Jɛrimaya 3:15 - Krio Fɔs Oli Baybul

¹⁵ “Ɛn a go gi una shɛpad dɛn we a lɛk, we go fid una wit sɛns ɛn sabi.

Jɛrimaya 3:15 Referans Kwoze

Jɛrimaya 23:4

A go put shɛpad dɛn oba dɛm, we go luk afta dɛm, ɛn dɛn nɔ go fred igen ɛn dɛn nɔ go pwɛlat, ɛn dɛn nɔn nɔ go lɔs, na so PAPA GƆD se.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Izikɛl 34:23

Ɛn a go put wan shɛpad, mi savant Devid, oba dɛm: ɛn i go fid dɛm; i go fid dɛm ɛn bi dɛn shɛpad.

Prɔvabs 10:21

Wɛn gud pɔsin de tɔk, plɛnti pipul de bɛnifit, bɔt fulman de day bifo in tɛm, fɔ in ful.

1 Kɔrint 2:6

Fɔ tru, wetin wi de tɔk na sɛns to dɛn wan we dɔn go fa pan di Spirit yon we. Dis sɛns ya nɔto da kayn sɛns we mɔtalman gɛt, ɛn nɔto di sɛns we dɛn wan we de na pawa lɛk fɔ gɛt. Dɛn pipul we gɛt pawa na dis wɔl naw, dɛn pawa sɛf gɛt fɔ dɔn.

Izikɛl 37:24

“Mi savant Devid go bi kiŋ oba dɛm; ɛn dɛn ɔl go gɛt wangren shɛpad. Dɛn go fala mi ɔda dɛn ɛn kiaful fɔ du mi lɔ dɛm.

Lyuk 12:42

Jizɔs ansa se, “Udat na di bɔy we tru to in masta ɛn we gɛt sɛns? Na di bɔy dat we di masta go mek edman oba di ɔda bɔy dɛn fɔ de gi dɛn it ɛn fɔ de sho dɛn ɔl wetin dɛn fɔ du.

Pita In Fɔs Lɛta 2:2

Una fɔ tan lɛkɛ bebi we jɛs bɔn, we want milk ɔltɛm; na so unasɛf fɔ want fɔ yɛri Gɔd in wɔd, ɔltɛm; i go mek una gro if una drink am ɔltɛm, dat min se una go no mɔ ɛn mɔ bɔt Gɔd ɛn una go gɛt layf ya we go de sote go na ɛvin.

1 Samiɛl 13:14

Bɔt naw i nɔ gɛt fɔ bi so; PAPA GƆD dɔn fɛn di kayn man we go du wetin i want ɛn dɔn pik am fɔ bi kiŋ bikɔs yu nɔ du wetin PAPA GƆD se.”

Jɛrimaya 31:10

“Una yɛri PAPA GƆD in wɔd, una di neshɔn dɛm, ɛn anawns am na di land dɛn we de nia wata we de fawe; se, ‘In we skata Izrɛl go gɛda am, ɛn i go mɛn am lɛkɛ aw shɛpad de mɛn in ship.’

Izikɛl 34:2

“Mɔtalman, prɔfisay agens di Izrɛl shɛpad dɛm, prɔfisay ɛn se to dɛm, na dis PAPA GƆD se: Ivin to di shɛpad dɛm, O Izrɛl shɛpad dɛm we bin jɛs di fid unasɛf? Nɔ to di ship dɛn shɛpad dɛn fɔ fid?