Jɛrimaya 28:4 - Krio Fɔs Oli Baybul

⁴ PAPA GƆD Ɔlmayti se, “A go briŋ Jɛkonaya we na Jɛoiakim we na kiŋ na Juda in bɔypikin, ɛn ɔl di wan dɛn we bin kɔmɔt Juda go ɛgzayl, bikɔs a go brok di kiŋ na Babilɔn in pawa.”

Jɛrimaya 28:4 Referans Kwoze

Jɛrimaya 22:24

PAPA GƆD se, as lɔŋ as a de alayv, ɔldo na Jɛoiachin, we na Jɛoiakim, kiŋ na Juda in bɔypikin na bin di riŋ na mi an we a de tek sayn, a go stil rut una kɔmɔt na mi an,

Jɛrimaya 28:2

“Na dis PAPA GƆD Ɔlmayti we na Izrɛl dɛn Gɔd se: A dɔn brok di kiŋ na Babilɔn in pawa.

Jɛrimaya 24:1

Afta we Nɛbyukadnɛza, we na kiŋ na Babilɔn bin dɔn kɛr Jɛkonaya, we na Jɛoiakim we na kiŋ na Juda, in bɔypikin, togɛda wit di bigman dɛm na Juda, di man dɛm we de mek tinks dɛn wit dɛn an, ɛn di goldsmit ɛn blaksmit dɛm, go ɛgzayl na Babilɔn kɔmɔt Jerusɛlɛm, PAPA GƆD bin sho mi dis vishɔn; A si tu baskit fignɔt we dɛn put bifo PAPA GƆD in tɛmpul.

Neum 1:13

I se in go pul dɛn kɔmɔt biɛn una ɛn dɛn nɔ go ebul una igen

Jɛrimaya 30:8

PAPA GƆD Ɔlmayti se, “I go apin da de de se, a go brok di chen kɔmɔt na dɛn nɛk, ɛn a go fri dɛm, ɛn trenja dɛn nɔ go tek dɛn mek bɔy igen

Jɛrimaya 28:10

Nain Prɔfɛt Ananaya pul di bod yok kɔmɔt na Jɛrimaya we na prɔfɛt in nɛk, ɛn brok brok dɛm.

Jɛrimaya 24:5

“Na dis PAPA GƆD we na Izrɛl dɛn Gɔd se: A go si di wan dɛn we kɔmɔt Juda go ɛgzayl, we a pul kɔmɔt ya sɛn go na di Babilonian dɛn land, lɛkɛ dɛn gud fignɔt dɛm ya.

Jɛrimaya 22:10

Nɔ kray fɔ pɔsin we dɔn day, nɔ sɔri fɔ am; bɔt kray bita bita wan fɔ udat go, bikɔs i nɔ go kam bak igen fɔ kam si in kɔntri we i bɔn.

Jɛrimaya 2:20

“Bikɔs una dɔn lɛf fɔ wok fɔ mi lɔlɔntɛm ɛn nɔ de du wetin a se una fɔ de du igen, ɛn una se, “A nɔ go sav yu igen” Yɛs, na pantap ɔl dɛn ay il ɛn ɔnda ɔl dɛn grin tik una de butu to dɛn lay lay gɔd dɛn lɛk rare gyal.

Ayzaya 9:4

Bikɔs yu dɔn brok di tin we de gi am prɔblɛm, ɛn di ratlan kɔmɔt nain Sholda, di tik we dɛn de tek aras am, yu dɔn brok am lɛk aw yu du am di tɛm fɔ Midian.

Jɛnɛsis 27:40

We yu fɛt ɛn kil yu go gɛt wetin fɔ it, Yu go de ɔnda yu brɔda as wokman. Bɔt wɛn yu nɔ ebul fɔ bia igen, Yu go kɔmɔt ɔnda in kɔntrol.”

Jɛrimaya 27:8

“ ‘ “Bɔt if ɛni neshɔn ɔ kindɔm nɔ gri sav dis Nɛbyukadnɛza we na kiŋ na Babilɔn, ɛn nɔ rɛdi fɔ du ɛnitin, ɛnitɛm, fɔ di kiŋ na Babilɔn, a go pɔnish da neshɔn de wit wa, wit bad bad aŋri ɛn wit siknɛs, te a dɔn mek Nɛbyukadnɛza nyakanyaka am kpatakpata. Na so PAPA GƆD se.

Lɛvitikɔs 26:13

I se PAPA GƆD se nain na PAPA GƆD we na dɛn GƆD we pul dɛn kɔmɔt pan slev layf na Ijipt, so dat dɛn nɔ go bi di Ijipshian dɛn slev; i dɔn pul da lod de kɔmɔt na dɛn ed ɛn naw dɛn kin waka friwan wit dɛn ed ɔp.

2 Kiŋ 24:14

Kiŋ Nɛbyukadnɛza kech ɔlman na Jerusɛlɛm kɛr dɛn go na Babilɔn, di ɔfisa dɛn o, di sojaman dɛn o, wit di man dɛnsɛf we sabi mek ats ɛn kraft, na dɛn ɔl i kɛr go na Babilɔn. Na tɛn tawzin man i kɛr. Na dɛn po po wan dɛn nɔmɔ i lɛf na Jerusɛlɛm.

Jɛrimaya 13:19

Di siti dɛn na di Nɛgɛb dɔn lɔk, ɛn nɔbɔdi nɔ de fɔ opin dɛm; dɛn dɔn kɛr di wanol Juda ɛgzayl, dɛn kɛr dɛn ɔl go ɛgzayl.

Jɛrimaya 29:1

Na dis Jɛrimaya we na prɔfɛt bin rayt insay di lɛta we i sɛn kɔmɔt Jerusɛlɛm go to di bigman dɛm pan di wan dɛm we bin de ɛgzayl, ɛn to di man dɛm we de mek sakrifays fɔ pipul sin, di prɔfɛt dɛm, ɛn ɔl di pipul dɛm we Nɛbyukadnɛza bin dɔn kɛr go ɛgzayl na Babilɔn, kɔmɔt Jerusɛlɛm.

Jɛrimaya 29:2

Dis na bin afta kiŋ Jɛkonaya, ɛn di kwin mami, di okobo dɛm, di bigman dɛm na Juda ɛn Jerusɛlɛm, di man dɛn we de mek tiŋs wit dɛn an, di goldsmit ɛn blaksmit dɛm, bin dɔn kɔmɔt Jerusɛlɛm.