Jɛrimaya 27:9 - Krio Fɔs Oli Baybul

⁹ So una nɔ lisin to una prɔfɛt dɛm, ɔ una lukgrɔn man dɛm, di wan dɛn we se dɛn de drim, di wan dɛn we de tɛl una wetin go apin bambay, ɔ dɛn majikman dɛn we de tɛl una se, ‘Una nɔ fɔ sav di kiŋ na Babilɔn.’

Jɛrimaya 27:9 Referans Kwoze

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Malakay 3:5

I se na da tɛm de in go pas in jɔjmɛnt pan ɔl dɛn wan we de lukgrɔn fɔ pipul, dɛn man we de kip pipul wɛf dɛn, dɛn wan we de fɔ lay pan pipul, dɛn wan we nɔ de gri pe wokman aw dɛn fɔ pe am, dɛn uman we dɛn man dɔn day ɛn dɛn pikin we nɔ gɛt papa; i go ivin jɔj dɛn wan dɛn we de buli fɔrina ɛn dɛn nɔ de fred in we na PAPA GƆD Ɔlmayti.

Jɛrimaya 29:8

Bikɔs na dis PAPA GƆD Ɔlmayti we na Izrɛl dɛn Gɔd se: Una nɔ gri lɛ una prɔfɛt dɛm ɛn lukgrɔn man dɛm we de wit una, lay gi una, ɛn una nɔ lisin to dɛn drim dɛm we dɛn de drim,

Ayzaya 8:19

Ɛn wɛn dɛn tɛl una se, “Go to dɛn lukgrɔn man ɛn dɛn majik man dɛn we de mek swit mɔt to una, de rid fasfas ɛn kwayɛt wan we yu nɔ de ɔndastand,” di pipul dɛn nɔ fɔ tɔk to dɛn Gɔd? Dɛm fɔ tɔk to dayman fɔseka pipul dɛn we gɛt layf?

Rɛvɛleshɔn 22:15

As fɔ dɛn pipul we de du dɛn dɔti tin, dɛn wich, dɛn pipul we liv fri layf dɛn pipul we de kil, dɛn wan we ol juju, ɔl dɛn pipul we de lay, ɛn dɛn wan we lɛk fɔ lay, ɔl dɛn kayn pipul ya nɔ go mas fut insay da tɔŋ de.

Rɛvɛleshɔn 21:8

Bɔt as fɔ dɛn pipul we dɛn maynd wik, dɛn wan we nɔ biliv Gɔd in mɛsej, dɛn wan we de du dɛn dɔti dɔti tin, dɛn wan we de kil dɛn kɔmpin, dɛn wan we liv fri layf, dɛn wan we de wich, dɛn wan we de fala mɛrɛsin, dɛn wan we de lay, ɔl dɛn pipul we de du dɛn kayn tin ya, dɛn go trowe dɛn ɔl insay da wata we faya de kech ɛn sɔlfa de bɔn. Na di sɛkɛn day dat.”

Rɛvɛleshɔn 18:23

lamp nɔ go layt de igen; man ɛn uman nɔ go mared de igen. Dɛn wan we bin de tredin insay de na bin dɛn bigman we ɔlman na wɔl, no. I bin de tek wich mek ɔl dɛn pipul na ɔl dɛn neshɔn ful.”

Rɛvɛleshɔn 9:21

Dɛn pipul ya nɔ bin sɔri fɔ wetin dɛn bin de du ɛn lɛf fɔ du dɛn, dat na di kil we dɛn bin de kil pipul, di wich we dɛn bin de wich, di fri layf we dɛn bin liv ɛn di tif we dɛn bin de tif.

Apɔsul Dɛn Wok 8:11

I bin dɔn te we Saymɔn de mek pipul wɔnda pan di majik we i de ple.

Mayka 3:7

ɛn PAPA GƆD nɔ go ansa natin we dɛn aks fɔ.

Jɛrimaya 23:32

PAPA GƆD se, a de agens dɛn wan dɛm we de prɔfisay wit lay lay drim, we de lay gi dɛm ɛn mek mi pipul dɛn go astre bay dɛn lay lay ɛn dɛn rɛklɛsnɛs, we a nɔ sɛn dɛm ɔ nɔ pik dɛm; we yu luk am, dɛn nɔ de ɛp dɛn pipul dɛn ya at ɔl.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 23:16

Na dis PAPA GƆD Ɔlmayti se: “Una nɔ lisin wetin di prɔfɛt prɔfisay to una, fɔ mek una jɛs de abop fɔ natin; na wetin de na dɛn maynd dɛn de tɔk, nɔto wetin PAPA GƆD se.

Jɔshwa 13:22

Wan pan di pipul dɛn we di Izrɛlayt dɛn bin kil, na bin di lukgrɔn man we nem Bɛɔ in pikin we nem Balama.

Ditarɔnɔmi 18:14

I tɛl dɛn se dɛn pipul dɛn we de na di land we PAPA GƆD wan gi dɛn de luk grɔn ɛn de tɛl pipul wetin gɛt fɔ apin to dɛn, bɔt PAPA GƆD we na dɛn Gɔd nɔ want lɛ dɛn put an pan dɛn kayn tin dɛn de.

Ɛksodɔs 7:11

So di kiŋ insɛf sɛn kɔl i sɛnsman dɛn, in lukgrɔn man dɛn, ɛn in majikman dɛn na Ijipt. Dɛn yuz dɛn yon pawa fɔ du di sem tin.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.

Lɛta Fɔ Ɛfisɔs 5:6

Mek nɔbɔdi nɔ mek una ful wit wɔd we nɔ min natin, na ɔl dɛn tin ya de mek Gɔd vɛks pan dɛn pipul we nɔ de du wetin i tɛl dɛn fɔ du.

Ɛksodɔs 22:18

Ɛni uman we de wich, una fɔ kil am.

Prɔvabs 19:27

Mi pikin, if yu nɔ tek wetin a tich yu, yu go lɛf fɔ du wetin rayt.

Izikɛl 21:29

Wɛn dɛn de si laylay vishɔn fɔ una, ɛn wɛn dɛn de lay gi una bɔt una tumara - fɔ le am na di wan dɛn we wikɛd ɛn nɔ oli, dɛn nɛk dɛn, we na di tɛm fɔ dɛn las las pɔnishmɛnt, ɛn dɛn kɔp dɔn ful.

Daniɛl 4:7

So ɔl di magik man, mɛrɛsin man, Babilonian, ɛn man dɛn we no bɔt mun ɛn sta kam insay; ɛn a bin tɛl dɛn di drim, bɔt nɔn nɔ bin ebul fɔ mek a no di minin.

Ditarɔnɔmi 13:2

dɔn di tin dɛn we i se go bi, bi, dɔn i kam tɛl dɛn fɔ go wɔship ɔda gɔd dɛn,