Jɛrimaya 29:16 - Krio Fɔs Oli Baybul

¹⁶ Na dis PAPA GƆD se bɔt di kiŋ we sidɔm na Devid in tron, ɛn bɔt ɔl di pipul dɛn we tap na dis siti, una fambul dɛn we nɔ bin go ɛgzayl wit una:

Jɛrimaya 29:16 Referans Kwoze

Izikɛl 22:31

Fɔseka dat, a dɔn put mi vɛksteshɔn pan dɛm; a dɔn kil dɛm wit mi wamat in faya; a dɔn pe dɛn bak bay aw dɛn biev. Na dis Papa Gɔd we na Gɔd tɔk se.”

Jɛrimaya 29:3

Na Ilasa we na Shafan in bɔypikin, ɛn Gɛmaria we na Ilkaya in bɔypikin, bin kɛr di lɛta go, dat na Ilkaya we Zɛdikaya we na kiŋ na Juda, bin sɛn to Nɛbyukadnɛza we na kiŋ na Babilɔn. Di lɛta se:

Jɛrimaya 24:2

Wan baskit gɛt gud gud fignɔt, lɛk di fɔs fignɔt dɛn we kin rɛp, bɔt insay di ɔda baskit, na fignɔt dɛn we nɔ gud de de. Dɛn so pwɛl dat pɔsin nɔ go ebul it dɛm.

2 Kronikuls 36:11

Zɛdikaya bin ol twɛnti wan ia we i bi kiŋ ɛn i rul ilɛvin ia na Jerusɛlɛm.

Jɛrimaya 24:8

“Bɔt na dis PAPA GƆD se: Lɛk aw yu si dɛn fignɔt dɛm we so pwɛl dat nɔbɔdi nɔ go ebul it dɛm, na so a go trit Zɛdikaya, we na kiŋ na Juda, in bigman dɛm, di pipul dɛm we kɔmɔt Jerusɛlɛm we lɛf na dis land, ɛn dɛn wan we tap na Ijipt.