Jɛrimaya 28:3 - Krio Fɔs Oli Baybul

³ Insay tu ia, a go briŋ ɔl di tin dɛn fɔ yuz na PAPA GƆD in os kam bak, we Nɛbyukadnɛza we na kiŋ na Babilɔn, bin tek kɔmɔt na dis ples kɛr go Babilɔn.

Jɛrimaya 28:3 Referans Kwoze

2 Kiŋ 24:13

Lɛkɛ aw PAPA GƆD bin dɔn se nɔmɔ, na so Nɛbyukadnɛza klia ɔl di dia tin dɛn we bin de na PAPA GƆD in os ɛn di kiŋ in os na Juda. I klia ɔl di gold we Kiŋ Sɔlɔmɔn bin put na PAPA GƆD in os.

Daniɛl 1:2

PAPA GƆD bin mek Nɛbyukadnɛza kapchɔ Jɛoiakim, Juda dɛn kiŋ, ɛn sɔm pan di oli tin dɛn we dɛn bin de yuz na PAPA GƆD in os. Nɛbyukadnɛza bin kɛr dɛn ɔl go nain gɔd in os na Shina, ɛn bin put di oli tin dɛn, na di ples we dɛn bin de kip dɛn gɔd in fayn fayn tin dɛn.

2 Kronikuls 36:10

Insay di oli pat pan di ia kiŋ Nebyukadnɛza sɛn fɔ briŋ am kam Jerusɛlɛm wit di prɛshɔs besin dɛm we de na PAPA GƆD in os ɛn mek in brɔda Zɛdikaya kiŋ na Juda ɛn Jerusɛlɛm.

Di Sam Dɛm 90:10

Mɔtalman fɔ liv fɔ sɛvinti ia bɔt if i gɛt trɛnk, i kin de fɔ eti, ɛn da tɛm de i go de sik bɔku ɛn gɛt ɔlkayn trɔbul, dɔn na so tɛm go de flay fɔ am.

Jɛnɛsis 47:28

So Jekɔb bin de Ijipt fɔ sɛvintin ia. I ol wan ɔndrɛd ɛn fɔti sɛvin ia we i day.

Jɛnɛsis 47:9

in dɔn de fɔ wan ɔndrɛd ɛn tati ia ɛn di tin dɛn we in yay dɔn si, i nɔ smɔl. Ɛn i nɔ rich in pipul dɛn ej yet.

2 Kronikuls 36:7

Nebyukadnɛza tek bak sɔm pan di besin dɛm fɔ PAPA GƆD in os ɛn put dɛm nain kiŋ os na Babilɔn.