Jɛrimaya 28:15 - Krio Fɔs Oli Baybul

¹⁵ Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Jɛrimaya 28:15 Referans Kwoze

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Jɛrimaya 23:21

“A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Izikɛl 22:28

Ɛn in prɔfɛt dɛn dɔn dab dab wayt wɔsh fɔ dɛm; dɛn de si lay lay vishɔn dɛm we nɔ tru ɛn de gi laylay mɛsej dɛm se, ‘Na dis Papa Gɔd we na Gɔd se,’ wɛn PAPA GƆD nɔ bin tɔk atɔl.

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 29:23

bikɔs dɛn dɔn mek dɛnsɛf fulish na Izrɛl, dɛn dɔn kɔmit adɔltri wit dɛn neba dɛm wɛf dɛm, ɛn dɛn dɔn tek mi nem tɔk laylay wɔd dɛm, we nɔto mi kɔmand dɛm fɔ du am. Na mi na di wan we no, ɛn na mi na di witnɛs. Na so PAPA GƆD se.’”

Izikɛl 13:22

Bikɔs una bin dɔn mek di wan we de waka tret, dɛn at pwɛl, ivindo mi nɔ pwɛl in at, ɛn una dɔn ɛnkɔrej di wikɛd pipul, so dat i nɔ go chenj fɔ ebul sev in layf;

1 Kiŋ 22:23

Maykaya tɛl am se na PAPA GƆD insɛf sɛf put laylay spirit na di prɔfɛt dɛn mɔt, ɛn i dɔn tɔk se i nɔ gɛt fɔ ɛnd fayn.

Jɛrimaya 20:6

Ɛn yu, Pashɔ, ɛn ɔl udat tap na yu os, go go bi slev; na Babilɔn yu go go, ɛn na de yu go day, ɛn na de dɛn go bɛr, yu ɛn ɔl yu padi dɛm we yu bin gi lay lay prɔfisi.”

Zɛkaraya 13:3

If ɛniwan stil de we de mek se in na prɔfɛt, in mama ɛn papa we bɔn am go tɛl am se i nɔ wan lɔŋ layf as na lay i de lay se i de tɔk fɔ PAPA GƆD; dɔn we i lay, in mama ɛn papa go chuk am fɔ di lay we i de lay.

Jɛrimaya 28:11

Nain Ananaya tɔk bifo ɔl di pipul dɛn se, “Na dis PAPA GƆD se: Na semweso a go brok Nɛbyukadnɛza we na kiŋ na Babilɔn in yok kɔmɔt na ɔl di neshɔn dɛn nɛk, insay tu ia.” Bɔt Jɛrimaya we na prɔfɛt bin go in we.

Jɛrimaya 7:8

“Una lisin, una abop pan wetin dɛn de tɔk fɔ ful una, we na wɔd dɛm we nɔ go bɛnifit una.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

Izikɛl 13:6

Dɛn dɔn tɔk wɔd dɛn we nɔto tru ɛn lay se tin go bi we nɔto tru; dɛn kin se ‘PAPA GƆD se;’ wɛn PAPA GƆD nɔ sɛn dɛn, stil dɛn de luk to PAPA GƆD fɔ du wetin dɛn se.

Izikɛl 13:9

A go rɛdi fɔ dil wit dɛn prɔfɛt we de si laylay vishɔn ɛn we de gi laylay prɔfisi; dɛn nɔ go de na mi pipul dɛn kansul, ɛn dɛn nem nɔ go de na di rɛjista na Izrɛl, ɛn dɛn nɔ go go insay Izrɛl; ɛn una go no se na mi na Papa Gɔd we na Gɔd.

Ditarɔnɔmi 13:6

I se if dɛn brɔda, ɔ dɛn wan dadi brɔda, ɔ wan mami brɔda, ɔ dɛn bɔypikin ɔ gyal pikin, ɔ ivin dɛn wɛf we dɛn lɛk bad bad wan, ɔ dɛn bɛst padi, tray fɔ koks dɛn sikrit wan fɔ wɔship ɔda gɔd we dɛn ɛn dɛn fɔstɛmpapa dɛn nɔ bin no,

Ditarɔnɔmi 18:20

bɔt ɛni prɔfɛt we tɛl di pipul dɛn wetin PAPA GƆD nɔ bin tɛl am fɔ tɔk, ɔ de tɔk fɔ ɔda gɔd dɛn, di pipul dɛn fɔ kil da prɔfɛt de.

Jɛrimaya 23:31

PAPA GƆD se, a de agens di prɔfɛt dɛm we de opin dɛn mɔt tɔk se, ‘Na PAPA GƆD se.’