Jɛrimaya 3:14 - Krio Fɔs Oli Baybul

¹⁴ PAPA GƆD se, una tɔmbak kam to mi bikɔs mi na una masta; A go tek wan wan pɔsin na ich siti, ɛn tu tu na ich famili ɛn a go briŋ una kam Zayɔn.

Jɛrimaya 3:14 Referans Kwoze

Jɛrimaya 2:19

PAPA GƆD Ɔlmayti se, una wikɛdnɛs go pɔnish una, ɛn di fɔsek we una fɔsek mi go jɔj una. Una no ɛn si se na bad bad ɛn bita tin fɔ una fɔ fɔsek PAPA GƆD we na una Gɔd; una nɔ rɛspɛkt mi wan.

Jɛrimaya 31:32

i nɔ go tan lɛk di Kɔvinant we a bin mek wit dɛn fɔstɛmpapa dɛm, we a bin ol dɛn an pul dɛn kɔmɔt Ijipt, mi Kɔvinant we dɛn brok, ɔlwe mi na bin dɛm man. Na so PAPA GƆD se.

Ayzaya 54:5

Bikɔs yu meka na yu man, we na PAPA GƆD Ɔlmayti nain nem; ɛn na di Oli Wan na Izrɛl na yu Ridima, we dɛn kɔl, di Gɔd fɔ di wanol wɔl.

Jɛrimaya 23:3

Dɔn a go gɛda di wan dɛn we lɛf pan mi ship dɛm kɔmɔt na ɔl di difrɛn kɔntri dɛm we a dɔn drɛb dɛm go, ɛn a go briŋ dɛm kam bak na dɛn os, ɛn dɛn go ebul bɔn ɛn dɛn go plɛnti.

Jɛrimaya 3:8

I bin si se, fɔ ɔl di adɔltri we dawande, we na Izrɛl we nɔ gɛt feth, bin kɔmit, a bin dɔn dayvɔs am; pan ɔl dat, da in fɔls sista nɔ bin fred, insɛf go mek insɛf rare gyal.

Jɛrimaya 2:2

“Go anawns na Jerusɛlɛm lɛ ɔlman yɛri, se, Na so PAPA GƆD se, A mɛmba aw una nɔ bin tek mi mek jok we una bin yɔŋ, di lɛk we una bin lɛk mi lɛk nyu yawo, aw una bin de biɛn mi na di dray ɛn ɛmti ples, land we dɛn nɔ plant wande.

Ayzaya 10:22

Ɔl we una pipul dɛn we na Izrɛl, plɛnti lɛk sansan na si, na di wan dɛn we go lɛf pan dɛn go kam bak. I dɔn bi lɔ se dɛn fɔ nyakanyaka dɛm ɛn pasmak ɛvidɛns de se na so i fɔ bi.

Ayzaya 6:13

Ɔlwe na tɛn pasɛnt go stil tap de, dɛn go bɔn am bak, lɛk dɛn tɛrɛbin tik ɔ kɔtintri, we di af kin stil tinap de we dɛn kɔt di tik.” Na di oli sid nain stɔmp.

Lɛta Fɔ Rom 9:27

Ayzaya tɔk bɔt di Ju pipul dɛn na Izrɛl se, “Ilɛk di Ju pipul dɛn na Izrɛl bɔku lɛkɛ sansan we de na sanbich, na sɔm pan dɛn nɔmɔ Gɔd go sev,

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Ayzaya 17:6

PAPA GƆD we na Izrɛl dɛn Gɔd insay se, af af go lɛf de lɛk we dɛn shek ɔliv tik tu tri bɛri kin lɛf na di branch we ay pas ɔl, fo ɔ fayv kin lɛf na di frut tik in branch dɛn.

Ayzaya 1:9

If PAPA GƆD Ɔlmayti, nɔ bin lɛf tu-tri pan wi we nɔ day, wi bin fɔ dɔn tan lɛk Sɔdɔm, ɛn bi lɛk Gɔmɔra.

Ayzaya 31:6

Una dɛn Izɛrlayt dɛn, una put at bak to di wan we una bin dɔn tɔn una bak pan ɛn nɔ gɛt natin fɔ du wit am.

Ayzaya 57:17

Fɔseka di sin we i kɔmit we i de milɛ pipul, a bin vɛks, so a pɔnish am, a ayd mi fes ɛn a bin veks; bɔt i stil bin de bakslayd we i de du wetin in at tɛl am.

Jɛrimaya 3:12

Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Jɛrimaya 29:14

una go fɛn mi ɛn a go gi una ɔl una jɛntri bak ɛn gɛda una kɔmɔt na ɔl di neshɔn dɛn ɛn ɔl di ples dɛn we a bin dɔn drɛb una go, ɛn a go briŋ una bak na di ples we a drɛb una kɔmɔt go ɛgzayl. Na so PAPA GƆD se.

Jɛrimaya 31:6

Bikɔs tɛm go kam we dɛn wachman dɛm go ala kɔl ɔlman na di il kɔntri na Ifrem se: ‘Una grap, lɛ wi go ɔp na Zayɔn, to PAPA GƆD we na wi Gɔd.’”

Jɛrimaya 31:12

Dɛn go kam ɛn siŋ lawd lawd wan na di mawnten dɛn na Zayɔn, dɛn go gladi fɔseka di gud tin dɛn we PAPA GƆD de du fɔ dɛm, fɔseka di rɛs, di wayn ɛn di ɔyl, ɛn fɔseka di pikin ship ɛn kaw; dɛn layf go tan lɛkɛ gadin we dɛn dɔn wata, ɛn dɛn nɔ go lɛf to dɛnsɛf igen.

Ozie 5:15

A go kam bak na ya sote dɛn ebul fɔ gri se dɛn dɔn sin ɛn lɛf fɔ du bad ɛn kam bak to mi wɛn tin dɔn mɔna dɛn na da tɛm de dɛn go want fɔ kam bak.

2 Kronikuls 30:6

So mɛsenja dɛm waka go ɔlsay na Izrɛl ɛn Juda wit di kiŋ ɛn di Prins dɛn lɛta aw di kiŋ kɔmand am se, “Du ya una Izrɛl pipul dɛm tɔn bak to PAPA GƆD, Ebraam, Ayzak ɛn Izrɛl dɛn Gɔd mek i go tɔn in fes bak to di balans pan una we dɔn ɛskep di Asinya kiŋ dɛn an.

Ayzaya 27:12

Da tɛn de, frɔm Riva Yufretis to Ijipt Watasay, PAPA GƆD go mas mas ɛn pul di rɛs, ɛn i go gɛda una wan ay wan, una di pipul dɛn na Izrɛl.

Ayzaya 44:22

A dɔn swip di bad tin dɛn we yu dɔn du, go lɛk klawd, ɛn yu sin dɛn lɛk dyu; tɔn bak kam to mi, bikɔs a dɔn sev yu.

Ayzaya 55:7

lɛ wikɛd pɔsin lɛf fɔ du bad, ɛn di pɔsin we nɔ de waka tret na PAPA GƆD in yay, chenj di we we i de tink; mek i tɔn bak go to PAPA GƆD, mek i go sɔri fɔ am, dat na to wi Gɔd, bikɔ i go padin am fɔ ɔltin.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.