Jɛrimaya 27:14 - Krio Fɔs Oli Baybul

¹⁴ Nɔ lisin dɛm prɔfɛt we de se, ‘Una nɔ fɔ de ɔnda di kiŋ na Babilɔn,’ bikɔs na lay lay prɔfisi dɛn de gi una.

Jɛrimaya 27:14 Referans Kwoze

Jɛrimaya 14:14

Nain PAPA GƆD tɛl mi se; “Di prɔfɛt dɛm de yuz mi nem fɔ gi lay lay prɔfisi; A nɔ sɛn dɛm ɛn a nɔ tɛl dɛm fɔ tɔk to dɛm. Na lay lay prɔfisi dɛn de gi una; na lay lay vishɔn dɛn de pul na dɛn ed de lay gi una.

Jɛrimaya 23:21

“A nɔ sɛn di prɔfɛt dɛm, bɔt dɛn rɔn go; a nɔ tɔk to dɛm bɔt dɛn prɔfisay.

Jɔn In Fɔs Lɛta 4:1

Mi padi dɛn we a lɛk, nɔto ɔl spirit una fɔ biliv, bɔt una fɔ tray di spirit dɛn fɔ no if na to Gɔd dɛn kɔmɔt, bikɔs plɛnti lay prɔfɛt dɛn dɔn kam na di wɔl.

Lɛta Fɔ Filipay 3:2

Una fɔ waydawek, sɔm pipul de we de du bad, ɛn dɛn de pin se ɔl dɛn man fɔ sakɔmsayz; dɛn tan lɛkɛ dɔg.

Matyu 7:15

“Una tek tɛm wit dɛn prɔfɛt we nɔ de tɔk tru; wɛn una luk dɛn, dɛn tan lɛkɛ ship, bɔt insay dɛn at, dɛn tan lɛkɛ wulf we wayl bad bad.

Mayka 2:11

Mayka se na pɔsin we de lay gi dɛn, nain dɛn want. I se if di pɔsin kam prich se dɛn go gɛt bɔku wayn ɛn rɔm fɔ drink, na da tɛm de dɛn go gladi fɔ lisin we i de tɔk.

Jɛrimaya 28:15

Nain Jɛrimaya we na prɔfɛt tɛl Prɔfɛt Ananaya se “Lisin, Ananaya, PAPA GƆD nɔ sɛn yu, ɛn yu dɔn mek dɛn pipul ya dɔn biliv pan lay lay.

Jɛrimaya 23:25

A dɔn yɛri wetin di prɔfɛt dɛm we de tek mi nem prɔfisay lay lay prɔfisay, se, we dɛn de se, ‘A drim, A drim!

Jɛrimaya 37:19

We una prɔfɛt dɛm we bin prɔfisay to una se, ‘Di kiŋ na Babilɔn nɔ go atak yu ɛn agens dis land?

Jɛrimaya 38:22

A si dɛn de kɛr ɔl di uman dɛn we lɛf na di kiŋ na Juda in os go to di bigman dɛn na Babilɔn de se, Yu padi dɛn we yu bin biliv dɔn ple yu tampale, ɛn dɔn gɛt yu aw dɛn want yu; naw we una fut dɔn sink insay pɔtɔpɔtɔ dɛn dɔn kɔmɔt biɛn yu.’

Lamɛnteshɔn 2:14

Yu prɔfɛt dɛn dɔn si laylay vishɔn dɛn fɔ yu; dɛn nɔ bin tɔk bɔt di bad we yu bin de du so dat yu go gɛda yusɛf bɔt dɛn dɔn si dɛbul dɛn fɔ yu we na laylay ɛn kin mek yu du di rɔŋ tin.

Zɛkaraya 10:2

Dɛn man we de lukgrɔn de tɔk nɔnsɛns, na soso lay ful dɛn man dɛn we biliv se dɛn de tɔk to dɛn god; di wan dɛn we de drim de drim laylay drim, ɛn de gi laylay intapritteshɔn. Dat de mek di pipul jɛs de go lɛk we kayt kɔt. Dɛn de gɛt prɔblɛm bikɔs nɔbɔdi nɔ de fɔ lid dɛn.