Jɛrimaya 29:8 - Krio Fɔs Oli Baybul

⁸ Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

Jɛrimaya 29:8 Referans Kwoze

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Jɛrimaya 5:31

di Prɔfɛt dɛm de gi laylay prɔfisi, ɛn dɛn man dɛm we de mek sakrifays fɔ pipul sin, de du wetin dɛn fil; na dat mi pipul dɛn lɛk lɛ de bi, bɔt wetin una go du we di ɛnd go kam?

Sɛkɛn Lɛta To Timoti 3:13

Wikɛd pipul ɛn dɛn wan we de mek pipul ful go de wɔs mɔ ɛn mɔ, dɛn go de mek plɛnti mɔ pipul ful ɛn dɛn go de mek dɛnsɛf ful.

Jɛrimaya 28:15

Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Jɛrimaya 27:9

So una nɔ lisin to una prɔfɛt dɛm, ɔ una lukgrɔn man dɛm, di wan dɛn we se dɛn de drim, di wan dɛn we de tɛl una wetin go apin bambay, ɔ dɛn majikman dɛn we de tɛl una se, ‘Una nɔ fɔ sav di kiŋ na Babilɔn.’

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Rɛvɛleshɔn 19:20

Dɛn kech di wayl bif ɛn di pɔsin we bin de lay se na Gɔd in mɛsej i de tɔk, ɛn we bin de du dɛn tin we bin de mek pipul wɔnda bifo di wayl bif. Na dɛn tin de i bin de tek mek dɛn pipul ful we bin gɛt di wayl bif in mak pan dɛn ɛn we bin de pre to di tin we dɛn mek fɔ tek de mɛmba ɛn rɛspɛkt am. Dɛn trowe di wayl bif ɛn di layman layf wan insay di wata we faya de kech ɛn sɔlfa de bɔn.

Rɛvɛleshɔn 13:14

I mek ɔl di pipul dɛn na wɔl ful wit di tin dɛn we dɛn gi am pawa fɔ du bifo di fɔs wayl bif; dɛn tin ya bin mek pipul wɔnda. Di sɛkɛn wayl bif tɛl ɔl di pipul dɛn na di wɔl se mek dɛn mek sɔntin we dɛn go tek mɛmba ɛn rɛspɛkt di fɔs wayl bif we dɛn bin wund wit sɔd, bɔt nɔ bin day.

Sɛkɛn Lɛta Fɔ Tɛsalonayka 2:3

Mek nɔbɔdi nɔ mek una ful. Di de we di Masta go kam bak nɔ go kam sote di tɛm we plɛnti pipul go tɔn dɛn bak pan Gɔd ɛn sote di wan we de fɛt Gɔd sho insɛf, in we Gɔd go pwɛl ɔltogɛda na ɛl.

Lɛta Fɔ Rom 16:18

Dɛn pipul we de du dɛn kayn tin ya nɔ de du wi Masta Jizɔs Krays in wok, dɛn de wok fɔ satisfay dɛnsɛf nɔmɔ. Dɛn gɛt swit mɔt ɛn dɛn kin tɔk fayn fayn fɔ kɔnfyus dɛn pipul we nɔ no wetin tru.

Lyuk 21:8

Jizɔs se, “Una tek tɛm mek nɔbɔdi nɔ mek una ful bikɔs plɛnti pipul go tek mi nem kam, dɛn go se dɛn na di Mɛsaya ɔ di tɛm we i go kam bak dɔn de klos. Una nɔ fɔ fala dɛn.

Lyuk 6:26

“Waala go kam pan una wɛn ɔlman de tɔk gud bɔt una; na so dɛn grampapa papa dɛn bin du di lay prɔfɛt dɛn.

Matyu 24:24

Bikɔs sɔm pipul go kam we go lay se dɛn na di Mɛsaya ɛn sɔm go kam we go lay se dɛn na prɔfɛt, ɛn dɛn go du plɛnti wɔndaful wok ɛn sho plɛnti sayn, so dat da we de dɛn kin mek dɛn pipul ful we Gɔd dɔn pik fɔ sev, if dɛn ebul du dat.

Zɛkaraya 13:4

Da de de, ɛni prɔfɛt we si vishɔn we fɔ mek i tɔk PAPA GƆD wɔd, go shem fɔ tɔk; i nɔ go wɛr di klos we dɛn kin wɛr fɔ lay pan pipul.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Jɛrimaya 23:21

“A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Lɛta Fɔ Ɛfisɔs 4:14

Da tɛm de wi nɔ go liv lɛkɛ pikin we kin chenj wetin dɛn biliv wɛn dɛn yɛri nyu tin, ɔ wɛn pɔsin mek dɛn ful.

Jɛrimaya 23:27

we de tink fɔ mek mi pipul dɛm fɔgɛt mi nem bay di drim we dɛn de tɛl dɛn kɔmpin, jɛs lɛk aw dɛn fɔstɛmpapa dɛm fɔgɛt mi nem fɔseka Beal?

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 29:1

Na dis Jɛrimaya we na prɔfɛt bin rayt insay di lɛta we i sɛn kɔmɔt Jerusɛlɛm go to di bigman dɛm pan di wan dɛm we bin de ɛgzayl, ɛn to di man dɛm we de mek sakrifays fɔ pipul sin, di prɔfɛt dɛm, ɛn ɔl di pipul dɛm we Nɛbyukadnɛza bin dɔn kɛr go ɛgzayl na Babilɔn, kɔmɔt Jerusɛlɛm.

Jɛrimaya 29:21

‘Na dis PAPA GƆD Ɔlmayti we na Izrɛl dɛn Gɔd, se bɔt Eab we na kolaya in bɔypikin, ɛn Zɛdikaya we na Maasɛya in bɔypikin we de yuz mi nem gi una lay lay prɔfisi: A de tɛl una, A go mek Nɛbyukadnɛza we na kiŋ na Babilɔn, kech dɛm ɛn kil dɛm bifo una.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Jɛrimaya 37:9

Na dis PAPA GƆD se. Una nɔ ful unasɛf de se, “Paopa, di Babilonian dɛn nɔ go atak wi,” bikɔs dɛn nɔ go lɛf una.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Jɛrimaya 29:15

“Bikɔs una dɔn se, ‘PAPA GƆD dɔn mek pipul dɛn prɔfɛt pan wi na Babilɔn,’–