Jɛrimaya 29:7 - Krio Fɔs Oli Baybul

⁷ Du ɔltin fɔ ɛp di siti we a dɔn sɛn una go ɛgzayl, ɛn pre to PAPA GƆD fɔ am, bikɔs na we di siti bɛtɛ, unasɛf go gɛt ɔl wetin una want.

Jɛrimaya 29:7 Referans Kwoze

Ɛzra 6:10

Ɔl dis na fɔ lɛ dɛn go mek sakrifays to di GƆD na ɛvin we go mek i gladi ɛn dɛn go pre fɔ mi ɛn mi bɔypikin dɛn to di GƆD na ɛvin.

Daniɛl 4:27

Ɛn so, duya kiŋ, nɔ vɛks fɔ di advays we a de kam gi yu; lɛf fɔ sin ɛn waka tret wit PAPA GƆD, ɛn tap di wikɛd tin dɛn we yu de du bay aw yu de sɔri fɔ di wan dɛn we dɛn de du bad, bay dat, sɔntɛnde, yu go ɛnjɔy mɔ lɔŋ layf wit kol at.”

Ɛzra 7:23

Una mek shɔ se una provayd ɛnitin we di GƆD na ɛvin want fɔ in os, bikɔs nɔn rizin nɔ de fɔ mek PAPA GƆD vɛks pan di kiŋ we de rul ɛn in bɔypikin dɛn.

Lɛta Fɔ Rom 13:1

Una ɔl fɔ du wetin dɛn wan we de rul na di kɔntri tɛl una fɔ du, bikɔs nɔbɔdi nɔ go gɛt pawa fɔ rul pas Gɔd gi am da pawa de, ɛn na Gɔd put dɛn pipul we de rul, oba una.

Daniɛl 4:19

Daniɛl we nem Bɛlshaza, bin wɔri fɔ sɔn tɛm, bikɔs wetin bin de kam nain maynd bin de mek i fred. Nain di kiŋ se, “Bɛlshaza, nɔ lɛ di drim ɔ in minin mek yu fred.” Bɛlshaza ansa se, “Kiŋ, mek dis drim ya bi fɔ di wan dɛn we nɔ wan si yu ɛn lɛ in minin bi fɔ di wan dɛn we nɔ lɛk yu!

Lɛta Fɔ Rom 13:5

Na dat mek una fɔ du wetin dɛn wan we de rul tɛl una fɔ du. Una nɔ fɔ jɛs du am nɔmɔ bikɔs Gɔd go mek dɛn jɔj ɛn pɔnish una if una nɔ du wetin dɛn tɛl una fɔ du, una fɔ du am bikɔs una no insay una at se, na dat una fɔ du.

Di Sam Dɛm 122:6

Pre fɔ pis na Jerusɛlɛm Fɔ se, “Lɛ ɔl udat lɛk Jerusɛlɛm gɛt pis.

Jɛrimaya 38:4

Nain di bigman dɛn tɛl di kiŋ se, “Lɛ wi kil dis man, bikɔs i de pwɛl di soja man dɛn we lɛf na di siti, ɛn ɔl di pipul dɛn at wit da kayn wɔd de we i de tɛl dɛm. Bikɔs dis man nɔ de mɛmba fɔ di pipul dɛn sefti o, na dɛn day wan i want.”

Izikɛl 11:16

So tɛl dɛn se, “Papa Gɔd we na Gɔd se: ɛn pan ɔl we a dɔn pul dɛn go fawe kɔmɔt nia dɛn neshɔn dɛm, ɛn pan ɔl we a dɔn skata dɛm na di difrɛn difrɛn kɔntri dɛm, a bin stil de wit dɛn fɔ lili wayl na di kɔntri dɛn we dɛn bin dɔn go.’