Jɛrimaya 29:1 - Krio Fɔs Oli Baybul

¹ Na dis Jɛrimaya we na prɔfɛt bin rayt insay di lɛta we i sɛn kɔmɔt Jerusɛlɛm go to di bigman dɛm pan di wan dɛm we bin de ɛgzayl, ɛn to di man dɛm we de mek sakrifays fɔ pipul sin, di prɔfɛt dɛm, ɛn ɔl di pipul dɛm we Nɛbyukadnɛza bin dɔn kɛr go ɛgzayl na Babilɔn, kɔmɔt Jerusɛlɛm.

Jɛrimaya 29:1 Referans Kwoze

Ɛsta 9:20

Mɔdikay rayt ɔl wetin apin dɔŋ ɛn sɛn lɛta to ɔl di Ju dɛn we tap na di prɔvins dɛn we Kiŋ Zaksis de rul, wɛda dɛn de nia ɔ dɛn de fawe,

Di Ibru Pipul Dɛn 13:22

Mi brɔda dɛn, a de beg una, mek una put una at dɔŋ fɔ lisin to wetin a de tɛl una fɔ du; na dat mek dis lɛta we a rayt una nɔ lɔŋ.

Apɔsul Dɛn Wok 15:23

Di chɔch pipul dɛn gi dɛn lɛta fɔ kɛr go; dɛn rayt na di lɛta se, “Wi, di apɔsul dɛn ɛn dɛn chɔch bigman, we na una brɔda dɛn, de sɛn adu to una dɛn pipul we nɔto Ju ɛn we biliv pan Jizɔs, we tap na Antiɔk, Siria, ɛn Silishia.

2 Kɔrint 7:8

If di lɛta we a bin rayt sɛf bin mek una sɔri, a nɔ sɔri we a rayt am. A bin sɔri fɔs we a si se di lɛta mek una sɔri fɔ sɔm tɛm.

Jɛrimaya 28:4

PAPA GƆD Ɔlmayti se, “A go briŋ Jɛkonaya we na Jɛoiakim we na kiŋ na Juda in bɔypikin, ɛn ɔl di wan dɛn we bin kɔmɔt Juda go ɛgzayl, bikɔs a go brok di kiŋ na Babilɔn in pawa.”

Lɛta Fɔ Galeshya 6:11

Una luk di lɔŋ lɛta we a de tek misɛf yon an rayt una.

2 Kiŋ 24:12

Kiŋ Jɛoiakim o, in mama o, in wokman dɛn o, in bigman dɛn o, ɛn ɔl in ɔfisa dɛn an dɛnsɛf oba to Nɛbyukadnɛza. Di ia we mek Nɛbyukadnɛza etin ia we i bi kiŋ na Babilɔn, na da ia de i kapchɔ Jɛoiakim.

2 Kronikuls 36:10

Insay di oli pat pan di ia kiŋ Nebyukadnɛza sɛn fɔ briŋ am kam Jerusɛlɛm wit di prɛshɔs besin dɛm we de na PAPA GƆD in os ɛn mek in brɔda Zɛdikaya kiŋ na Juda ɛn Jerusɛlɛm.

Jɛrimaya 28:17

Ananaya day insay di mɔnt we mek sɛvin da sem ia de.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

Jɛrimaya 29:20

Una yɛri PAPA GƆD in wɔd, una ɔl we a drɛb kɔmɔt Jerusɛlɛm go ɛgzayl na Babilɔn:

Jɛrimaya 51:61

Nain Jɛrimaya tɛl Sɛraya se: wɛn yu rich Babilɔn, si dat yu rid ɔl wetin rayt de,