Jɛrimaya 28:8 - Krio Fɔs Oli Baybul

⁸ Dɛn prɔfɛt dɛm we bin dɔn de lɔlɔntɛm bifo yu ɛn mi, bin prɔfisay bɔt wa, bad bad aŋri, ɛn siknɛs pan bɔku bɔku kɔntri dɛm ɛn big big kindɔm dɛm

Jɛrimaya 28:8 Referans Kwoze

1 Kiŋ 22:8

Di kiŋ fɔ Izrɛl ansa Jɛoshafat se wan mɔ prɔfɛt stil de we kin aks PAPA GƆD, we nem Maykaya we na Imla in bɔypikin; i se bɔt in et Maykaya bikɔs wande i nɔ de tɛl am gud tin, pas bad tin. Jɛoshafat tɛl di kiŋ se lɛ i nɔ tɔk so.

1 Kiŋ 17:1

Wan Tishbayt we nem Ilayja we kɔmɔt Tishbɛ na Giliad go to kiŋ Eab ɛn tɛl am se, “As lɔŋ as PAPA GƆD, PAPA GƆD fɔ Izrɛl we nain a de sav de alayv, wan drɔp ren ɔ dyu nɔ go fɔdɔm na ya fɔ di nɛks tu-tri ia te a se so.”

Emɔs 1:2

Emɔs tɔk se: “Di wantɛm ala we PAPA GƆD ala na Mawnt Zayɔn; wit in vɔys na Jerusɛlɛm we tan lɛkɛ tinada, ɔl dɛn grin plant wida, dɛn lif na Mawnt Kamɛl rɔtin.”

Ayzaya 13:18

Dɛn bo dɛn go kil di yɔŋnam dɛm; dɛn nɔ go ivin sɔri sɛf fɔ di bebi we de nain mama bɛlɛ; dɛn nɔ go sɔri fɔ pikin sɛf.

1 Kiŋ 22:17

Maykaya ansa di kiŋ se in si ɔl di Izrɛlayt dɛn skata skata pantap dɛn mawnten lɛkɛ ship we nɔ gɛt pɔsin fɔ gayd dɛn; na de PAPA GƆD tɛl dɛn se dɛn nɔ gɛt gud lida so lɛ ɔlman go bak nain os.

Ayzaya 13:1

Wetin PAPA GƆD se go apin to Babilɔn we Ayzaya, we na Amɔz in bɔypikin, bin si.

Emɔs 1:1

Dis na wetin Emɔs we de mɛn ship we kɔmɔt Tɛkoa tɔk. PAPA GƆD sho ɔl dɛn tin ya to Emɔs bɔt Izrɛl tu ia bifo di athkwek bi, di tɛm we Uzaya na bin kiŋ na Juda, dɔn Jɛroboam we na Jɛoash in bɔypikin na bin kiŋ na Izrɛl.

Jona 3:1

Afta dat PAPA GƆD tɔk to Jona ɛn sɛn am di sɛkɛn tɛm.