Jɛrimaya 28:13 - Krio Fɔs Oli Baybul

¹³ I se, “Go, tɛl Ananaya se:, ‘Na dis PAPA GƆD se: Yu dɔn brok di bod yok, bɔt instɛ ɔf bod yok, a go mek ayɛn yok.

Jɛrimaya 28:13 Referans Kwoze

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Jɛrimaya 27:15

PAPA GƆD se, ‘A nɔ sɛn dɛm, bɔt dɛn de tek mi nem gi una lay lay prɔfisi, so dat a go drɛb una ɛn una go sɔfa bad bad wan, una ɛn di prɔfɛt dɛm we de prɔfisi to una.”

Di Sam Dɛm 149:8

ɛn kapchɔ dɛn Kiŋ, tay am, togɛda wit ɔl dɛn bigman dɛn

Ditarɔnɔmi 28:48

dɛn go wok fɔ dɛn ɛnimi dɛn, we PAPA GƆD go mek fɛt dɛn, ɛn dɛn go so trit dɛn bad, dat dɛn nɔ go gɛt bɛtɛ it fɔ it, dɛn nɔ go gɛt tin fɔ drink ɛn klos fɔ wɛr.

Di Sam Dɛm 107:16

bikɔs i ebul brok brok di ɛnimi dɛn do ɛn dɛn ayɛn get dɛn.

Ayzaya 45:2

A go lid yu ɛn lɛbul di mawnten dɛn, A go brok di bras do dɛn pis pis ɛn kɔt kɔt dɛn ayɛn ba dɛn.

Jɛrimaya 27:2

Na dis PAPA GƆD bin tɛl mi: “Mek lɛda strap ɛn bod yok put na yu nɛk.

Lamɛnteshɔn 1:14

Dɛn tay ɔl di bad tin dɛn we a dɔn du, wan say lɛk ebi lod; na PAPA GƆD sɛf tay dɛn ɔl togɛda; i put dɛn ɔl na mi nɛk; I mek a wik dɔn i sɛl mi to pipul dɛn we a nɔ go ebul fɛt.

Izikɛl 30:18

Di de go dak na Teafɛnɛz, di tɛm we a go brok Ijipt dɛn kɔntrolpan Tefaniz, ɛn in prawd pawa go dɔn, klawd nain go kɔba am ɛn dɛn go kech in gyal pikin dɛn ɛn kɛr dɛm go as prizina.

2 Kronikuls 10:11

I se ɛnti in papa gi dɛn ebi lod fɔ tot, in go gi dɛm di wan we pas dat; ɛn if na ken in papa bin de tek flag dɛn, na tik in go tek wok dɛm.