Jɛrimaya 3:1 - Krio Fɔs Oli Baybul

¹ PAPA GƆD se, “If man dayvɔs in wɛf ɛn in wɛf kɔmɔt to am ɛn go mared to ɔda pɔsin, di man go go bak to di uman? Dat nɔ go mek di land dɔti na PAPA GƆD in yay? Yu dɔn bi rare gyal wit bɔku lɔva dɛm, dɔn yu wan kam bak to mi?

Jɛrimaya 3:1 Referans Kwoze

Izikɛl 16:26

Una rare to dɛn Ijipshian dɛn, una neba dɛn we want uman ɔltɛm, we mek una de rare mɔ ɛn mɔ, we de mek a vɛks bad bad wan.

Jɛrimaya 4:1

PAPA GƆD se, “E Izrɛl, If una tɔmbak kam, na mi una fɔ tɔmbak kam to. If una lɛf fɔ du ɔl dɛn bad bad tin dɛn we a nɔ lɛk, ɛn una nɔ dawt,

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Zɛkaraya 1:3

PAPA GƆD se fɔ tɛl di pipul dɛn se, in we na PAPA GƆD Ɔlmayti se dɛn fɔ tɔn bak to am dɔn in we na PAPA GƆD Ɔlmayti go tɔn bak to dɛn.

Ozie 1:2

Wɛn PAPA GƆD bin tɔk to Ozie di fɔs tɛm, PAPA GƆD tɛl am se mek i go fɛn wan rare gyal, mared am ɛn bɔn pikin wit am bikɔs na so Izrɛl de biev we dɛn lɛf PAPA GƆD ɛn nɔ bisin bɔt am.

Izikɛl 33:11

Tɛl dɛn se, as a de livin, PAPA GƆD se, a nɔ de gladi wɛn di wikɛd day, bɔt a go gladi if di wikɛd chenj pan in we ɛn so i go liv; una tɔn bak, tɔn bak frɔm una ivil we dɛm; fɔ wetin fɔ mek una day, O Izrɛl pipul?

Jɛrimaya 4:14

E Jerusɛlɛm, una was wikɛdnɛs kɔmɔt na una at, so dat una go sev. Aw lɔŋ una ivul plan dɛn go de na una at?

Jɛrimaya 3:9

Bikɔs i nɔ de shem fɔ rare, i dɔti di land na PAPA GƆD in yay we i de kɔmit adɔltri de wɔship tik ɛn ston.

Jɛrimaya 2:23

Aw una go se, “A nɔ dɔti na PAPA GƆD in yay, a nɔ de wɔship dɛn lay lay gɔd’? Luk di kayn sin we una de kɔmit na di vali; luk wetin una dɔn du – una tan lɛkɛ yɔŋ kamɛl we nɔ ebul stɛdi, bɔt de waka ɔp ɛn dɔŋ na di sem ples,

Di Jɔj Dɛm 19:2

Wande, in switat vɛks go bak nain papa os na Bɛtliɛm we de Juda; i bin de de bɔt fo mɔnt.

Mayka 2:10

I se, dɛn fɔ grap go ɔdasay bikɔs ples nɔ de fɔ dɛn de igen; dɛn dɔn dɔti wata wit dɛn sin ɛn so na pwɛl nɔmɔ PAPA GƆD gɛt fɔ pwɛl di ples.

Jɛrimaya 3:22

“Una kam bak to mi, una dɛn bɔypikin dɛn we nɔ gɛt feth, a go mɛn una mek una go gɛt feth.” “Luk, we dɔn kam to yu; bikɔs yu na PAPA GƆD we na wi Gɔd.

Jɛrimaya 2:7

Ɛn a briŋ una kam na land we plɛnti de fɔ it, mek una go ɛnjɔy di frut dɛm ɛn di gud tin dɛm. Bɔt wɛn una bin kam de, una dɔti di land na mi yay, ɛn mek di tin we a gi una tɔn bad bad tin we a et.

Ayzaya 24:5

Di grɔn nɔ klin na PAPA GƆD in yay, ɔnda di wan we tap pantap am; bikɔs dɛn dɔn brok di lɔ dɛm, dɛn nɔ du wetin PAPA GƆD se, dɛn dɔn brok di Kɔvinant we na fɔ sote go.

Ditarɔnɔmi 22:21

dɛn fɔ pul am kɔmɔt insay in papa in os, briŋ am kam na do, ɛn ston am te i day, bikɔs na shemful tin i bin du we i bin dɔn lidɔm wit man insay Izrɛl we nɔ bin mared am. Mozis tɛl dɛn se na so dɛn go ebul mek di swɛ fɔ dɛn kayn tin dɛn de, kɔmɔt na Izrɛl.

Matyu 5:31

“Dɛn bin tɔk igen se, ‘Ɛni man we pat wit in wɛf, i fɔ rayt pepa gi di uman fɔ sho se dɛn tu dɔn pat.’

Di Sam Dɛm 106:38

Dɛn shɛd dɛn bɔypikin ɛn gyal pikin dɛn blɔd fɔ natin, we dɛn tek dɛn pul sara to dɛn tin we dɛn mek fɔ pre to na Kenan; dɛn mek di ples nɔ fit fɔ mek pɔsin wɔship PAPA GƆD de bikɔs ɔf di blɔd dɛn we wes.

Jɛrimaya 22:20

“Go na Libanɔn, ɛn ala tɛl dɛn, ɛn es yu vɔys na Beshan; tinap na Abarim ala, bikɔs dɛn dɔn kil ɔl yu lɔva dɛm.

Lamɛnteshɔn 1:2

Ebri nɛt, i kin de kray bita bita wan, wata de rɔn dɔŋ in fes. Pan ɔl in lɔva dɛm, nɔn nɔ lɛf fɔ koks am. Ɔl in padi dɛn dɔn ple am wayo, dɛn dɔn tɔn in ɛnimi.

Ozie 2:2

“Beg una mama fɔ mi duya bikɔs in nɔto mi wɛf, ɛn mi nɔto in man– mek i lɛf fɔ rare, ɛn fɔgɛt bɔt di man dɛn we i dɔn kip.

Jɛrimaya 31:22

Aw lɔŋ yu go de dawt, Yu gyal pikin we nɔ gɛt feth? Bikɔs PAPA GƆD dɔn mek nyu tin na di wɔl: uman de gyad man.”

Izikɛl 16:30

“PAPA GƆD aks dɛn se, aw una lɛkman so, bikɔs luk di kayn tin dɛn we una du; di tin dɛn we rare gyal we nɔ gɛt shem igen, kin du;

Izikɛl 16:35

“So yu rare gyal! Yɛri PAPA GƆD in Wɔd: