siŋ, dɛn go kɔmɔt, ɛn dɛn wan dɛm vɔys we gladi. A go mek dɛn plɛnti, ɛn dɛn nɔ go bi tu tri nɔmɔ; A go mek dɛm gɛt rɛspɛkt, ɛn dɛn nɔ go smɔl.

Ayzaya 61:4

Dɛn go bil dɛn ol ol ples we bin dɔn brok brok, dɛn go bil na say dɛn we bin dɔn pwɛl pwɛl bad bad wan; dɛn go mek di siti dɛn we bin dɔn pwɛl bak, we bin dɔn pwɛl bad bad wan lɔlɔntɛm.

Ayzaya 60:22

Di las wan go bi ɛkstɛndɛd famili, ɛn di wan we smɔl pas ɔl go bi wan big big neshɔn; Mi na PAPA GƆD; we di tɛm rich, A go mekes du am.

Matyu 1:11

Josia bɔn Jɛoya kin ɛn ɔda bɔy pikin dɛn we na Jɛoya kin in brɔda dɛn. Josia bin bɔn dɛn pikin ya di tɛm we dɛn bin kɛr di Izrɛl pipul dɛn go Babilɔn go mek dɛn slev.

Zɛfinaya 3:11

I se, da tɛm de dɛn nɔ go gɛt fɔ shem fɔ we dɛn bin mek lɛk rebɛl pan am, bikɔs in go pul ɔl di wan dɛn we bin de kak kɔmɔt midul dɛn. Dɔn di ɔda wan dɛn nɔ go gɛt chans fɔ de kak, bikɔs dɛn go de nain oli mawnten.

Emɔs 9:9

“A go gi ɔda ɛn shek di pipul na Izrɛl lɛkɛ sid na shifta. A go shifta dɛn ɔl ɛn pul ɔl di wan dɛn we na yuslɛs mɔtalman.

Jɛrimaya 31:27

PAPA GƆD se, “Di de de kam, we a go plant mɔtalman sid ɛn animal sid na Izrɛl ɛn Juda.

Jɛrimaya 7:4

Una nɔ abop pan dɛn wɔd dɛn ya we dɛn de tek mek una fil se na tru tin dɛn de du: ‘Dis na PAPA GƆD in Tɛmpul, PAPA GƆD in tɛmpul, PAPA GƆD in tɛmpul.’

Jɛrimaya 3:17

Da tɛm de, dɛn go kɔl Jerusɛlɛm, PAPA GƆD in tron, ɛn ɔl di difrɛn neshɔn gɛda de fɔ wɔship PAPA GƆD na Jerusɛlɛm, ɛn dɛn nɔ go stɔbɔn de du wetin dɛn ivul at dɛn se.

Izikɛl 15:5

Bɔt we i bin de wanol wan, i nɔ bin yusful: aw naw we faya dɔn bɔn am ɛn i dɔn blak, dɛn go want am fɔ mek ɛnitin!