Jɛrimaya 29:10 - Krio Fɔs Oli Baybul

¹⁰ “Bikɔs na dis PAPA GƆD se: wɛn sɛvinti ia dɔn fɔ Babilɔn, a go kam to una ɛn go du wetin a prɔmis se a go du fɔ una ɛn briŋ una kam bak na dis ples.

Jɛrimaya 29:10 Referans Kwoze

Zɛkaraya 7:5

Zɛkaraya fɔ aks di pipul na di land ɛn di man dɛn we de mek sakrifays fɔ pipul sin se, in se, if we dɛn bin de fast di nɔmba fayv de na di nɔmba sɛvin mɔnt fɔ sɛvinti ia, if na fɔ in dɛn bin de fast.

Daniɛl 9:2

insay di fɔs ia we i bi kiŋ, mi Daniɛl, bin si insay di buk dɛn, ɔmɔs ia go gɛt fɔ pas bifo Jerusɛlɛm go kan to akɔdin to wetin PAPA GƆD bin tɛl Prɔfɛt Jɛrimaya, ɛn dat na sɛvinti ia.

Jɛrimaya 27:22

PAPA GƆD se, “Dɛn fɔ kɛr dɛm go Babilɔn ɛn dɛn fɔ lib de te di de we Mi go tɔn mi atɛnshɔn to dɛm. Na da tɛm de, a go briŋ dɛm kam bak, ɛn put dɛm bak na dis ples, lɛk aw dɛn bin de.”

Jɛrimaya 25:12

We sɛvinti ia dɔn, a go pɔnish di kiŋ na Babilɔn ɛn da neshɔn de, di chaldian dɛm land fɔ dɛn sin, ɛn mek di land gud fɔ natin sote go. Na so PAPA GƆD se.

Zɛfinaya 2:7

Na nia di watasay de di wan dɛn we nɔ day na Juda in fambul layn go tap, ɛn na de dɛn go go fɔ mɛn dɛn ship ɛn got dɛn. Dɔn na di os dɛn na Ashkɛlɔn, dɛn go de slip ivintɛm. PAPA GƆD, dɛn PAPA GƆD go mɛmba dɛn ɛn gi dɛn ɔl wetin dɛn bin dɔn lɔs bak.

Jɛrimaya 27:7

Ɔl di neshɔn dɛm go sav im, in bɔypikin ɛn in grampikin, sote di tɛm fɔ in yon land kam; datɛnde, bɔku neshɔn dɛm ɛn pawaful kiŋ dɛm go mek am dɛn slev.

2 Kronikuls 36:21

fɔ mek di tin we PAPA GƆD tɔk na Jɛrimaya in mɔt bi sote di land ɛn jɔy in de fɔ blo ɛn rɛst dɛm. Ɔl di tɛm we i lɛf ɛmti ɛn sɔri i kip de fɔ blo ɛn rɛst fɔ mek ɔp sɛvinti ia.

Ruth 1:6

In naw wit in dɔtɛnlɔ dɛn lɛf Moab bikɔs bay da tɛm de, i bin dɔn yɛri se PAPA GƆD dɔn sɔri fɔ in pipul ɛn gi dɛn tin fɔ it.

2 Kronikuls 36:22

Naw insay di fɔs ia we Sayrɔs bi kiŋ na Pashia mek PAPA GƆD in wɔd go bi we i tɔk wit Jɛrimaya in mɔt. I push di spirit pan Sayrɔs di Pashia kiŋ fɔ mek i mek anawnsmɛnt ɔlsay nain kindɔm ɛn rayt am se,

Ɛzra 1:1

Di fɔs ia we Kiŋ Sayrɔs bi kiŋ na Pashia, fɔ lɛ wetin PAPA GƆD bin mek Prɔfɛt Jɛrimaya bin tɔk bi, PAPA GƆD mek Kiŋ Sayrɔs mek lɔ, ɛn mek dɛn rayt am dɔŋ na pepa sɛn am go ɔlɔbɔt nain kindɔm.

Jɛrimaya 25:11

Dis wanol land go tɔn to broko broko ɛn gud fɔ natin ples, ɛn dɛn neshɔn dɛn ya go sav di kiŋ na Babilɔn fɔ sɛvinti ia.

Jɛrimaya 29:28

Bikɔs i dɔn sɛn to wi na Babilɔn, se, “Una go de ɛgzayl lɔŋ; una bil os dɛm ɛn tap pan dɛm, una mek fam ɛn it wetin dɛn bia.” ’”

Jɛrimaya 29:32

fɔseka dat, na dis PAPA GƆD se: A de tɛl una, a go pɔnish Shemaya we kɔmɔt Nɛɛlam ɛn in bɔnshɔ; wan pan in bɔnshɔ nɔ go liv fɔ si di gud tin dɛn we a go du fɔ mi pipul dɛm, bikɔs i dɔn tɔk lɛk rebɛl agens PAPA GƆD. Na so PAPA GƆD se.’”

Jɛrimaya 30:3

PAPA GƆD se, Bikɔs di tɛm de kam we a go gi mi pipul dɛm we na Izrɛl ɛn Juda, dɛn jɛntri bak, ɛn a go briŋ dɛm kam bak na di land we a bin gi dɛn fɔstɛmpapa dɛm, ɛn dɛn go tek am fɔ dɛnsɛf.”

Jɛrimaya 33:14

PAPA GƆD se, ‘Di tɛm de kam we a go du ɔl wetin a prɔmis Izrɛl ɛn Juda.

Zɛkaraya 1:12

Dɛn di enjɛl aks PAPA GƆD if i nɔ go sɔri naw fɔ Jerusɛlɛm ɛn Juda. I se i dɔn vɛks pan dɛn fɔ sɛvinti ia naw.

Ɛzra 1:2

“Dis na wetin Kiŋ Sayrɔs na Pashia tɔk: ‘PAPA GƆD we na GƆD na ɛvin dɔn gi mi ɔl di kindɔm dɛn na di wɔl fɔ rul, ɛn i dɔn gi mi ɔda fɔ bil os fɔ am insay Jerusɛlɛm na Juda.

Di Sam Dɛm 102:14

Yu pipul lɛk di siti pan ɔl we ɔltin dɔn pwɛl; dɛn de sɔri fɔ am as i tan lɛk bɛtɛ nɔ de so dɛn de fil am we in ston dɛn dɔn brok brok de na grɔn lɛk dɔti.

Izikɛl 11:17

So tɛl dɛn se, “Papa Gɔd we na Gɔd se: A go gɛda una kɔmɔt to di difrɛn pipul dɛm, ɛn gɛda una kɔmɔt na di difrɛn kɔntri dɛm we una bin skata go, ɛn a go gi una di land ɔf Izrɛl.’