Jɛrimaya 3:12 - Krio Fɔs Oli Baybul

¹² Go anawns to di pipul dɛn na di nɔt, se PAPA GƆD se, ‘Tɔn bak kam to mi, yu Izrɛl we nɔ gɛt feth. PAPA GƆD se, A nɔ go vɛks pan una igen bikɔs Mi na Gɔd we de sɔri fɔ pipul; A nɔ go vɛks igen igen

Jɛrimaya 3:12 Referans Kwoze

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Di Sam Dɛm 86:15

Bɔt yu PAPA GƆD, na PAPA GƆD we nays ɛn gɛt sɔri-at, yu nɔ gɛt wamat ɛn di beberebe lɔv we yu gɛt fɔ wi nɔ de chenj, dɔn bak, yu nɔ de kɔmɔt biɛn wi.

Jɛrimaya 33:26

datɛnde, a bin fɔ pul an pan Jekob ɛn Devid we na mi wokman dɛn disɛndant dɛm, ɛn a nɔ go pik wan pan in disɛndant dɛn fɔ rul Ebram, Ayzak ɛn Jekob dɛn sid. Bikɔs a go gi dɛm dɛn jɛntri bak, ɛn a go sho dɛn masi.”

Jɛrimaya 31:20

Na Ifrem na mi bɔypikin we we a lɛk? Naim na mi pikin we a lɛk bad bad wan? Bikɔs, ɔltɛm we a de tɔk bad bɔt am, A stil de mɛmba am. Fɔseka dat, mi at stil de fil fɔ am; A go sɔri fɔ am fɔ tru tru. Na so PAPA GƆD se.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 3:18

Dɛn tɛm dɛn de, di Juda fambul go jɔyn wit di Izrɛl fambul, ɛn una go kɔmɔt na di land na di nɔt togɛda, go na di land we a bin gi una fɔstɛmpapa dɛm as dɛn yon prɔpati.

Jɛrimaya 30:11

PAPA GƆD se, bikɔs a de wit yu fɔ sev yu; A go nyakanyaka ɔl di neshɔn dɛm we a skata una, bɔt as fɔ una, a nɔ go nyakanyaka una. A go disiplin una bay aw una de biev, ɛn natin nɔ go mek a nɔ pɔnish una.

Jɛrimaya 23:8

bɔt go de se, ‘Wans PAPA GƆD de we pul Izrɛl in jɛnareshɔn dɛm ɛn de bifo dɛn fɔ kɔmɔt na di nɔt kɔntri, ɛn ɔl di kɔntri dɛm we i bin dɔn drɛb dɛm go.’ Da tɛm de, dɛn go tap na dɛn yon land.”

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 3:5

I go vɛks pan mi sote go, I go stɔbɔn sote go?’ Luk, yu dɔn tɔk am, bɔt una dɔn du ɔl di ivul tin dɛn we una ebul du.”

Di Sam Dɛm 145:8

PAPA GƆD gud ɛn i gɛt sɔri-at, i nɔ de vɛks kwik ɛn in lɔv beberebe.

Di Sam Dɛm 86:5

Yu na gud PAPA GƆD ɛn yu de fɔgiv yu de sho yu lɔv we nɔ de chenj to ɔl udat lɛk fɔ pre to yu.

2 Kiŋ 18:1

Di ia we mek Ila in bɔypikin we na Oshia tri ia as kiŋ na Izrɛl, na da ia de Eaz in bɔypikin Ɛzikaya bi kiŋ na Juda.

2 Kiŋ 17:23

na dat dɛn bin de pan te PAPA GƆD drɛb dɛn kɔmɔt bifo am; ɛn i bin dɔn tɛl in prɔfɛt dɛn fɔ wɔn dɛn. Na so di Izrɛlayt dɛn tek kɔmɔt go Ɛgzayl na Asiria ɛn na de dɛn de te tide.

Ditarɔnɔmi 30:2

I se if dɛn ɛn dɛn jɛnareshɔn gri fɔ obe PAPA GƆD we na dɛn PAPA GƆD, ɛn tɔn bak go to PAPA GƆD we na dɛn PAPA GƆD wit ɔl dɛn at ɛn sol;

Ozie 6:1

Una kam mek wi go bak to PAPA GƆD. Nain dɔn nyamanyama wi so i go gɛda wi bak; i dɔn wund wi so i go mɛn wi bak.

Izikɛl 39:25

Fɔseka dat, na dis PAPA GƆD se; naw a go gi Jekɔb bak in richis dɛm ɛn a go sɔri fɔ di wanol Izrɛl pipul, ɛn a go jɛlɔs fɔ mi oli nem.

Jɛrimaya 31:8

A de tɛl una, a go briŋ dɛn kam kɔmɔt na di nɔt kɔntri, ɛn gɛda dɛm kɔmɔt na di say we far pas ɔl na dis wɔl, ɛn di blɛnyay ɛn di wan dɛn we lem go de pan dɛm, togɛda wit dɛn bɛlɛuman dɛm ɛn di wan dɛn we de lebɔ; dɛn go kam bak as plɛnti plɛnti pipul.

Jɛrimaya 3:14

PAPA GƆD se, una tɔmbak kam to mi bikɔs mi na una masta; A go tek wan wan pɔsin na ich siti, ɛn tu tu na ich famili ɛn a go briŋ una kam Zayɔn.

Jɛrimaya 3:7

A bin de tɔk na mi at se, ‘dis, we i dɔn du ɔl dɛn tin dɛn ya dɔn, i go kam bak to mi;’ bɔt i nɔ kam bak, ɛn in fɔls sista, Juda, bin si.

Jɛrimaya 3:1

PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Ayzaya 44:22

A dɔn swip di bad tin dɛn we yu dɔn du, go lɛk klawd, ɛn yu sin dɛn lɛk dyu; tɔn bak kam to mi, bikɔs a dɔn sev yu.

Prɔvabs 28:13

Udat ayd in sin nɔ de mek am na layf; bɔt udat kɔnfɛs in sin ɛn lɛf fɔ du bad, PAPA GƆD go sho am masi.

Di Sam Dɛm 103:17

PAPA GƆD go lɛk ɔl udat gɛt fred ɛn rɛspɛkt fɔ am, dɔn i go du gud to dɛn ɛn dɛn jɛnareshɔn sote go,

Di Sam Dɛm 103:8

PAPA GƆD gɛt sɔri-at bad, i nɔ de vɛks kwik bɔt i rɛdi fɔ sho wi aw i lɛk wi.

Di Sam Dɛm 79:5

PAPA GƆD, aw lɔŋ? Yu go vɛks pan wi te go? Aw lɔŋ yu go mek di vɛks we yu vɛks ɛn di jɛlɔs, tan lɛk faya fɔ bɔn wi?

2 Kronikuls 30:9

Bikɔs if una tɔn bak to PAPA GƆD una brɔda dɛm ɛn una pikin dɛm go gɛt sɔri to di wan dɛn we kech dɛm. Ɛn tɔn bak kam na dis ples. Bikɔs PAPA GƆD una Gɔd i de mɛmba ɛn i gɛt sɔri at ɛn i nɔ go tɔn in fes kɔmɔt to una if una tɔn bak to am.

2 Kiŋ 17:6

Di ia we mek Oshia nayn ia as kiŋ, na da ia de Shalmanɛsa kapchɔ Sameria ɛn sɛn ɔl di Izrɛlayt dɛn go na Asiria. I mek dɛn tap na Ala ɛn Gozan we de nia Riva Abɔ, wit dɛn ɔda siti dɛn na Mɛdis

2 Kiŋ 15:29

Di tɛm we Peka bin de rul, Kiŋ Tiglat Pilɛsa na Asiria go kapchɔ Ijɔn, Ebɛl Bɛth Maaka, Janoa, Kedɛsh ɛn Ezɔ. I kapchɔ ɔda ples dɛn lɛkɛ Giliad, Galili ɛn ɔl di ɔda ples na Naftali, ɛn kech ɔl di pipul kɛr dɛn go Asiria.

Jɛnɛsis 4:7

If yu bin du wetin rayt, a nɔ bin fɔ tek yu sakrifays? Bɔt bikɔs yu nɔ du wetin rayt, sin de na yu domɔt de wet fɔ yu, bɔt yu fɔ tray nɔ fɔ kɔmit sin.”

Lɛvitikɔs 26:40

I se if di wan dɛn we lɛf kɔnfɛs dɛn sin dɛn wit dɛn fɔstɛm-papa dɛn sin dɛn, we dɛn bin stil de mek traŋayes ɛn nɔ lisin to am,

Di Sam Dɛm 103:9

PAPA GƆD nɔ de pɔnish pɔsin ɔltɛm, ɛn we i vɛks sɛf, i nɔ de vɛks sote go.

Jɛrimaya 11:6

Nain PAPA GƆD tɛl mi se, “Anawns ɔl dɛn tin ya na di siti dɛn na Juda ɛn na di trit dɛn na Jerusɛlɛm: Yɛri wetin di Kɔvinant se, dɛn du dɛm.

Jɛrimaya 12:15

Ɛn afta a dɔn rut dɛm kɔmɔt, a go sɔri fɔ dɛm, ɛn a go briŋ dɛn ɔl kam bak, ich to in pipul dɛn, ɛn ich wan, to dɛn land.

Lamɛnteshɔn 3:22

na PAPA GƆD in lɛknɛs fɔ mɔtalman we nɔ de dɔn, in sɔri-at nɔ de dɔn atɔl;

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’

2 Kronikuls 29:10

Naw, i de na mi at fɔ mek Kɔvinant wit PAPA GƆD we na Izrɛl dɛn Gɔd, mek in bad bad wamat go kol fɔ wi.

Ayzaya 31:6

Una dɛn Izɛrlayt dɛn, una put at bak to di wan we una bin dɔn tɔn una bak pan ɛn nɔ gɛt natin fɔ du wit am.

Jɛrimaya 31:21

“Una mak rod dɛm fɔ unasɛf, una put tik dɛn fɔ mɛmba di rod fɔ go bak; una mɛmba di rod gud, di rod we una pas go. Kam bak, Yu Izrɛl we na vajin, una tɔn kam bak na una siti dɛm.

Zɛkaraya 1:4

I se dɛn nɔ fɔ tan lɛk dɛn fɔstɛm-papa dɛn we dɛn lɔntɛm prɔfɛt bin de tɛl se lɛ dɛn lɛf di bad tin we dɛn bin de du, bɔt dɛn nɔ lisin ɔ braskitul PAPA GƆD sɛf.