Jɛrimaya 28:9 - Krio Fɔs Oli Baybul

⁹ As fɔ di prɔfɛt we prɔfisay bɔt pis, we wetin da prɔfɛt de prɔfisay apin, datɛnde ɔlman go no se na PAPA GƆD sɛn da prɔfɛt de fɔ tru.”

Jɛrimaya 28:9 Referans Kwoze

Ditarɔnɔmi 18:22

I se, if wetin di prɔfɛt se nɔ bi, dat min se nɔto PAPA GƆD tɛl am fɔ tɔk wetin i bin tɔk. I se di prɔfɛt bin jɔs tɔk wetin in fil fɔ tɔk, so di pipul dɛn nɔ fɔ fred.

Jɛrimaya 6:14

Dɛn dɔn mɛn mi pipul dɛn wund af ɛn af, we dɛn de se, ‘Una gɛt kolat, una gɛt kolat,’ we wan kolat nɔ de.

Jɛrimaya 14:13

Nain a se; “E, Papa Gɔd we na Gɔd, di prɔfɛt dɛm de tɛl dɛm se, ‘Una nɔ go fɛt wa, ɛn una nɔ go day wit aŋri, bɔt a go mɔs gi una kol at na dis ples,’”

Jɛrimaya 8:11

Dɛn dɔn mɛn mi pipul dɛn wund layt wan, we dɛn de se, ‘kol at, kol at,’ we kol at nɔ de.

Jɛrimaya 4:10

Nain a se, “E PAPA GƆD Ɔlmayti, fɔ tru, yu dɔn disiv dɛn pipul ya ɛn Jerusɛlɛm totali, we yu se, ‘ɔltin go fayn fɔ una’; we i bi se nɛf de na dɛn trot!”

Izikɛl 33:33

Wɛn dis go bi – ɛn i go kam fɔ tru tru! – Na da tɛn de dɛn go no se wan prɔfɛt bin de wit dɛm.”

Ditarɔnɔmi 18:21

Mozis tɛl dɛn se sɔntɛnde dɛn go de wɔnda na dɛn at se aw dɛn go no se na PAPA GƆD se wetin di prɔfɛt dɛn de se.

Ayzaya 44:26

we de pruv wetin in wokman se, ɛn de mek shɔ se wetin in mɛsenja dɛn se, bi; we tɔk bɔt Jerusɛlɛm se, ‘Pɔsin dɛn go tap de,’ ɛn bɔt di siti dɛn na Juda, se, ‘Dɛn go bil dɛn ɛn a go mek ɔl usay brok brok, bak’;