Jɛrimaya 3:13 - Krio Fɔs Oli Baybul

¹³ Una jɛs gri nɔmɔ se una gilti, se una dɔn tɔn una bak pan PAPA GƆD we na una Gɔd ɛn skata una lɔv to trenja dɛn ɔnda ɔl dɛn grin tik dɛm ɛn una nɔ obe mi kɔmandmɛnt dɛm.

Jɛrimaya 3:13 Referans Kwoze

Jɛrimaya 3:25

Lɛ wi lidɔm pan wi shem, ɛn lɛ wi disrɛspɛkt kɔba wi; bikɔs wi dɔn kɔmit sin agens PAPA GƆD we na wi Gɔd, wi ɛn wi papa dɛm, frɔm we wi yɔŋ, te tide; ɛn wi nɔ dɔn obe PAPA GƆD we na wi Gɔd in vɔys.”

Jɛrimaya 3:6

PAPA GƆD tɛl mi dyurin di tɛm we Josaya na bin kiŋ, se, “Yu dɔn si wetin i du, dawande we nɔ gɛt feth, we nem Izrɛl, aw i bin go ɔp ɔl dɛn ay il ɛn ɔnda ɔl dɛn grin tik, de biev lɛk rare gyal?

Jɛrimaya 2:25

Una nɔ de mas grɔn wit una ɛmti fut ɛn una nɔ de gri mek tɔsti mek yu trot dray. Bɔt una se; ‘Na fɔ natin, bikɔs a dɔn lɛk trenja dɛn, ɛn na dɛn a de wit.

Ditarɔnɔmi 12:2

I tɛl di Izrɛlayt dɛn se we dɛn go na di land, dɛn fɔ brok brok ɔl usay di pipul dɛn we bin de de bin de wɔship dɛn gɔd dɛn; i lɛk na ɔp mawnten, dɔŋ vali ɔ ɔnda tik dɛn de,

Jɛrimaya 3:2

Es yu yay luk di ɛmti mawnten dɛm ɛn si! Usay de we yu nɔ dɔn rare? Yu dɔn sidɔm nia di rɔd de wet fɔ yu lɔva dɛm, lɛkɛ dɛn Arab na di dray ɛn ɛmti ples. Yu dɔn mek di land dɔti na PAPA GƆD yay wit yu rare gyal biznɛs.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Izikɛl 16:15

“Bɔt una bin biliv pan una fayn we una fayn, ɛn biev lɛk rare gyal fɔseka di femɔs we una bin femɔs, ɛn sɛl unasɛf to ɛnibɔdi we bin de pas.

Jɛrimaya 14:20

E PAPA GƆD, wi gri se wi dɔn du bad ɛn wi gri se wi fɔstɛmpapa dɛn bin kɔmit sin, bikɔs wi dɔn sin to yu.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Nɛimaya 9:2

Di wan dɛn we dɛn na bɔn Izrɛlayt sɛpret dɛnsɛf frɔm di ɔda wan dɛn. Dɛn tinap usay dɛn bin de ɛn kɔnfɛs dɛn sin ɛn di sin dɛn we dɛn pipul bin dɔn kɔmit.

Ayzaya 57:5

una we de de gɛt filin bad wan fɔ fala uman usay dɛn big tik dɛn de, ɔnda ɔl dɛn grin tik; una we de kil una pikin dɛn na dɛn vali dɛn, ɔnda di say we dɛn big rɔk plit?

Jɛrimaya 14:10

Na dis PAPA GƆD se kɔnsanin dɛn pipul ya: “Na so dɛn dɔn lɛk fɔ de rɔnawe pan mi, dɛn nɔ de kɔntrol dɛn fut; fɔseka dat, PAPA GƆD nɔ go aksɛpt dɛm, naw, i go mɛmba dɛn sin dɛm ɛn pɔnish dɛm fɔseka dɛn sin dɛm.”

Ozie 5:15

A go kam bak na ya sote dɛn ebul fɔ gri se dɛn dɔn sin ɛn lɛf fɔ du bad ɛn kam bak to mi wɛn tin dɔn mɔna dɛn na da tɛm de dɛn go want fɔ kam bak.

Jɛrimaya 7:24

Bɔt dɛn nɔ obe mi ɛn nɔ ivin pe atɛnshɔn to mi, bɔt dɛn bin de du wetin dɛn maynd tɛl dɛm ɛn wetin dɛn stɔbɔn at dɛn se, ɛn bin jɛs de go biɛn; dɛn nɔ go bifo wan stich.

Jɛrimaya 7:26

pan ɔl dat, dɛn nɔ yɛri mi wɔd ɔ pe atɛnshɔn to mi, bɔt dɛn kɔk dɛn yes. Dɛn du wɔs tin pas dɛn fɔstɛmpapa dɛm.