Jɛrimaya 28:5 - Krio Fɔs Oli Baybul

⁵ Nain Jɛrimaya we na prɔfɛt tɔk to Ananaya we na prɔfɛt bifo ɔl di man dɛm we de mek sakrifays fɔ pipul sin, ɛn ɔl di pipul dɛm we bin tinap insay PAPA GƆD in os;

Jɛrimaya 28:5 Referans Kwoze

Jɛrimaya 28:1

Insay da sem ia de, we Zɛdikaya we na kiŋ na Juda bin bigin rul, na di mɔnt we mek fayv, insay di ia we mek fo, Ananaya we na Azɔ, we na di prɔfɛt we kɔmɔt Gibɛɔn, in bɔypikin, tɔk to mi insay PAPA GƆD in os, bifo di man dɛm we de mek sakrifays fɔ pipul sin ɛn ɔl di pipul dɛn, se,

Jɛrimaya 26:2

“Na dis PAPA GƆD se: tinap na PAPA GƆD in yad nain os ɛn tɛl ɔl di pipul dɛn, we kɔmɔt na di siti dɛm na Juda, we kam wɔship na PAPA GƆD in os, ɔltin we a bin kɔmand yu fɔ tɛl dɛm; nɔ lɛf wan wɔd.

Jɛrimaya 19:14

Nain Jɛrimaya kɔmɔt na Tɔfɛt, usay PAPA GƆD bin sɛn am fɔ go prɔfisay, ɛn tinap na di yad na PAPA GƆD in os, ɛn tɛl ɔl di pipul dɛn se:

Jɛrimaya 7:2

“Tinap na di get na PAPA GƆD in os ɛn anawns to di pipul dɛn se, Una yɛri wetin PAPA GƆD se, una ɔl di man dɛm na Juda we de pas na dɛn get ya kam insay fɔ kam wɔship PAPA GƆD.

1 Kronikuls 3:19

Pɛdaya in yon bɔypikin dɛm: Zerubabɛl ɛn Shimɛi; ɛn Zerubabɛl in bɔypikin dɛm: Meshulam ɛn Ananaya, ɛn Shelomit na bin dɛn sista;